Ez 38:16 - Kaqchiquel Bible

¹⁶ Rat Gog y ri aj-labal kan anineq k'a xkixpe y man jun xtipaban iwichin, achi'el toq man jun nipaban richin jun sutz'. Re' xtibanatej pa ruk'isibel taq q'ij toq xtinben k'a chawe richin xkayakatej chirij ri nutinamit. Y chupan ri q'ij ri' ri ch'aqa' chik ruwach'ulew xtiketamaj chi ja yin ri in Loq'olej Jehová.

Ez 38:16 ပူးပေါင်းရင်းမြစ်များ

2 Rey 19:19

Wakami k'a, Jehová ri at qa-Dios, tabana' utzil qojakolo' pa kiq'a' rije', richin chi niketamaj konojel ri q'atbel taq tzij richin re ruwach'ulew chi xaxe rat Jehová, kan xaxe rat ri at Dios, xcha'.

Ex 14:18

Y rije' xtiketamaj chi ja yin Jehová, toq xtink'ut ri nimalej wuchuq'a' chuwech ri rey, chikiwech ri e beneq pa carruaje y chikiwech ri e beneq chirij kiej, xcha' rija'.

Ex 14:4

Y yin kan xtinkowirisaj k'a ri ránima rija' richin chi kan xtiyakatej-pe chiwij, jak'a yin xtink'ut ri nuq'ij-nuk'ojlen chuwech y chikiwech konojel ri aj-labal. Xtiketamaj k'a konojel ri aj-Egipto chi ja yin ri' ri in Jehová, xcha' ri Jehová chire ri Moisés. Y rije' kan xetzolin juba' chikij.

Wuj Richin ri Isaías 2:2

Chupan ri ruk'isibel taq q'ij, xtijikibex k'a ri juyu' Sión, ri akuchi k'o-wi ri rachoch ri Jehová. Y jak'a juyu' ri' ri más nej jotol chikaj, kan janila nim chikiwech ri ch'aqa' chik juyu' ri ek'o chunaqaj. Y konojel k'a ri winaqi' richin ri ruwach'ulew xtikinojisaj ri ruwech.

Wuj Richin ri Isaías 29:23

Roma toq xtitz'et ronojel samaj ri nubanon yin richin ninimirisaj ri iwajawaren, kan xtiya' nuq'ij nuk'ojlen. Rix xtiwetamaj chi ja yin ri in Loq'olej i-Dios, y kan xtik'en nukiy yin ri in Dios richin ri iruwach'ulew Israel.

Wuj Richin ri Isaías 5:16

Ri Jehová ri k'iytisanel richin ronojel kan xtuk'ul runimirinen roma pa ruchojmilal nuq'et-tzij. Ri loq'olej Dios xtuk'ut k'a ri ruch'ajch'ojil toq nuben ri ruchojmilal.

Wuj Richin ri Isaías 8:13

Kan xaxe yin Jehová ri k'iytisanel richin ronojel, tabana' chuwe chi yin in loq'olej. Kan xaxe yin ri k'o nuq'ij y wejqalen, y kan chinuwech k'a yin taxibij-awi'.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Ez 36:23

Y chikiwech konojel ri tzobaj winaqi' richin ri ruwach'ulew xtink'ut ri loq'olej nubi', ri iqasan ruq'ij rix chikikojol rije'. Y toq yin xtinben re', jari' xtiketamaj chi ja yin Jehová.

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Ez 39:21

Toq xtinben re', xtink'ut ri nuk'ojlemal chikiwech ri ch'aqa' chik winaqi' richin re ruwach'ulew y rije' xtikitz'et ri achike rubanik xtinq'et-tzij pa kiwi'.

Ez 39:27

Y toq xkenwelesaj-pe chikikojol ri ch'aqa' chik tinamit ri akuchi ek'o-wi ri e etzelanel kichin, chikiwech ri winaqi' ri' kan xtink'ut k'a wi' chi yin kan in loq'olej-wi roma ri utzilej taq kibanobal ri awinaq israelita.

Ez 39:7

Yin xtinben chi konojel ri winaqi' israelita xtiketamaj nuwech, roma man ninwajo' ta chi man jun rejqalen xtiban chire ri nubi'. Chuqa' xtiketamaj ri ch'aqa' chik ruwach'ulew chi ja yin in ki-Dios ri israelita ri kan k'o nuq'ij-nuk'ojlen. Ja yin Jehová ri yibin.

Dn 10:14

Wakami, in peteneq richin nonq'alajirisaj chawech ri xtipe pa ruwi' ri atinamit chawech-apo, roma ri xk'utumej chawech xa kan richin k'a ri q'ij ri', xcha'.

Dn 2:28

Jak'a, kan k'o jun Dios ri k'o chila' chikaj ri niq'alajirisan ronojel ri e ewatel. Rija' xtiq'alajirisan chawech ri xtik'uluwachitej chiqawech-apo. Wakami k'a xtinq'alajirisaj ri awachik' y ri nel chi tzij.

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Joel 3:11

Kan chi'anin tikimolo-pe-ki' konojel winaqi' richin re ruwach'ulew; timolo-pe-iwi' rix ri ixk'o-pe naqaj, y kan ja ri Jehová ri xtibanon labal.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Wuj Richin ri Miqueas 4:1

Xtibek'uluwachitej chupan ri ruk'isibel taq q'ij, chi ri juyu' ri akuchi k'o-wi ri rachoch ri Jehová kan xtiya'ox chik k'a ruq'ij jun bey. Ri juyu' ri' más nim rujotolen chikiwech ri ch'aqa' chik juyu', y konojel k'a winaqi' richin ri ch'aqa' chik ruwach'ulew, xke'apon-el chiri'.

Deut 31:29

Roma yin wetaman chi toq xa in kamineq chik el, rix xkixyojtej jumul. Kan xtiya' kan ri bey ri xinbij chiwe ri k'o chi niwojqaj, y wetaman chuqa' ri xtipe chiwij ri chiwech-apo. Kan xtipe k'a ruk'ayewal pan iwi', roma kan itzel ri ibanobal chuwech ri Jehová, y niben chire richin nipe royowal roma ronojel ri xtiben, xcha' ri Moisés.

1 Timoteo 4:1

Y kan jebel wi niq'alajin ri nubij ri Loq'olej Espíritu, chi chupan ri ruk'isibel taq q'ij ek'o winaqi' ri xtikiya' kan ri ruch'abel ri Dios y man xtikinimaj ta chik. Xa ja chik ri kitijonik ri itzel taq espíritu ri xtikitzeqelibej. Y rik'in ri' xkeq'olotej.

2 Timoteo 3:1

Jantape' tik'oje' chi'ak'u'x chi chupan ri ruk'isibel taq q'ij xtipe janila ruk'ayewal.

Apocalipsis 20:9

Kan xejote' k'a el pa tinamit ri janila nrajo' ri Dios ri akuchi ek'o-wi ri ralk'ual rija'. Rije' xbekisutij-kij, jak'a ri Dios xuben chi xqaqa-pe q'aq' pa kiwi', y xeruk'is q'aq'.