Ez 39:25 - Kaqchiquel Bible

²⁵ Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 39:25 ပူးပေါင်းရင်းမြစ်များ

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Wuj Richin ri Jeremías 33:7

Kan xkenk'en-pe ri aj-Judá y ri aj-Israel ri e nutalun-el y kan xtinya' uchuq'a' kik'in achi'el ri pa rutikeribel.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Wuj Richin ri Isaías 56:8

Yin Jehová ri ink'o pa ruwi' ronojel, y ja yin xkimolon kichi' konojel ri aj-Israel ri xa kitalun-ki'. Y ninjikiba' nutzij chi xkenmol chik ch'aqa' winaqi' kik'in.

Wuj Richin ri Zacarías 8:2

Yin kan janila k'a ninwajo' ri Sión, y roma ri' niyakatej janila woyowal toq ronojel man utz ta beneq.

Wuj Richin ri Zacarías 1:14

Y xeri' ri ángel xubij chuwe richin chi tinbenya' rutzijol chike ri nuwinaq. Y jare' k'a ri rutzijol: Yin Jehová ri k'o ronojel uchuq'a' wik'in, kan janila nik'o ruwi' yixinwajo' rix winaqi' aj-Jerusalem y chuqa' ri juyu' Sión.

Am 9:14

Kan keri' k'a xtibanatej chi xkixinwelesaj-pe pa ximonri'il rix israelita. Xtipabex chik q'anej jun bey ri itinamit ri e wulatejineq kan, richin xkixk'oje' chik jun bey chiri'. Rix xtitik chik qa i-uva y xtiqum chik ri vino. Chuqa' xtitik qa jalajoj ruwech che' y kan ja rix xkixtijo.

Joel 2:18

Jari' k'a toq ri Jehová xtujoyowaj chik jun bey ruwech ri ruwach'ulew y xtukuy k'a kimak ri ruwinaq.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 31:3

Yin k'a nej xink'ut-wi' chikiwech ri iwati't-imama' y xinbij chike: Yin kan yixinwajo' rik'in jun ajowabel ri man jun bey nik'is y roma ri' kan jantape' xtinjoyowaj iwech, xicha' chike.

Wuj Richin ri Jeremías 23:3

Stape' yin xkentaluj-el pa taq ch'aqa' chik ruwach'ulew, jak'a kan xtapon chik jun q'ij ri xtinmol chik kichi'. Xkentzolij k'a pe ri akuchi xeyuq'ux-wi pa nabey. Y wawe' xkek'iy-wi y kan xkek'iyer.

Wuj Richin ri Jeremías 3:18

Toq xtapon ri q'ij ri', rix ri tinamit Judá xtijunamatej-iwech rik'in ri tinamit Israel. Xkixel-pe chiri' chupan ri ruwach'ulew ri k'o pa xaman y junan xkixtzolin-pe chupan ri ruwach'ulew ri xinya' chike ri iwati't-imama' richin q'asen.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin Bix Chire ri Dios 85:1

Nimalej Jehová, rat kan xajoyowaj chik ruwech re qaruwach'ulew. Xaben k'a chi xel-pe chupan ri ximonri'il.

Wuj Richin ri Jeremías 33:26

keri' yin xkenwetzelaj ri rijatzul kan ri Abraham, ri Isaac y ri Jacob y chuqa' xtinben ta chi man jun chike ri e rijatzul kan ri David ri xtiq'aton-tzij. Jak'a yin kan xkenwelesaj-pe ri nuwinaq ri akuchi xentaluj-wi y kan xtinjoyowaj kiwech, xcha' ri Dios chuwe.

Ez 36:10

Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 37:11

K'ari' ri Jehová xubij chuwe: Ri tinamit Israel xa achi'el k'a re baq re', roma rije' nikibila' chi ri kibaqil xa e chaqi'j chik, xa kan man jun chik oyobenri'il ri k'o kik'in y xa konojel rije' yek'is yan.

Ez 39:7

Yin xtinben chi konojel ri winaqi' israelita xtiketamaj nuwech, roma man ninwajo' ta chi man jun rejqalen xtiban chire ri nubi'. Chuqa' xtiketamaj ri ch'aqa' chik ruwach'ulew chi ja yin in ki-Dios ri israelita ri kan k'o nuq'ij-nuk'ojlen. Ja yin Jehová ri yibin.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

Wuj Richin ri Isaías 14:1

Jak'a ri Jehová xtujoyowaj chik kiwech ri qawinaq, y xkerucha' chik jun bey richin xtuya' urtisanik pa kiwi'. Chuqa' kan xkeruya' chik jun bey pa qaruwach'ulew. Ri winaqi' ri man e qawinaq ta kan xkek'oje' kik'in, y xa jun k'a xtikiben.

Wuj Richin ri Jeremías 29:14

Kan qitzij na wi chi xkiniwil. Y kan xtinmol ichi' ri akuchi ixintalun-wi wakami chupan ri ch'aqa' chik ruwach'ulew. Y k'ari' xkixintzolij-pe chupan re itinamit ri akuchi ixintalun-wi-el.