Ez 4:3 - Kaqchiquel Bible

³ Xeri' nabek'ama-pe jun xot ri banon rik'in q'eqapueq y jari' xtok achi'el jun tz'aq rat y ri ruwachibel ri tinamit ri'. Y k'ari' xkak'oje' chuwech re tinamit achi'el xa ta nachop chi oyowal. Y re' xtok jun retal chikiwech ri awinaq israelita.

Ez 4:3 ပူးပေါင်းရင်းမြစ်များ

Ez 12:6

Chikiwech k'a rije' xkatel-wi-el toq nok yan qa ri aq'a' y xtajekej k'a el ri k'atzinel chawe y xtatz'apej k'a el ri apalej richin man natzu' ta kan ri ruwach'ulew ri naya' kan. Keri' xkatok jun retal chikiwech, xcha'.

Wuj Richin ri Isaías 20:3

Rija' kan keri' k'a xuben ri oxi' juna'. Y chirij re' ri Jehová xubij chi achi'el k'a xuben ri Isaías chi maneq rutziaq y maneq ruxajab xukusaj, re' xaxe richin xuk'ut y xuya' rutzijol chike ri ruwach'ulew Egipto y ri Etiopía.

Wuj Richin ri Isaías 8:18

Roma yin y ri walk'ual ri e ruya'on ri Jehová chuwe, kan oj ruya'on richin jun retal, y richin nima'q taq banobel richin re wawe' pa qaruwach'ulew. Y ri nibanon chiqe re', ja ri Jehová k'iytisanel richin ronojel ri k'o pa tinamit Sión.

Ez 12:11

Y chuqa' k'o chi ninbij chi yin xinok jun retal chike ri nuwinaq ri ek'o wik'in, roma achi'el k'a ri xinben yin keri' xtiban chike ri ek'o kan pa Jerusalem toq xke'elesex-el y xke'uk'uex pa ximonri'il.

Hebreos 2:4

Ri Dios chuqa' kan xujikiba' ri kich'abel rije' rik'in nima'q taq banobel y rik'in jalajoj ruwech meyel taq banobel, y rik'in ri sipanik ri xya'ox chike roma ri Loq'olej Espíritu, achi'el ri xrajo' rija'.

San Lucas 2:34

Jari' toq ri Simeón xerurtisaj y xubij chire ri María: Tawak'axaj na pe, re ak'ual re' ya'on-pe roma ri Dios richin chi e k'iy chike ri qawinaq judío xkeyakatej y e k'iy chuqa' ri xketzaq. Rija' kan xya'ox k'a pe richin jun retal richin ri kolotajik, jak'a e k'iy ri xa xtiketzelaj.

Wuj Richin ri Jeremías 39:1

Chupan k'a ri lajuj ik' chire ri beleje' juna' richin ri q'atbel-tzij richin ri rey Sedequías pa ruwi' ri Judá, ri Nabucodonosor rey richin Babilonia, e rachibilan-pe ri aj-labal xepe richin xokisutij-rij ri tinamit Jerusalem.

Wuj Richin ri Chojmirisabelri'il 2:5

Wi nasuj jun sipanik richin jalajoj ruwech ixin ri chaq'arisan pa xot, k'o chi naben rik'in k'ej chayun y naxol aceite rik'in, y man naya' ta ch'amilej-q'or rik'in;

Wuj Richin ri Jeremías 39:2

Chupan ri juna' julajuj chire ri rukaj ik', chire ri q'ij beleje', toq niq'aton-tzij ri rey Sedequías, jari' toq ri aj-Babilonia xkijeq jun bey chiri' chupan ri tz'aq.

Ez 5:2

Y toq xtak'is ri oyowal chirij ri ruwachibel ri tinamit Jerusalem, jari' toq xtaporoj ri jun nabey chuyaj chire ri rusumal-awi' pa ruwi' ri xan. Ri jun chik chuyaj xtaya' pa ruwi' ri xan y k'ari' xtatzak'ij rik'in espada. Y chire ri rox chuyaj xtak'en kan ka'i-oxi' raqen rusumal-awi' y xtaxim chutza'n-qa ri atziaq. Y ri xtik'oje' kan xtak'eq-el pa kaq'iq'. Y re' nuk'exewachuj chi kan keri' xtinben iwik'in rix y kan xkixintzeqelibej rik'in espada.

Dn 11:17

Chirij ri' rija' kan xtapon k'a pan Egipto e rachibilan e k'iy aj-labal richin xtijunamatej-kiwech. Y roma ri' xtuya' ri rumi'al chire richin nik'ule' rik'in, y keri' nitikir nuch'ek ri Egipto. Jak'a xa man xtitikir ta y ri ruch'obonik kan man utz ta xtel chuwech.

Wuj Richin ri Isaías 22:7

Ri jebelej taq taq'aj richin ri Judá xkenoj chi carruaje richin oyowal, y ronojel tinamit richin ri Judá xkesurix-kij koma ri aj-labal ri yech'oke' chirij kiej.