Ez 37:26 - Kaqchiquel Bible

²⁶ Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Ez 37:26 ပူးပေါင်းရင်းမြစ်များ

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Wuj Richin ri Rutikeribel 9:16

Xtik'oje' ri kotoq'a' pa sutz', y ri' xtunataj chuwe ri jikibel-tzij richin q'asen ri nubanon yin kik'in konojel winaqi' y ri chikopi' ri ek'o chuwech ri ruwach'ulew, xcha'.

2 Sam 23:5

Y keri' k'a xtuben ri Dios kik'in ri wijatzul yin. Keri' xtuben roma rija' kan xuben jun jikibel-tzij wik'in richin jantape'. Ri jikibel-tzij ri' kan xuben pa ruchojmilal. Roma ri' rija' xkiruto' jantape', y ronojel ri nurayibel, kan xtuya'.

Wuj Richin Bix Chire ri Dios 68:18

Toq xjote-q'anej pa rachoch, rija' kan e k'iy e etzelanel richin xeruk'uaj pa ximonri'il. Chuqa' kan k'iy sipanik ri xuk'ul chuwi-kiq'a' ri winaqi' ri xeyakatej chirij, y ri Jehová chiri' xtik'oje-wi richin jantape'.

Ex 15:17

Rat xke'ak'uaj y xke'atik pa ruwi' ri juyu', ri xtaya' chike. Ri chiri', ri akuchi atk'o-wi rat Jehová Dios. Ri akuchi abanon rat Jehová, chi chiri' nak'ul-wi aq'ij.

Ex 25:8

Y xeri' ri awinaq kan tikibana' k'a jun jay ri kan wichin yin, richin chi chiri' yinok'oje-wi-qa ri chi'ikojol.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Wuj Richin ri Isaías 49:21

Jari' toq rix xtibij-qa pan iwánima: ¿Achike k'a xeya'on chiqe konojel re winaqi' re'? Roma roj xa e maneq qalk'ual, y man jun bey chik xke'alex qalk'ual. ¿Achike kami xek'iytisan kichin? Roma roj xa kan xqayonij kan, y man qetaman ta akuchi e peteneq-wi, xkixcha'.

Wuj Richin ri Isaías 55:3

Kixanpe wik'in y kan kiniwak'axaj jebel; kan kiniwak'axaj richin yixk'ase'. Yin kan xtinben jun jikibel-tzij iwik'in richin q'asen, richin xtinya' ajowabel chiwe, y xkik'oje' iwik'in richin jantape', achi'el xinben rik'in ri David.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Wuj Richin ri Jeremías 31:31

Yin Jehová ninbij chi kan xtapon k'a jun q'ij chi xtinbenbana' k'a jun k'ak'a' jikibel-tzij kik'in konojel ri winaqi' israelita y ri aj-Judá.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Ez 11:16

Roma ri' ri Dios xuya' re jun rutzijol re' chuwe, ri nubij rija' pa kiwi' ri man xebe ta pa ximonri'il. Kere' k'a nubij: Yin xinelesan-el kichin rije' chi'ikojol rix y xentaluj pa taq ruwach'ulew richin e nuchajin jebel chiri' ka'i-oxi' q'ij.

Ez 16:60

Jak'a ri chawech-apo, yin kan xtinben jun utzil chawe, achi'el nubij ri jikibel-tzij ri nubanon awik'in toq rat k'a at xten na. Y kan xtinben k'a jun k'ak'a' jikibel-tzij awik'in richin q'asen.

Ez 16:62

Yin kan xtinben k'a re jikibel-tzij re', richin tawetamaj chi ja yin Jehová ri a-Dios.

Ez 20:37

Xkentz'et jebel jujun chiwe rix achi'el nuben jun yuq'unel kik'in ri rukarne'l y kan xtinjikiba' k'a nutzij iwik'in rix chi'ijujunal.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Ez 36:10

Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 36:11

Chuqa' xtinben chi xkek'iyer chik q'anej ri winaqi' y ri chikopi', chuwech chijun ri ruwach'ulew achi'el rubanon ojer. Y kan xtinben k'a chi xtik'oje' más kibeyomel chuwech ri ojer kan. K'ari' xtiketamaj chi ja yin Jehová.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Ez 43:7

Y xubij k'a chuwe: Rat Ezequiel, jare' ri ruk'ojelibal ri nutz'uyubal y ri akuchi xkipa'e-wi. Kan wawe' k'a xkik'oje-wi q'asen chikikojol ri awinaq israelita. Rije' y ri ki-rey man jun bey chik xtikiqasaj nuq'ij. Kan man jun bey chik xtikiya' kiq'ij ch'aqa' chik dios y man xkekilij ta chik. Chuqa' man xtikiben ta chik q'anej kiwachibel ri ki-rey akuchi yekiya-wi kiq'ij ri wachibel toq xeken yan el.

Ez 43:9

Wakami k'a, wi xtikimalij kan ri itzel taq banobel ri man niqa' ta chinuwech yin y wi man xtikiben ta chik ri wachibel ri kan nikiya' kiq'ij, k'ari' yin xkik'oje' chikikojol richin q'asen.

Ez 48:35

Y ri raqen ri tinamit 5,352 jaj pa taq kaji' ruxikin. Y ri tinamit xtubini'aj: Ri Jehová kan wawe' k'o-wi, xcha' ri Jehová.

Wuj Richin ri Sofonías 3:15

Roma ri Jehová xrelesaj yan ronojel tijoj-poqonal pa qawi'. Kan xeroqotaj yan el konojel ri e etzelanel qichin. Ri Jehová ja rija' ri qa-rey ri k'o pa qanik'ajal roj. Y kan man jun bey chik xtik'oje' rukiy ri ruk'ayewal pa qawi'.

Wuj Richin ri Zacarías 2:5

Y roma ri' ja ri Jehová xtitaqon-pe jun tz'aq ri banon rik'in q'aq' richin xtusutij-rij ri Jerusalem, y ja rija' xtisaqirisan richin, xcha' ri ángel chire.

Wuj Richin ri Q'axanri'il 25:12

Roma ri' tabij chire chi yin ninjikiba-nutzij chire, chi yin man xtipe ta woyowal chire rija'.

San Juan 14:27

Ri uxlanen ri k'o wik'in yin, kan jari' k'a ri ninya' kan chiwe. Jak'a ri uxlanen ri' man achi'el ta k'a ok ri uxlanen ri nikisuj ri winaqi' ri xa k'a kikuquban na kik'u'x rik'in re ruwach'ulew. Roma ri' man tisach ik'u'x, y man tixibij-iwi'.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Hebreos 6:14

Y xubij k'a chire:*f17* Xkatinwurtisaj pa ruk'iyal y xkek'iyer janila ri awijatzul, xcha' chire.