Ez 39:20 - Kaqchiquel Bible

²⁰ Kan xtinben k'a chike chi xkewa' jebel rik'in ri kich'akul ri kiej, ri kich'akul ri achi'a' yech'oke' chirij kiej y ri jalajoj kiwech aj-labal. Y ri chikopi' ri' kan jebel xtinoj kipan. Yin Jehová ri ink'o pa ruwi' ronojel ri ninjikiba' re'.

Ez 39:20 ပူးပေါင်းရင်းမြစ်များ

Apocalipsis 19:18

Ri wey ri xtuya' ri Dios ja ri kich'akul ri rey, ri aj-raqen, y ri achi'a' ri janila kuchuq'a'; kich'akul chuqa' kiej y ri e ch'okolibeyon kichin; kan ja ri kich'akul konojel winaqi', chi loq'on samajel y chi totajineq, chi ch'uti'q chi nima'q, xcha' ri ángel.

Wuj Richin ri Hageo 2:22

Y xkentek'mayila' ri kitz'uyubal richin q'atbel-tzij ri ajawaren y xtink'is ri kuchuq'a'. Chuqa' xkentek'mayila' ri ki-carruaje e richin labal y ri yejote' chupan. Xkeken k'a ri kikiej y ri achi'a' ri yech'oke' chirij kiej. Chikijujunal xketzaq roma ri ki-espada ri kach'alal.

Ez 38:4

Y roma ri' xtinya-el jun chapbel-ti'ij pan akaxtate' richin xkatuk'uex-el xabakuchi. Y k'ari' xkatinwelesaj-el rat y konojel ri awinaq ri yech'oke' chirij kiej y ri achi'a' ri yebe chi kaqen, stape' k'o rutobal ruwa-kik'u'x, ki-espada y jalajoj ruwech kitobal.

Ez 39:19

Ri aj-xik' taq chikopi' y ri k'uxunela' taq chikopi' xtikitej janila q'en k'a toq xtik'o kik'u'x chire. Y xtikiqum kik' k'a toq xkeq'aber na chire.