Ez 38:4 - Kaqchiquel Bible

⁴ Y roma ri' xtinya-el jun chapbel-ti'ij pan akaxtate' richin xkatuk'uex-el xabakuchi. Y k'ari' xkatinwelesaj-el rat y konojel ri awinaq ri yech'oke' chirij kiej y ri achi'a' ri yebe chi kaqen, stape' k'o rutobal ruwa-kik'u'x, ki-espada y jalajoj ruwech kitobal.

Ez 38:4 ပူးပေါင်းရင်းမြစ်များ

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Ez 29:4

Yin kan xtinben k'a chawe chi xtinju' jun chapbel-ti'ij pan akaxtate'*f10* y xtinben k'a chi konojel ker ri ek'o chupan ri raqen-ya' ri' xkentz'araba-el chirij ri asolotal. K'ari' xkatinwelesaj-el chupan ri raqen-ya', junan kik'in ri ker ri'.

Ez 38:15

Kan xkatel k'a pe pan aruwach'ulew ri k'o pa xaman, kan e awachibilan-pe ri e nima'q taq tzobaj achi'a' yech'oke' chirij kiej.

2 Rey 19:28

Y roma ri awoyowal y ri animirisanen; roma ri' kan xtinbenya' k'a jun ch'ich' pan atza'n, chuqa' jun pan achi' richin xkaqaqa pa nuq'a'. Y keri' xtinben chawe Senaquerib chi xkatzolin chik ri akuchi at peteneq-wi, xcha' ri Jehová.

Ez 39:2

Xtinben k'a chawe richin xkatzolej chik pa ruwach'ulew Israel. Xkatinbenqirirej-pe kela' pa xaman y xkatink'en chik pe pa taq juyu' richin ri ruwach'ulew Israel.

Wuj Richin ri Jeremías 46:9

Jak'a yin ninbij: Kixq'ax rix achi'a' ri yixch'oke' chirij kiej. Chuqa' kebe ri i-carruaje. Rix aj-labal aj-Etiopía y aj-Libia ri nik'uaj ri itobal y rix aj-Lidia ri kan jebel yixtikir yixk'aqon rik'in ch'ab, tichapa' ibey.

Wuj Richin ri Isaías 37:29

Roma xayakatej chuwij, y xanimirisaj-awi', roma ri' re wakami kan xtinya' k'a jun ch'ich' pan atza'n y jun chik ch'ich' pan achi' richin yaruq'et. Rik'in ri' kan xtinben chawe richin yatzolin ri akuchi at peteneq-wi, xcha' ri Dios chire ri Senaquerib.

2 Crón 25:5

K'ari' ri Amasías xerumol k'a konojel achi'a' ri e richin ri rajawaren, y xerunuk' k'a achi'el ri kitzobaj richin xe'ok aj-labal. K'ari' xeruya' aj-raqen pa kiwi' rije'. Xuben k'a chi xtz'ibex kibi' ri k'o juwineq kijuna' pa jotol, y ri kajlabal konojel e 300,000 aj-labal, ri kan kik'uan kitobal y ri kikum.

1 Crón 12:8

Chuqa' jujun chike ri e rijatzul ri Gad xkich'er-el-ki' rik'in ri Saúl, y xjunamatej-kiwech rik'in ri David, toq k'a rewan-ri' chupan ri tobel chiri' pa tz'iran ruwach'ulew. Rije' e aj-labal ri maneq xibinri'il chikiwech, kan e tijon jebel y kan kik'ualon k'a kokoj y nima'q taq kitobal. Rije' kan e achi'el koj yewachin, y kan janila ye'anin achi'el ri masat ri pa taq k'echelaj.

Ez 23:12

Rija' chuqa' kan janila k'a xerajo' ri aj-Asiria y kan xken chikij ri e aj-raqen y ri e q'atoy taq tzij, roma rije' e jebel ok, kan jebel taq tzieq e kikusalon y kan yech'oke' chirij kiej.

Wuj Richin ri Isaías 43:17

Xinben chike ri e etzelanel iwichin chi xixkiq'elebej-el kik'in ri ki-carruaje y ri kikiej. Chuqa' xe'el-el konojel ri aj-labal, jak'a konojel xek'is, achi'el toq nichup jun candil.

Ez 38:3

Y taya' k'a re jun rutzijol re' chire: Yin Jehová in yakatajineq chawij.

Ez 39:20

Kan xtinben k'a chike chi xkewa' jebel rik'in ri kich'akul ri kiej, ri kich'akul ri achi'a' yech'oke' chirij kiej y ri jalajoj kiwech aj-labal. Y ri chikopi' ri' kan jebel xtinoj kipan. Yin Jehová ri ink'o pa ruwi' ronojel ri ninjikiba' re'.

Am 4:2

Yin Jehová ninjikiba' nutzij pa nubi' chi xtapon k'a jun q'ij toq xkixuk'uex-el rik'in ch'ich' richin chapbel. Chuqa' ri iwal xke'uk'uex-el rik'in chapbel-ker.