Ez 39:13 - Kaqchiquel Bible

¹³ Kan konojel k'a ri winaqi' ri ek'o chiri' xkepe richin yekimuq re kaminaqi' re'. Y rije' kan xkekikot k'a chupan ri q'ij ri' toq yin xtink'ut k'a wi' chi kan k'o nuq'ij-nuk'ojlen. Yin Jehová ri ink'o pa ruwi' ronojel ri yibin.

Ez 39:13 ပူးပေါင်းရင်းမြစ်များ

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Deut 26:19

Rija' kan xtuben jun nimalej ruwach'ulew chiqe, nim qejqalen y kan xtel rutzijol richin kan janila ruwa-qaq'ij chikiwech ri ch'aqa' chik ruwach'ulew achi'el ri rubin rija', kan oj jun tinamit ri ch'aron roma ri Jehová ri qa-Dios, xcha' ri Moisés.

1 Pedro 1:7

Ronojel re' kan nik'atzin richin niq'alajin, wi kan qitzij ikuquban ik'u'x rik'in ri Dios. Achi'el ri q'anapueq ri nik'owisex pa q'aq' richin nitz'et wi utz o man utz ta. Keri' chuqa' rix k'o chi yixtejtobex richin niq'alajin chi ri ikuqubabel-k'u'x utz o man utz ta. Y toq xixtejtobex yan y xikoch' ronojel, xtiya'ox k'a iq'ij y xtibix chiwe chi jebel ri xiben, toq ri Jesucristo xtok'ulun-qa.