Ez 38:22 - Kaqchiquel Bible

²² Kan xtinya' k'a rutojbalil-mak pan awi' y xtinteq-pe nimalej taq yabil chiwij rix y ri ch'aqa' chik winaqi'. Chuqa' kan e k'iy chiwe rix ri xkixinkamisaj. Xtinben k'a chi xtipe jun nimalej kamik job, saqboch rik'in q'aq' y chuwilej-abej ri xtiqaqa-pe chila' chikaj.

Ez 38:22 ပူးပေါင်းရင်းမြစ်များ

Wuj Richin ri Rutikeribel 19:24

k'ari' ri Jehová xuya-pe ri q'aq' rik'in chuwilej-abej y kan achi'el k'a job ri xuben pa kiwi' ri Sodoma y ri Gomorra.

Wuj Richin Bix Chire ri Dios 11:6

Pa kiwi' ri e banoy etzelal xtuben chi xtiqaqa q'aq' y chuwilej-abej; kan xtuteq k'a pe jun k'aten laj kaq'iq' ri kan xkeruk'et jare' ri ruk'amon richin nikik'ul rije'.

Wuj Richin ri Isaías 28:17

Ri ibanobal rix kan xtibe'etex rik'in ri pixa', achi'el niban rik'in jun etabel k'an. Ri ibanobal xtitz'et wi choj achi'el niban rik'in ri plomo. Ri itobal ri ikanon rix rik'in ri tz'ukun taq tzij kan xtuwulaj ri saqboch, y ri ya' xtunojisaj ri akuchi iwewan-iwi'.

Wuj Richin ri Isaías 29:6

Yin Jehová k'iytisanel richin ronojel kan xkipe rik'in koqolajay, silonel, nimalej kaq'iq', q'eqel-job y q'aq' richin xkenk'is ri e etzelanel iwichin.

Wuj Richin ri Isaías 34:3

Ri kaminaqi' kan xkepunupuxin kan xabakuchi, y kan xkechuwir k'a pe. Ri kikik'el kan xtuch'eqeba' chijun k'echelaj.

Wuj Richin ri Isaías 66:16

Y rik'in q'aq' y espada xtinq'et-tzij pa kiwi' konojel winaqi', y kan e k'iy k'a ri xkenkamisaj.

Wuj Richin ri Jeremías 25:31

Ri raqoj-chi'ij ri' xtapon k'a ri juk'an chik ruchi' ri ruwach'ulew, roma ri Jehová nrajo' nuchojmirisaj ri yebanatej kik'in konojel winaqi'. Kan nuq'et-tzij pa kiwi' y ri winaqi' ri e banoy etzelal kan xkerukamisaj chi espada.

Ez 13:11

Y tabij k'a chike chi re tz'aq re' xa xtibewulatej-pe, roma xa xtipe jun nimalej kaq'iq'-job y xkeqaqa k'a pe nima'q taq saqboch y k'ari' xtipe jun nimalej surkum chikij.

Ez 28:23

Xtinteq k'a pe yabilal pa ruwi' ri tinamit y chuqa' oyowal richin xtibiyin kik' pa taq bey; y konojel ri xkeken xkepunupuxin kan pa taq bey. K'ari' konojel xtiketamaj chi ja yin Jehová ri ink'o pa ruwi' ronojel.

Ez 39:6

Kan xtinteq k'a pe q'aq' pa ruwi' ri ruwach'ulew Magog y chuqa' pa kiwi' ri winaqi' ri ek'o chunaqaj ri palou, stape' man jun nikimey. K'ari' k'a xtiketamaj chi ja yin Jehová.

Ez 5:17

Kan xtinteq k'a pe nima'q taq wayjal y chuqa' k'uxunela' taq chikopi' chi'ikojol richin yekik'is ri iwalk'ual. Chuqa' xtinteq-pe nima'q taq yabil y labal chi'ikojol richin keri' e k'iy xkeken. Yin Jehová ri yibin ronojel re', xcha'.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

San Mateo 7:27

Xqaqa k'a job, xpe k'a raqen taq ya' y ri kaq'iq' xberupaxij-ri' chirij ri jay; y ri jay ri' xa xtzaq; y xwuluwu' jumul roma xa man jikil ta ri ruxe', xcha' ri Jesús.

Wuj Richin ri Josúe 10:11

Y toq e animajineq chikiwech ri e rijatzul kan ri Israel ri keri' pa xulan richin Bet-horón, ri Jehová xuben richin xpe nimalej taq saqboch pa kiwi' ri amorreo, y ri saqboch ri' xapon k'a ri chiri' pan Azecá, y kan e k'iy k'a xeken. Kan más e k'iy xeken roma ri saqboch ri', chuwech ri xeken rik'in espada.

Apocalipsis 14:10

kan xtiqaqa-wi ruk'ayewal pa kiwi'. Kan xketzaq k'a achi'el yetzaq ri q'abarela', roma ri Dios kan xtuben chike chi tikiqumu' ri royowal rija'. Y konojel ri xkebanon keri', xtikitej poqon chupan ri q'aq' y ri chuwilej-abej chikiwech loq'olej taq ángel chuwech ri Karne'l.

Apocalipsis 16:21

Chuqa' chupan ri q'ij ri' xqaqa k'a pe saqboch ri chila' chikaj. Y jujun saqboch jujun la'eq kintal kalal. Y roma k'a re jun kamik saqboch re', ri winaqi' janila nikiyoq' ri Dios, roma kan janila k'ayew.

Apocalipsis 20:9

Kan xejote' k'a el pa tinamit ri janila nrajo' ri Dios ri akuchi ek'o-wi ri ralk'ual rija'. Rije' xbekisutij-kij, jak'a ri Dios xuben chi xqaqa-pe q'aq' pa kiwi', y xeruk'is q'aq'.

Apocalipsis 8:7

Y toq ri nabey ángel xuxupuj ri trompeta, kan jari' k'a toq xqaqa saqboch y q'aq' xolon rik'in kik' pa ruwi' ri ruwach'ulew. Y jun chire ri oxi' chire ri ruwach'ulew xk'is, jun chire ri oxi' chike ri che' xuk'is q'aq'; y keri' chuqa' xuben rik'in ri q'ayis.