Ez 38:15 - Kaqchiquel Bible

¹⁵ Kan xkatel k'a pe pan aruwach'ulew ri k'o pa xaman, kan e awachibilan-pe ri e nima'q taq tzobaj achi'a' yech'oke' chirij kiej.

Ez 38:15 ပူးပေါင်းရင်းမြစ်များ

Ez 39:2

Xtinben k'a chawe richin xkatzolej chik pa ruwach'ulew Israel. Xkatinbenqirirej-pe kela' pa xaman y xkatink'en chik pe pa taq juyu' richin ri ruwach'ulew Israel.

Ez 38:6

Chuqa' yekachibilaj-pe ri aj-labal aj-Gómer y aj-Bet-togarmá, ri k'o pa xaman. Y ri e aj-labal re' xkek'iyer janila, koma re winaqi' re'.

Apocalipsis 20:8

Y xtel chik jun bey chikiq'olik ri winaqi' ri ek'o pa ronojel ruwach'ulew, ri aj-Gog y aj-Magog, kan xkeruq'ol y yerumol-el richin ri oyowal. Y kan yebuchu k'a, kan e achi'el ri sanayi' ri ek'o chuchi' ri palou.

Apocalipsis 16:14

Ri oxi' itzel taq espíritu ri' kan yekibanala' k'a meyel taq banobel richin yeq'olotej ri winaqi' pa kiq'a'. E eleneq k'a pe richin yekimol konojel q'atoy taq tzij richin ri ruwach'ulew e kachibilan ri aj-labal. Yekimol-apo richin ri q'ij toq xtikiben oyowal rik'in ri Dios ri kan k'o ronojel uchuq'a' pa ruq'a'.

Wuj Richin ri Sofonías 3:8

Roma ri' nubij ri Jehová chike chi tikoyobej na, k'a toq xtapon na ri q'ij richin rija' xtiyakatej richin nuq'et-tzij. Rija' xuch'ob yan chi yerumol konojel winaqi' richin ri ruwach'ulew, richin nuya' pa kiwi' ri ruq'aq'arinen ri royowal. Ronojel ruwach'ulew kan xkeruk'is roma ri royowal.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Ez 38:4

Y roma ri' xtinya-el jun chapbel-ti'ij pan akaxtate' richin xkatuk'uex-el xabakuchi. Y k'ari' xkatinwelesaj-el rat y konojel ri awinaq ri yech'oke' chirij kiej y ri achi'a' ri yebe chi kaqen, stape' k'o rutobal ruwa-kik'u'x, ki-espada y jalajoj ruwech kitobal.

Ez 32:30

Chiri' ek'o-wi konojel ri e aj-raqen ri xek'oje' pa xaman y konojel ri winaqi' aj-Sidón. Stape' re winaqi' re' xkiya' jun xibinri'il chike ri ch'aqa' chik winaqi', jak'a re wakami xa ek'o chik chikikojol ri xeken pa labal y kan xqasex k'a kiq'ij. Re winaqi' re' man xkiya' ta nuq'ij y re wakami xa e muqun chik.

Joel 3:11

Kan chi'anin tikimolo-pe-ki' konojel winaqi' richin re ruwach'ulew; timolo-pe-iwi' rix ri ixk'o-pe naqaj, y kan ja ri Jehová ri xtibanon labal.