Ez 38:10 - Kaqchiquel Bible

¹⁰ Yin Jehová ri yibin ronojel re'. Chupan k'a ri q'ij ri', rat kan xke'ach'obola' k'a janila itzel taq banobel.

Ez 38:10 ပူးပေါင်းရင်းမြစ်များ

Wuj Richin ri Miqueas 2:1

Kan toq'ex k'a kiwech ri winaqi' ri nikich'ob achike etzelal nibekibana'. Rije' ja ri chi'aq'a' nikich'ob itzel taq banobel, y kan xaxe k'a niseqer-el kan jari' nibekibana' ri etzelal ri xkich'ob rij. Rije' kan yetikir k'a nikiben roma kan k'o uchuq'a' pa kiq'a'.

Wuj Richin Bix Chire ri Dios 36:4

Toq yekotz'e-qa pa kich'at, kan chaq nikiquqa' ri etzelal. Kan e beneq k'a chupan ri bey richin ri mak, y man niketzelaj ta kan ri itzel taq banobel.

1 Corintios 4:5

Roma ri' rix man kixnabeyej yan chuq'atik tzij. Nik'atzin chi tiwoyobej na ri q'ij toq xtipe chik jun bey ri Cristo Jesús. Rija' kan xkerelesaj-pe chuwa-saqil ri banobel ri man yeq'alajin ta y xkeruq'alajirisaj-pe ri achike k'o pa taq qánima. Y ri Dios jari' toq xtubij chiqe chiqajujunal roj chi utz ri xeqabanala'.

Hechos 8:22

Ke'aya' k'a kan ri xa man e utz ta ri ek'o pan awánima, y tak'utuj k'a kuyubel amak chire ri Dios, roma chuwech rija' kan man utz ta ri ach'obonik.

Hechos 5:9

Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

Hechos 5:3

Jari' toq ri Pedro xubij chire: ¿Achike k'a roma toq xaya' q'ij chi ri Satanás xunojisaj ri awánima, richin chi xatz'uk-tzij chuwech ri Loq'olej Espíritu, y xak'en kan ch'aqa' chire ri rajel ri ulew ri xak'ayij?

San Juan 13:2

Ri Jesús y ri rutijoxela' kichapon wa'in. Jak'a ri Judas ri ruk'ajol ri Simón Iscariote, nisamej chik ri Itzel-Wineq pa ránima, y jari' ri nibin chire chi tujacha' ri Jesús.

Marcos 7:21

Roma xa pa ránima ri wineq yepe-wi ri itzel taq ch'obonik. Chiri' nipe-wi ri ch'obonik toq ri winaqi' ri e k'ulan y ri man e k'ulan ta nikikanola-ki' richin yemakun. Chiri' chuqa' nipe-wi ri ch'obonik toq ye'eleq' y yekamisan.

Wuj Richin ri Isaías 10:7

Jak'a ri rey richin Asiria xa kan man nuch'ob ta keri', ni man jari' ta ri nrajo' nuben. Rija' xaxe nuch'ob richin yeruk'is ri tzobaj winaqi' richin ri ruwach'ulew.

Wuj Richin Etamabel-Tzij 19:21

Ri pa ránima ri wineq kan k'o k'iy ri nrajo' nuben, y ri nibanatej xaxe ri nrajo' ri Jehová.

Wuj Richin Etamabel-Tzij 12:2

Ri wineq utz, kan k'o utzil ri nril rik'in ri Dios; jak'a ri wineq ri ruyon etzelal k'o pa ruk'aslen, xa ruk'ayewal niya'ox chire roma ri Dios.

Wuj Richin Etamabel-Tzij 6:18

ri itzel taq nojibel, ri aqanaj ri kan anineq nibe chubanik etzelal;

Wuj Richin Etamabel-Tzij 6:14

xaxe ri etzelal ri nrajo' nuben chike ri winaqi', xaxe ri etzelal ri yeruch'obola' chikij ri winaqi', y xaxe ri etzelal nutikila' chikikojol ri winaqi'.

Wuj Richin Bix Chire ri Dios 139:2

Rat kan natz'et k'a toq yitz'uye' y toq yiyakatej-q'anej. Kan k'a nej k'a k'o-wi ri nuch'obonik, rat kan awetaman chik.

Ez 11:5

Y ri ru-Espíritu ri Jehová xok k'a wik'in richin ninq'alajirisaj ri nubij chuwe. Kere' k'a xubij: Rix israelita, kan k'o k'a ri ibin, jak'a yin kan wetaman ri ich'obonik.