Ez 39:28 - Kaqchiquel Bible

²⁸ K'ari' k'a xtiketamaj chi ja yin Jehová ri ki-Dios, stape' yin xenteq-el pa taq ch'aqa' chik ruwach'ulew. Jak'a chupan ri q'ij ri' xkenk'en chik pe y kan man jun xtinya' kan ri juk'an chik ruwach'ulew.

Ez 39:28 ပူးပေါင်းရင်းမြစ်များ

Ez 39:22

Chupan k'a ri q'ij ri' ri nutinamit Israel kan xtretamaj k'a chi ja yin Jehová ri in ki-Dios.

Am 9:9

Yin kan xtinben chiwe rix israelita achi'el xa ta xkixinchayuj kan, achi'el toq nichayux ri trigo. Rix ri yixtzeqeliben wichin kan xkixtalutej k'a el pa taq ruwach'ulew. Jak'a ri man xkinkitzeqelibej ta xa xke'ok achi'el q'ayis ri nichayutej kan.

Wuj Richin ri Isaías 27:12

Chupan k'a ri q'ij ri' ri Jehová kan k'o k'a ri xtiberubana'. Nitiker-pe chupan ri raqen-ya' Éufrates y napon k'a pa raqen-ya' Egipto, kan xkeruk'is k'a konojel. Xtiban chike achi'el toq nich'ay ri trigo. Jak'a rix aj-Israel xa kan xkixmol chi'ijujunal.

Ez 34:30

K'ari' k'a xtiketamaj chi ja yin Jehová ri ki-Dios y chi rije' e nutinamit yin. Chuqa' kan jantape' xkik'oje' kik'in. Yin Jehová ri yibin.

Os 2:20

Xkatok chik k'a wixjayil y kan utz xtinben awik'in. Keri' rat kan xtawetamaj chik nuwech yin Jehová.

Wuj Richin Bix Chire ri Dios 147:2

Ri Jehová nupaba' chik q'anej ri tinamit Jerusalem; Kan xkeruk'en chik pe konojel ri winaqi' ri e talutajineq.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Ez 39:27

Y toq xkenwelesaj-pe chikikojol ri ch'aqa' chik tinamit ri akuchi ek'o-wi ri e etzelanel kichin, chikiwech ri winaqi' ri' kan xtink'ut k'a wi' chi yin kan in loq'olej-wi roma ri utzilej taq kibanobal ri awinaq israelita.

Ez 39:29

Kan man jun bey chik k'a xkenmalij kan, roma xtinya' k'a ri loq'olej nu-Espíritu pa kiwi' richin nik'oje' kik'in. Yin Jehová ri ink'o pa ruwi' ronojel ri yibin, xcha'.

Ez 37:21

y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.