Ez 38:11 - Kaqchiquel Bible

¹¹ Y xtich'ob richin yixok chupan ri kitinamit ri winaqi' israelita ri kikuquban kik'u'x y man jun nikimey. Man jun tz'aq kiya'on chikij ri kitinamit, ni man kiya'on ta nima'q taq ch'ich' chirij ri ruchi' ri kachoch.

Ez 38:11 ပူးပေါင်းရင်းမြစ်များ

Romanos 3:15

Kan anineq yebe chi relesaxik ruk'aslen ri xa man jun rumak.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Wuj Richin Bix Chire ri Dios 10:9

Niq'eleben achi'el nuben jun koj toq k'o pa rusok; chiri' k'a nichajin-pe, royoben chi napon ri wineq pa ruq'a'; y toq k'o chik pa ruq'a', nuk'uaj chupan ri pikbel ri rubanon kan.

Wuj Kichin ri To'onela' 18:27

Kik'uan k'a ronojel ri e rubanon ri Micaías, y kik'uan chuqa' el ri ru-sacerdote, y xe'apon k'a pa tinamit Lais, jun tinamit ch'uch'uj y kuqul kik'u'x. Xekikamisaj k'a chi espada, y xkiporoj ri tinamit ri'.

Wuj Kichin ri To'onela' 18:7

Jari' toq ri wo'o' achi'a' ri' xe'el k'a el chiri', y xe'apon pa tinamit Lais; y xkitz'et chi ri winaqi' ri ek'o chupan ri tinamit ri' kan e jikil chiri', y kan kikuquban kik'u'x, achi'el ri kibanobal ri aj-Sidón. Y ri chiri' kan man jun k'a yenaqo rik'in ronojel ri yekiben, ni man jun k'a achoq pa ruq'a' k'o-wi ri q'atbel-tzij. Pa ruwi' re' ri tinamit Sidón xa kan janila k'a nej k'o chike rije', y kan man jun tinamit ri achoq ik'in ta nikiben-wi oyowal.

Ex 15:9

Ri e etzelanel qichin, xkich'ob: Qojyakatej-el y kebeqaq'i', xecha'. Xkich'ob chi xtikich'er chikiwech ri xtikimej chiqe; xkich'ob chi nikelesaj koyowal chiqij. Xkich'ob nikelesaj ri ki-espada y yojkik'is.

Ez 30:9

Toq xtapon ri q'ij ri' xkenteq k'a el taqonela' chuchi' ri palou, richin nibekiya' rutzijol chike ri aj-Etiopía; roma rije' xa man jun nikimey. Roma ri' kan xtikik'en janila rukiy. Kan xtapon yan k'a ri q'ij richin xtibebanatej.

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Ez 38:14

Roma ri' kach'on pa nubi' yin rik'in ri Gog y kere' k'a tabij chire: Toq ri nutinamit Israel jebel rukuquban ruk'u'x, jari' toq xkayakatej k'a pe rat chirij.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Wuj Richin ri Zacarías 2:8

Ri Jehová k'iytisanel richin ronojel in rutaqon-pe richin ninbij chike ri tinamit ri xe'eleq' chupan ri tinamit Sión y xubij: Xabachike k'a xtinaqo ri tinamit Sión, kan achi'el xa ta chuwe yin nuben-wi.