Ez 4:14 - Kaqchiquel Bible

¹⁴ Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

Ez 4:14 ပူးပေါင်းရင်းမြစ်များ

Hechos 10:14

Jak'a ri Pedro xubij: Ajaw, yin man xkentej ta re chikopi' re'. Yin kan man jun bey e nutijon ta chikopi' achi'el re', ri kan e k'utun chinuwech chi man e ch'ajch'oj ta, ri xa xajan richin yetij, xcha'.

Ez 20:49

Y yin xinbij k'a chire: ¡Ajaw!, ri winaqi' nikibij chi yin xaxe yenbila' ch'abel ri man jun achoq chuwech niq'ax-wi, xicha'.

Ez 9:8

Y rokik k'a ye'ajin rije' chi kamisanik chiri' pa tinamit, yin xik'oje' kan nuyon. Y xink'eq k'a wi' pan ulew y rik'in k'a janila q'axo'n xisik'in y xinbij ¡Jehová, at wajaw! ¿Kan nawelesaj ronojel ri awoyowal chirij ri tinamit Jerusalem, richin chi ye'ak'is ri juba' chik winaqi' ri k'a ek'o kan?, xicha'.

Wuj Richin ri Jeremías 1:6

Jak'a yin xinbij chire chi man yitikir ta yich'on, roma xa k'a janila in k'ajol.

Wuj Richin ri Isaías 65:4

Kan ek'o k'a chiri' chikikojol ri jul richin muqbel, y nikik'owisaj aq'a' ri chiri'. Chuqa' kan nikitej ti'ij richin aq, y chupan ri kibojo'y k'o ruya'al q'utun ri man ch'ajch'oj ta.

Deut 14:3

Kan man jun k'a chire ri man e ch'ajch'oj ta, titej.

Wuj Richin ri Isaías 66:17

Roma konojel ri kijachon-ki' richin nikiben ri etzelal ri pa taq kiqejoj, y kan kitzeqeliben jun dios ri k'o pa kinik'ajal, ri nikitej ri rutijul aq, y ch'aqa' chik ri kan man utz ta achi'el ri ch'oy; konojel winaqi' re' kan xke'elesex-el junan y xkek'is. Yin Jehová ri yibin.

Wuj Richin ri Chojmirisabelri'il 17:15

Keri' chuqa' ri iwinaq o man iwinaq ta, wi k'o xtitijo ri ruch'akul jun chikop ri xken ruyon o xwech' koma ch'aqa' chik chikopi', ri wineq ri' k'o chi natin y nuch'ej rutziaq, y kan xtok man ch'ajch'oj ta chi jun q'ij k'a toq nok-pe ri aq'a'.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Ez 44:31

Jak'a ri sacerdote man tikitej man jun ruwech aj-xik' chikop o chikop ri ruyon xken o chikop ri xwech' ta kan roma jun k'uxunel chikop.

Wuj Richin ri Chojmirisabelri'il 19:7

Roma wi k'o ta jun wineq nitijo ri ti'ij pa rox q'ij, re' kan xtuben chuwe chi xtinwetzelaj y man xtink'ul ta.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Ez 4:15

K'ari' ri Jehová xubij chik chuwe: Wakami k'a, ninya' q'ij chawe richin nachaq'arisaj ri akaxlan-way pa q'aq' ri banon rik'in chaqi'j pamaj richin bóyix, pa ruk'exel pamaj richin wineq.

Dn 1:8

Jak'a ri Daniel kan xubij pa ránima chi man xtutz'ilobisaj ta ri ruk'aslen rik'in ri q'utun y ri vino ri nutej ri rey. Roma ri' xuk'utuj utzil chire ri Aspenaz chi man tiban chire chi nuq'ej ruwi' rutzij ri ru-Dios.

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.