Ez 38:12 - Kaqchiquel Bible

¹² Rije' xtikiyek chik q'anej ri kitinamit y xa xtikimol chik ki' pa taq jalajoj ruwach'ulew. Xkek'oje' chuqa' kawej y kibeyomel, y xkek'oje' pa ruk'u'x ri ruwach'ulew. Jak'a rat xtach'ob chi xkayakatej chikij richin xtak'uaj k'a el ronojel re'.

Ez 38:12 ပူးပေါင်းရင်းမြစ်များ

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Ez 29:19

Jak'a yin Jehová ninjikiba-nutzij chi ri Nabucodonosor toq xtok pa ruwach'ulew Egipto y xtik'oje' pa ruq'a', xtuk'en k'a kan ronojel rubeyomel y ronojel ri k'o rik'in. Y rik'in k'a ronojel ri' rija' xkerutoj ri aj-labal.

Wuj Richin ri Isaías 10:6

Kan xtinteq chirij jun tzobaj winaqi' ri man yinkitzeqelibej ta yin, chirij ri tzobaj winaqi' ri janila mak nikiben chinuwech. Xtinteq richin chi numej-el chuwi-kiq'a' ri k'o rejqalen, y richin chi yeruxeq' kan.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Zacarías 1:17

Y chirij ri' ri ángel xubij chik chuqa' chi xtinbenya' rutzijol chi ri Jehová xtiberubana' chik jun bey chike ri nutinamit chi xkebe pa jotol, y chi ri Jerusalem xtok chik rutinamit, y xtuya' chik kuqubabel-k'u'x kik'in ri winaqi' ri ek'o chiri'.

Wuj Richin ri Zacarías 1:12

Jari' toq ri ángel xch'on-q'anej rik'in ri Dios y xubij chire: Rat Jehová ri at k'iytisanel richin ronojel, ¿k'a janipe' xtajoyowaj kiwech ri e aj-Jerusalem y ri ch'aqa' chik tinamit richin Judá, ri aya'on-pe ri rutojbalil-mak pa kiwi' oxk'al lajuj juna'?, xcha'.

Am 1:8

Kan xtinkamisaj ri rey richin ri Asdod. Chuqa' xtink'is ri niq'aton-tzij pa ruwi' ri Ascalón Rik'in ronojel wuchuq'a' xtinya' tijoj-poqonal pa kiwi' ri aj-Ecrón k'a toq xkenk'is konojel ri aj-Filistea. Yin Jehová ri yibin.

Wuj Richin ri Jeremías 30:16

Man rik'in ri', konojel ri nikajo' yixkik'is, chuqa' rije' kan xkenk'is yin y konojel ri ye'etzelan iwichin kan xkebe pa ximonri'il. Ri ye'eleq'an iwik'in chuqa' k'o xke'eleq'an kik'in rije'.

Wuj Kichin ri To'onela' 9:37

Y ri Gáal xubij chik k'a: Wakami nintz'et chi kan ek'o winaqi' e xulan-pe chukojol la juyu'. Chuqa' k'o jun tzobaj aj-labal ri e peteneq chupan ri bey akuchi k'o-wi ri paten-che' kichin ri aj-itza', xcha'.