Ez 39:24 - Kaqchiquel Bible

²⁴ Yin xinya' k'a pa kiwi' ri israelita ri rutojbalil ri kimak achi'el ri ruk'amon richin nikik'ul, roma xe'ok man e ch'ajch'oj ta y xeyakatej chuwij. Roma ri' yin xenmalij k'a kan.

Ez 39:24 ပူးပေါင်းရင်းမြစ်များ

Ez 36:19

Y richin xinya' rutojbalil-mak pa kiwi', xentaluj chikiwech tzobaj taq winaqi' richin ch'aqa' chik ruwach'ulew. Y keri' xinq'et-tzij pa kiwi' achi'el ri kibanobal.

Wuj Richin ri Jeremías 4:18

Ri itzel ibey y ri itzel taq ibanobal, jari' ri nibanon chiwe richin kere' xtik'uluwachij. Roma ri imak xtiqaqa re jun ruk'ayewal re' pan iwi'. Janila ruk'ayewal, roma kan xapon k'a pan iwánima, xcha' ri Dios.

Wuj Richin ri Jeremías 2:19

Ri Jehová k'iytisanel richin ronojel nubij: Ri imak xtuben chiwe chi xtuk'en-pe rutojbalil pan iwi' y ri itzel bey ri xik'uaj kan xkixruk'uaj pa tijoj-poqonal. Chiri' xtitz'et-wi jebel chi janila itzel y janila ruk'ayewal nuk'en-pe, toq xinimalij kan yin Jehová ri i-Dios y man xk'oje' ta chik nukiy chiwech.

Wuj Richin ri Jeremías 2:17

Kere' xik'uluwachij roma xa xinimalij kan yin, yin ri in iwajaw, ri i-Dios, ri kan ix nuyuqen chupan ri bey.

Wuj Richin ri Jeremías 5:25

Ja ri imak rix, ri xbanon chi xjalatej ronojel re' y ja ri imak ri xq'aton richin niqaqa ri utz pan iwi'.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Wuj Richin ri Isaías 1:20

Jak'a wi man xtiwajo' ta xtinimaj nutzij, xa xkixkamisex k'a chi espada, roma ja yin Jehová ri yibin.

Wuj Richin ri Chojmirisabelri'il 26:24

kan xkiyakatej chiwij y kan xtinya' chik wuqu' mul rutojbalil pan iwi' roma ri imak ri ye'iben.

Ez 7:22

Yin kan xkixinmalij kan y xkepe k'a itzel taq winaqi' richin xke'eleq' chupan ri wachoch y xtikiben chire chi man ch'ajch'oj ta.

Deut 31:17

Y chupan ri q'ij ri' ri nuq'aq'alen kan xtiqaqa k'a pa kiwi'. Kan xkenmalij k'a kan y man xkento' ta chik. Y kan xtipe k'a k'iy ruk'ayewal y tijoj-poqonal pa kiwi' k'a toq xkenk'is. K'ari' rije' xtikik'utuj ri achike roma maneq chik ri Jehová kik'in y achike roma qajineq re ruk'ayewal re' pa kiwi'.

Wuj Richin ri Isaías 59:2

Jak'a ri itzel taq ibanobal ri ye'iben, jari' xbanon chiwe chi xixch'aratej rik'in ri Dios. Y ri imak xbanon richin chi rija' man nitikir ta yixrutz'et, y man yixrak'axaj ta.