Ez 39:23 - Kaqchiquel Bible

²³ Y ri winaqi' e richin ch'aqa' chik ruwach'ulew xtiketamaj chi ri israelita xe'uk'uex-el pa kiruwach'ulew roma ri kimak y roma man xkijech ta ki' pa nuq'a'. Chuqa' xtiketamaj chi roma ri' yin xkenmalij kan y xinya' q'ij chike ri e etzelanel kichin richin xekich'ek y xekikamisaj kan konojel pa labal.

Ez 39:23 ပူးပေါင်းရင်းမြစ်များ

Wuj Richin ri Esdras 9:7

Chupan k'a ri q'ij ri' toq k'a e k'es na ri qate-qatata', k'a re wakami, kan ojk'o pe chupan ri mak. Y roj, ri qa-rey y ri e qa-sacerdote kan xojach pa kiq'a' ri rey ri kichin ch'aqa' chik ruwach'ulew roma ri itzel taq qabanobal roj. Ri nuwinaq kan xejach pa kamik rik'in espada, pa ximonri'il y pa kiq'a' eleq'oma'; y pa k'ixbilal ri ojk'o-wi k'a re wakami.

Wuj Richin Bix Chire ri Dios 10:1

Jehová, ¿achike k'a roma k'a nej atk'o-wi, y nawewaj-awi' toq k'o ruk'ayewal?

Wuj Richin Bix Chire ri Dios 106:41

Xerujech k'a pa kiq'a' winaqi' ri man nikitzeqelibej ta rija'. Y keri' k'a ri e etzelanel kichin xek'oje' pa kiwi'.

Wuj Richin Bix Chire ri Dios 30:7

Roma rat Jehová, rik'in ri awutzil xaben chuwe chi kow xik'oje', achi'el jun juyu' ri man jun nisilon richin. Jak'a toq xinna' chi xinaya' kan juba', kan xsach nuk'u'x.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

Wuj Richin ri Isaías 42:24

¿Achike xya'on q'ij chi rix nutinamit Israel xixuk'uex-el? Y ¿achike xya'on q'ij richin kan xixjach-el pa kiq'a' ri eleq'oma'? Ja yin Jehová ri achoq chuwech xixmakun-wi. Yin xinwajo' chi xixbiyin ta chupan ri nubey, jak'a man xiwajo' ta xiwak'axaj ri nupixa'.

Wuj Richin ri Isaías 59:2

Jak'a ri itzel taq ibanobal ri ye'iben, jari' xbanon chiwe chi xixch'aratej rik'in ri Dios. Y ri imak xbanon richin chi rija' man nitikir ta yixrutz'et, y man yixrak'axaj ta.

Wuj Richin ri Isaías 64:7

Man jun chike ri qawinaq ri nunataj ta ri abi', y man jun najowan nuto-ri' awik'in. Roma ri' rat kan man atk'o ta chik qik'in, y kan xojamalij kan roma ri qamak.

Wuj Richin ri Isaías 8:17

Xtinwoyobej rik'in ri Jehová stape' kan man nuk'ut ta chik ri' chikiwech ri qawinaq israelita. Kan rik'in rija' xtinkuquba-wi nuk'u'x.

Wuj Richin ri Jeremías 33:5

Y ri akuchi xek'oje-wi ri jay, ri chiri' kan xkenojisex chi kaminaqi' richin re tinamit re', roma yin kan man ninto' ta chik re tinamit re' roma ronojel ri kibanon chinuwech yin.

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.

Wuj Richin ri K'uxla'anik 1:8

Ri aj-Jerusalem kan janila nim ri kimak ri kibanon. Roma ri' xa xe'ok man ch'ajch'oj ta. Konojel ri xeya'on kiq'ij, wakami xa xeketzelaj kan, roma xkitz'et chi xa xqasex kiq'ij. Rije' kan yejiq'ijo'x, y kan xkewaj-ki' roma ri kik'ix.

Ez 20:27

Rat Ezequiel tabij chike ri awinaq chi yin kere' ninbij: Ri kite-kitata' chuqa' xkiyoq' ri nubi', roma man xkiben ta achi'el ri nubin chike.

Ez 36:36

K'ari' ri juba' winaqi' ri xkek'oje' kan chi'inaqaj xtiketamaj chi ja yin Jehová ri xipaban chik q'anej ri wulatejineq kan y xintik chik qa ri ulew ri malin kan. Yin Jehová ri yibin.

Ez 39:29

Kan man jun bey chik k'a xkenmalij kan, roma xtinya' k'a ri loq'olej nu-Espíritu pa kiwi' richin nik'oje' kik'in. Yin Jehová ri ink'o pa ruwi' ronojel ri yibin, xcha'.

Ez 7:22

Yin kan xkixinmalij kan y xkepe k'a itzel taq winaqi' richin xke'eleq' chupan ri wachoch y xtikiben chire chi man ch'ajch'oj ta.

Wuj Richin ri Chojmirisabelri'il 26:25

Y kan xtinya' k'a labal pan iwi', richin nitoj roma xiq'ej ruwi' ri jikibel-tzij ri qabanon. Y wi rix kan xtiwajo' xtito-iwi' pa jun tinamit ri sutin rij chi tz'aq, yin kan xkenteq-pe nimalej taq yabil chiwij ri nikitaluj-ki' y kan xkixtzaq pa kiq'a' ri etzelanel iwichin.

Deut 32:20

Y roma ri' kere' k'a xubij rija': Yin kan man xtinya' ta chik nuxikin chire ri ich'abel, y achike na k'a xkixk'ulun. Roma rix xa ix winaqi' ri xotoxeq ik'aslen y man jun ri niqa' chiwech. Rix xa ix alk'ualaxela' ri man niben ta ri ninwajo' yin richin niben rix.

Deut 32:30

¿Tikirel kami chi e 1,000 achi'a' chiwe rix ye'animej chuwech jun chike ri e etzelanel iwichin, o e 10,000 achi'a' chiwe rix ye'animej chikiwech e ka'i' chike rije'? Ri' xbanatej xaxe roma ri Jehová, ri abej ri itobal man xixruto' ta chik. Xa xixrujech pa kiq'a' ri e etzelanel iwichin.

Wuj Kichin ri To'onela' 2:14

Roma ri' ri Jehová xpe janila royowal chikij ri e rijatzul kan ri Israel, y xerujech kan pa kiq'a' eleq'oma' ri kan xe'eleq' kik'in. Xerujech kan pa kiq'a' ri e etzelanel kichin ri ek'o chikinaqaj; y rije' man xetikir ta chik xkipaba-ki' chikiwech.

Wuj Kichin ri To'onela' 3:8

Y roma ri' ri Jehová kan xyakatej janila royowal chikij y xerujech pa ruq'a' ri Cusán-risataim, rey richin Mesopotamia; y kan xkisamajij waqxaqi' juna'.