Ez 38:21 - Kaqchiquel Bible

²¹ Chupan ri q'ij ri' xtinteq k'a pe chawij rat Gog, kamik rik'in espada chupan chijun ruwach'ulew. Chuqa' xtinben chi xtisach kik'u'x ri aj-labal richin xtikikamisaj-qa-ki' chikiwech rije'.

Ez 38:21 ပူးပေါင်းရင်းမြစ်များ

Wuj Richin ri Hageo 2:22

Y xkentek'mayila' ri kitz'uyubal richin q'atbel-tzij ri ajawaren y xtink'is ri kuchuq'a'. Chuqa' xkentek'mayila' ri ki-carruaje e richin labal y ri yejote' chupan. Xkeken k'a ri kikiej y ri achi'a' ri yech'oke' chirij kiej. Chikijujunal xketzaq roma ri ki-espada ri kach'alal.

Ez 14:17

Rik'in juba' xtinteq ta pe jun labal pa ruwi' ri ruwach'ulew richin xkeken k'a ri winaqi' y ri awej,

Wuj Kichin ri To'onela' 7:22

Y ri oxi' tzobaj achi'a' kan nikixupula' ri kixupubal; y ri Jehová xuben k'a chike ri aj-Madián chi kiyon rije' xkikamisala-qa-ki' chikiwech chi espada, chiri' ri akuchi ek'o-wi-qa. Y ri ch'aqa' aj-labal kichin ri aj-Madián, xe'animej y ek'o xe'apon k'a pa Bet-sitá, ch'aqa' chik xe'apon k'a pa tinamit Sererá, y ri ch'aqa' chik xe'apon chunaqaj ri tinamit Abel-meholá chuwech-apo ri Tabat.

2 Crón 20:23

Ri aj-Amón y ri aj-Moab xekikamisala' ri muenita y kan xekik'is k'a; y toq xetane' chikij rije', xa kan chi kachibil-ki' xkikamisala-qa ki'.

1 Sam 14:20

Y xaxe ri' ri Saúl y konojel ri aj-labal ri kan ek'o rik'in xkimol-el-ki', y xebe k'a chi'anin ri akuchi najin-wi ri oyowal. Jari' toq xkitz'et chi ri aj-Filistea xa kiyon rije' nikikamisala-qa-ki' roma kan jumul sachineq kik'u'x.

Wuj Richin Bix Chire ri Dios 105:16

Ri Dios xuben k'a chi xpe wayjal pa ruwi' ri ruwach'ulew Canaán, Xrelesaj k'a ri wey y ronojel ri achoq ik'in nikilij-ki'.

Wuj Richin ri Isaías 66:16

Y rik'in q'aq' y espada xtinq'et-tzij pa kiwi' konojel winaqi', y kan e k'iy k'a ri xkenkamisaj.

Wuj Richin ri Jeremías 25:29

Roma yin kan rik'in ri tinamit ri nucha'on, xtintikeriba' ri nabey ruk'ayewal. Kan man xkixkanej ta kan choj keri', roma yin kan xtinteq-pe ruk'ayewal pan iwi' y pa kiwi' konojel ri winaqi' re ek'o chuwech re ruwach'ulew. Kan man xtinkuy ta ri imak. Ja yin Jehová k'iytisanel richin ronojel ri yibin, xkacha' chike.

Wuj Richin ri Zacarías 14:13

Y xtibanatej k'a chi ri Jehová xtuteq-pe jun nimalej xibinri'il. Y chikijujunal rije' xtikichop k'a chikiq'a' chi kach'alal, xtikichop k'a ki' y xtikikamisala-ki'.