Ez 37:3 - Kaqchiquel Bible

³ K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.

Ez 37:3 ပူးပေါင်းရင်းမြစ်များ

San Juan 5:21

Kan achi'el k'a nuben ri nata' Dios toq nuya' kik'aslen ri kaminaqi' ri yeruyek-pe, kan keri' chuqa' ninben yin. Yin kan ninya' k'a chuqa' kik'aslen ri yenwajo'.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Romanos 4:17

Roma ri' ri ruch'abel ri Dios nubij*f11* chi ri Abraham xtok kitata' k'iy tinamit. Y re sipanik re' xya'ox chire roma xukuquba' ruk'u'x rik'in ri Dios. Y ri Dios kan nuya' chik kik'aslen ri kaminaqi', y kan nuben ronojel ri ruch'obon chi nuben, stape' man jani ek'o.

Hebreos 11:19

Ri Abraham kan retaman k'a chi ri Dios k'o uchuq'a' rik'in richin nuk'asoj-pe ri ruk'ajol stape' chikikojol chik ri kaminaqi'. Roma ri' kan xuk'ul chik ri ruk'ajol y keri' ri banobel ri' k'o ri xuk'exewachuj.

Hechos 26:8

¿Achike roma toq rix nibij chi ri Dios man nitikir ta nuk'asoj jun ri kamineq chik el?

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

1 Corintios 15:35

Y rik'in juba' ek'o ri yebin: ¿Achike rubanik toq xkek'astej-el ri kaminaqi'? ¿Achike kami nitzu'un ri kich'akul?, yecha'.

Ez 26:19

Roma ri' yin Jehová ninbij chi kan xtinwulaj k'a kan jumul ri tinamit ri' y xtinben k'a chi man jun xtik'oje' chiri'. Chuqa' kan xtinben k'a chi xtijote-q'anej ri palou pa ruwi' richin xtumuq.

Ez 37:2

Y ri baq kan janila k'iy, kan kinojisan k'a ri taq'aj kojol juyu' y kan e chaqi'j e chaqi'j chik. Y ri Dios xuben k'a chuwe richin xiq'axlan chikikojol ri baq ri'.

Wuj Richin Bix Chire ri Dios 88:11

Ri awajowabal man jun bey xtinatex chupan ri jul muqbel kamineq; chupan ri jul ri' man ninatex ta chik chi rat man yojamalij ta kan.