Ez 39:17 - Kaqchiquel Bible

¹⁷ Rat Ezequiel, yin ninbij chawe chi ke'awoyoj konojel ri jalajoj kiwech ri aj-xik' taq chikopi' y ri k'uxunela' taq chikopi' y tabij chike chi tikimolo-pe-ki' richin nikitej ri nimalej kamelabel ri nubanon rutzil chike pa ruwi' ri juyu' richin Israel. Xtikitej ti'ij y xtikiqum kik'.

Ez 39:17 ပူးပေါင်းရင်းမြစ်များ

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.

Ez 39:4

richin rat kan xkaken k'a pa taq juyu' richin ri ruwach'ulew Israel y chuqa' ri aj-labal ri e awachibilan-pe, junan kik'in ri winaqi' ri kibanon tununri'il awik'in. Y ri ich'akul kan xke'ok kiway ronojel kiwech aj-xik' taq chikopi' ri nikitej ti'ij y xke'ok chuqa' kiway konojel k'uxunela' taq chikopi'.

Wuj Richin ri Jeremías 12:9

Chuqa' rije' kan e achi'el jun kot, y xkepe k'a ch'aqa' chik aj-xik' chikopi' richin nikiben oyowal kik'in. Tikimolo-pe-ki' y kepe richin ye'okik'isa-el ri nuwinaq.

Wuj Richin ri Isaías 34:6

Jari' toq ri ru-espada ri Jehová kan xtinoj rik'in kik' y q'en kichin ri winaqi', achi'el toq yekamisex ri karne'l y tzuntzun pa taq kamelabel. Roma ri Jehová kan xtuben jun kamelabel ri chiri' pa Bosrá, chuqa' xtiberubana' jun nimalej kamik pa ch'aqa' chik tinamit richin ri Edom.

Wuj Richin ri Isaías 56:9

Kixanpe rix chikopi' ri ixk'o pa k'echelaj, kixanpe rix chikopi' ri ixk'o pa taq juyu', richin ye'ik'is-el konojel.

Wuj Richin ri Jeremías 46:10

Jak'a q'ij re' wichin yin Jehová k'iytisanel richin ronojel, jun q'ij toq xtinya' ri rutojbalil pa kiwi' ri e etzelanel wichin. Ri espada kan xkerukamisaj k'a konojel, k'a toq man nitikir ta chik, roma yin Jehová k'iytisanel richin ronojel xkixinkamisaj chi'iwonojel achi'el niban kik'in ri taq chikopi' richin kamelabel, chiri' chunaqaj ri raqen-ya' Éufrates, chiri' pa xaman.

Wuj Richin ri Isaías 18:6

Y ri kich'akul ri aj-Etiopía kan xkepunupuxin kan pa taq juyu'. Kan xke'ok richin kiway ri aj-xik' taq chikopi', y ri k'uxunela' taq chikopi' ri ek'o pa k'echelaj. Y re' xtik'atzin richin kiway ri aj-xik' taq chikopi' richin ri saq'ij. Y chuqa' xtik'atzin richin kiway ri k'uxunela' taq chikopi' richin nikik'owisaj ri ruq'ijul job.

1 Sam 17:46

Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

1 Sam 16:3

Y toq xtasuj ri kamelabel ri' tawoyoj ri Isaí, y yin xtink'ut chawech ri k'o chi naben. Y ri xtink'ut chawech yin, pa ruwi' ri' xtaqasaj ri aceite, xcha' ri Jehová.

1 Sam 9:13

Kan xaxe toq xkixok-apo pa tinamit, tikanoj chi'anin, roma xa nijote' yan q'anej pa ruwi' juyu' richin ri wa'in. Ri winaqi' man yewa' ta qa wi man napon ta q'anej rija', roma ja rija' ri nurtisan ri kamelabel. K'ari' yewa' ri e oyon. Roma ri' kixjote-q'anej chi'anin, roma wakami kan xtiwil, xecha' ri xtani' chike.

Wuj Richin ri Rutikeribel 31:54

Ri Jacob xerukamisaj awej chiri' richin xuben kamelabel chiri' pa ruwi' jun juyu' y xeroyoj k'a ri Labán y ri ruwinaq richin xkitej kiway junan, y chiri' xkiq'axaj-wi ri aq'a' ri'.

San Mateo 24:28

Roma ri' k'o jun tzij ri nubij: Akuchi k'o-wi jun kamineq, chiri' nikimol-wi-ki' ri k'ucha'.

Wuj Richin ri Isaías 34:7

Ri winaqi' ri' kan xketzaq k'a achi'el yetzaq ri juyubel wákix, y chuqa' achi'el nikiben ri achija' taq wákix toq yekamisex. Keri' k'a ri kiruwach'ulew kan xtinoj chi kik', y ri poqolaj kan xtinoj rik'in q'en.

Wuj Richin ri Jeremías 25:33

Kan xtinben chi chupan ri q'ij ri', ri kaminaqi' xkek'oje' kan ri juk'an ruchi' ri ruwach'ulew k'a ri juk'an chik ruchi'. Y kan man jun k'a xtoq'en kichin, ni kan man jun k'a xtisik'on ri kich'akul richin yekimuq ta. Kan xkepunupuxin k'a kan chiri' pan ulew achi'el ri pamaj.

Ez 39:16

Y ri rubi' ri tinamit ri k'o chiri' xtubini'aj: Kitinamit ri Aj-labal ri e Richin ri Gog. Y chirij k'a ronojel re' xtok ch'ajch'oj ri kiruwach'ulew.

Wuj Richin ri Isaías 29:2

Jak'a chirij ri', yin kan xkixinya' pa latz', y kan xkixok k'a jun tinamit richin q'axo'n y raqoj-chi'ij; y ri tinamit xtok achi'el jun porobel akuchi yeporox-wi ronojel.

Ez 29:5

Y xkatinbenk'aqa' kan pa tz'iran ruwach'ulew junan kik'in ri ker ri ek'o-el chawij. Kan xkixbeqaqa chuwech ri ulew y xa man jun k'a xkixsik'o-el. Chuqa' kan man jun xtimolon iwichin, xa kan banon chik chiwe chi xkixok kiway ri k'uxunela' taq chikopi' y ri aj-xik' taq chikopi'.