Ez 38:19 - Kaqchiquel Bible

¹⁹ Rik'in ri ruq'aq'arinen ri woyowal kan ninya' nutzij chi chupan ri q'ij ri' xtinbenbana' jun nimalej silonel ri chiri' pa ruwach'ulew Israel.

Ez 38:19 ပူးပေါင်းရင်းမြစ်များ

Wuj Richin Bix Chire ri Dios 18:7

K'ari' xpe jun nimalej silonel; y kan xesilon k'a ri ruxe' ri juyu'. Kan chijun k'a ruwach'ulew xsilon roma kan xpe royowal ri Jehová.

Wuj Richin Bix Chire ri Dios 18:8

Roma ri royowal, ri pa rutza'n kan xel k'a pe sib; ri pa ruchi' kan xel-pe q'aq' ri kan nuk'is ronojel; kan xk'a'on k'a ri racheq-q'aq'.

Wuj Richin Bix Chire ri Dios 79:5

Jehová, ¿kan jantape' ta k'a xtik'oje' ri awoyowal pa qawi'? ¿K'a janipe' xtitane' ri awoyowal richin nik'a'on achi'el nuben ri q'aq'?

Wuj Richin ri Isaías 42:13

Ri Jehová kan xtipe achi'el jun achin ri maneq xibinri'il chuwech, y achi'el jun aj-labal ri kan yakatajineq-pe royowal. Xtisik'in richin xtuchop oyowal, y xkeruch'ek ri e etzelanel richin.

Wuj Richin ri Isaías 42:15

Kan xtinben k'a tz'iran chike ri kijuyu' ri e etzelanel wichin, Y kan xtinben chi xkemayamo-qa ronojel ruwech taq q'ayis. Xtinchaqirisaj ri raqen taq ya' richin xtiq'alajin-pe ri ulew. Chuqa' kan xtinchaqirisaj ri choy.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Ez 36:6

Rat Ezequiel, taya' chik re jun rutzijol re' pa ruwi' ri taq juyu', ri kokoj juyu', ri siwan y ri taq'aj kojol juyu'. Re ruwach'ulew re' kan etzelan-wi koma ch'aqa' chik winaqi' y roma ri' yin janila woyowal chike rije'.

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 39:6

Kan xtinteq k'a pe q'aq' pa ruwi' ri ruwach'ulew Magog y chuqa' pa kiwi' ri winaqi' ri ek'o chunaqaj ri palou, stape' man jun nikimey. K'ari' k'a xtiketamaj chi ja yin Jehová.

Ez 5:13

Toq xinwelesaj yan k'a ri woyowal chiwij, k'ari' xtich'uch'u' ri wánima y xtiwetamaj k'a chi ja yin Jehová ri yibanon roma kan janila yakatajineq woyowal chiwij.

Joel 2:18

Jari' k'a toq ri Jehová xtujoyowaj chik jun bey ruwech ri ruwach'ulew y xtukuy k'a kimak ri ruwinaq.

Joel 3:16

Jari' toq yin xtinreq nuchi' pa juyu' Sión, xkich'on kan achi'el koqolajay pa Jerusalem. Ri kaj y ri ruwach'ulew kan xkek'ark'ot k'a, jak'a yin kan xkento' ri nutinamit Israel.

Wuj Richin ri Nahum 1:2

Ri Jehová kan jun Dios ri kan man niqa' ta chuwech chi niban itzel chike ri ruwinaq. Kan nuya' k'a rutojbalil-mak pa kiwi' rije'. Rija' kan nuya' k'a ruk'exel chike ri nikipaba-ki' chuwech. Kan noyower k'a kik'in ri e itzel taq winaqi'.

Wuj Richin ri Zacarías 1:14

Y xeri' ri ángel xubij chuwe richin chi tinbenya' rutzijol chike ri nuwinaq. Y jare' k'a ri rutzijol: Yin Jehová ri k'o ronojel uchuq'a' wik'in, kan janila nik'o ruwi' yixinwajo' rix winaqi' aj-Jerusalem y chuqa' ri juyu' Sión.

Deut 29:20

Ri Jehová kan man jun bey xtukuy rumak ri wineq ri nich'obon keri', xa kan xtrelesaj royowal chirij ri wineq ri', y kan xtuya' ri itzel oyonik pa ruwi' achi'el ri tz'ibatajineq kan chupan re jun wuj re', y kan xtuk'is-el jumul ri rijatzul chuwech re ruwach'ulew.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

Hebreos 12:26

Ri ojer kan toq ri Dios xch'on pa ruwi' ri juyu', ri juyu' ri' xsilon. Jak'a re wakami nubij: Xtapon k'a jun q'ij toq man xaxe ta chik ri ruwach'ulew xtinsiloj, xa kan xtinyikiya' chuqa' ri kaj, xcha'.

Hebreos 12:29

Roma ri qa-Dios kan achi'el q'aq' ri kan nuk'is ronojel.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

Apocalipsis 16:18

Y kan xaxe k'a xubij keri', kan ja ri' xepe koqolajay, koyopa'. Y xuben k'a jun nimalej silonel ri man jun bey banatajineq janipe' ri ek'o-pe winaqi' chuwech ri ruwach'ulew.

Apocalipsis 16:20

Y roma chuqa' ri nimalej silonel ri xuben, ri ruwach'ulew ri ek'o pa taq ya' xebe chuxe' ya'. Y ri juyu' man xetz'etetej ta chik.