Ez 38:8 - Kaqchiquel Bible

⁸ Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Ez 38:8 ပူးပေါင်းရင်းမြစ်များ

Wuj Richin ri Rutikeribel 49:1

Ri Jacob xeroyoj k'a apo rik'in, konojel ri ruk'ajol y k'ari' xubij chike: Kixjel-pe wik'in richin xtinbij kan chiwe ri achike xtik'uluwachila' ri chiwech-apo.

Ex 20:5

Man k'a kixxuke' chikiwech rije', ni man tiya' kiq'ij, roma ja yin Jehová ri in i-Dios ri kan man niqa' ta chinuwech richin niya' ruq'ij jun chik. Jak'a wi yiniwetzelaj, ri woyowal yin xkeruq'i' ri iwalk'ual, k'a pa rox o pa rukaj sol.

Wuj Richin ri Isaías 24:22

Xtimol kichi' rik'in ch'olinik. Xke'uk'uex-el achi'el xa ta xke'uk'uex-el pa ximonri'il. Chupan ri q'ij ri' xkeya'ox pa cárcel, y chirij k'iy juba' q'ij xkeya'ox pa ruk'ayewal.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Isaías 8:9

Kan tiwetamaj k'a rix tinamit ri ix e etzelanel qichin. Kixanpe k'a chi'anin re wawe' richin yixk'is. Kan tiwak'axaj k'a rix ruwach'ulew ri ixk'o nej; tichapa' ri ikamisabal richin no'ibana' oyowal qik'in. Kixanpe k'a chi'anin re wawe' richin yixk'is.

Wuj Richin ri Jeremías 23:6

Y k'ari' xtik'oje' uxlanenri'il chupan ri ruwach'ulew Judá y chuqa' chupan ri ruwach'ulew Israel. K'ari' ri winaqi' xkejike' jebel. Kere' k'a ri rubi' ri xtikiya' ri ki-rey: Ja ri Dios ri Qach'akonik.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 32:5

Chuqa' xabij chi rija' xkiruk'uaj-el pa Babilonia y ri chiri' ja ri Jehová xtiya'on ruk'ayewal pa nuwi'. Y chuqa' xabij chi stape' roj xtiqaben oyowal kik'in rije', kan man xqojch'akon ta, xacha' chuwe.

Wuj Richin ri Jeremías 33:16

Chupan ri q'ij ri', ri tinamit Judá kan xtijike' y ri winaqi' ri ek'o pa Jerusalem kan xkek'ase' rik'in uxlanibel-k'u'x. Kan ja bi'aj re' ri xtikiya' chire: Ri Jehová jari' Ruchojmilal.

Wuj Richin ri Jeremías 48:47

Jak'a ri pa ruk'isibel, yin xkixinkol-pe y xtinya' urtisanik pan iwi'. Yin Jehová ri yibin, xcha' ri Dios. Jare' ri rutzijol ri rutojbalil-mak ri xtiqaqa pa kiwi' ri aj-Moab.

Wuj Richin ri Jeremías 49:39

Jak'a chiqawech-apo, yin kan xtinya' chik urtisanik pan iwi'. Yin Jehová ri yibin, xcha' ri Dios.

Wuj Richin ri K'uxla'anik 4:22

Jak'a roj ri oj aj-Sión xtik'is ri ruk'ayewal pa qawi'. Ri Jehová kan xqojruk'en-pe jun bey chik chupan ri qaruwach'ulew. Jak'a pa kiwi' ri winaqi' edomita kan xtuya' k'a ri rutojbalil. Ri mak ri xekiben xa kan xtuq'alajirisaj k'a ronojel.

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 38:14

Roma ri' kach'on pa nubi' yin rik'in ri Gog y kere' k'a tabij chire: Toq ri nutinamit Israel jebel rukuquban ruk'u'x, jari' toq xkayakatej k'a pe rat chirij.

Ez 38:16

Rat Gog y ri aj-labal kan anineq k'a xkixpe y man jun xtipaban iwichin, achi'el toq man jun nipaban richin jun sutz'. Re' xtibanatej pa ruk'isibel taq q'ij toq xtinben k'a chawe richin xkayakatej chirij ri nutinamit. Y chupan ri q'ij ri' ri ch'aqa' chik ruwach'ulew xtiketamaj chi ja yin ri in Loq'olej Jehová.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Wuj Richin ri Habacuc 2:3

Stape' re yinajin chubixik chawe, kan k'a niyaloj na juba' richin nibebanatej Man rik'in ri' kan xtapon k'a ri q'ij richin kan xtibebanatej. Rat kan tawoyobej k'a, roma xa kan xtapon k'a ri q'ij ri'.

Wuj Richin ri Q'axanri'il 24:14

Wakami, yin kan jare' k'a xkitzolej-el, richin yibe kik'in ri nuwinaq. Jak'a pa nabey ninbij k'a kan chawe ri achike xtuben re jun tinamit re' chire ri atinamit rat re chiqawech-apo, xcha'.

Deut 4:30

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija';

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.