Ez 37:24 - Kaqchiquel Bible

²⁴ Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Ez 37:24 ပူးပေါင်းရင်းမြစ်များ

Os 3:5

Chirij ri' xketzolej chik pe ri israelita, kan xtikikanoj chik k'a ri Jehová ri ki-Dios. Xtikikanoj k'a ri ki-rey chikikojol ri e rijatzul kan ri David. Chupan ri ruk'isibel taq q'ij kan xtikik'en rukiy ri Jehová. Kan xkekikot k'a rik'in ronojel ri rubanon rija' kik'in.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Hebreos 13:20

Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Wuj Richin ri Jeremías 30:9

Kan ja yin Jehová ri i-Dios ri xkinisamajij y yin xtinkanoj jun i-rey richin niq'aton-tzij pan iwi' y ri' jun chike ri rijatzul kan ri rey David.

Wuj Richin ri Jeremías 23:5

Xtoqaqa k'a jun q'ij toq yin xtinben chi ri David xtik'oje' jun rijatzul ri kan xtok jun rey ri xtuq'et-tzij rik'in na'oj. Rija' kan xtuq'et-tzij pa ruchojmilal y kan choj.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

1 Juan 2:6

Y wi niqabij chi jun qabanon rik'in, k'o chi niqak'uaj jun k'aslen achi'el ri k'aslen ri xuk'uaj ri Jesucristo.

1 Pedro 5:4

Y toq xtok'ulun chik qa ri Cristo, ri nimalej Yuq'unel, xtik'ul k'a jun corona ri man jun bey xtik'is.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

1 Corintios 11:2

Wach'alal, kan utz wi k'a ri ibanon chi chupan ronojel ri ik'aslen kan ink'o-wi chi'ik'u'x. Rix kan niben-wi ri nubin kan chiwe; ik'ulun kan jebel ri tijonik ri xinya' chiwe yin.

San Lucas 1:32

Rija' janila k'a ruq'ij xtik'oje', y xtubini'aj chuqa' Ruk'ajol ri Nimalej Dios. Ri ajaw Dios kan ja rija' ri xtutz'uyuba' kan pa rutz'uyubal, achi'el ri rey David ri awati't-amama'.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Miqueas 5:4

Y rija' kan xkeruyuq'uj rije' rik'in ri runimirinen y ri uchuq'a' richin ri Jehová ri qa-Dios. Y rije' kan kuqul k'a kik'u'x xkek'ase', roma ri rey ri' kan xtinimirisex k'a ruq'ij chuwech chijun ruwach'ulew.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Wuj Richin ri Molojri'il 12:11

Ri kitijonik k'a ri winaqi' e aj-na'oj, kan nuben k'a jun samaj achi'el nuben jun che' chuq'bel; ri etamabel-tzij ri nikikusaj ri etamanela' kan nich'ike' k'a pa taq kánima ri winaqi'; re' kan e ya'on k'a kan roma ri Dios, ri qayuq'unel.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

Ez 37:22

Chuqa' xtinben k'a chike chi xa jun ajawaren xtikiben y chi xkek'ase' junan chijun ri ruwach'ulew y ri pa taq juyu'. Xaxe k'a jun ki-rey ri xtik'oje' y man xtikich'er ta chik ki' pa taq ka'i' tzobaj, ni man jun bey chik xtikich'er ri kajawaren.

Wuj Richin Etamabel-Tzij 9:6

Kan tiya' k'a kan ri ik'aslen ri akuchi xa maneq na'oj, y tiwila' ri k'aslen, y kan tichapa-el ri k'aslen ri akuchi kan k'o etamabel.

Wuj Richin ri Isaías 32:1

Xtapon k'a jun q'ij toq xtik'oje' k'a jun rey ri xtuberuq'ata-tzij pa ruchojmilal, y chuqa' konojel ri xkeq'aton-tzij kan pa ruchojmilal xtikiben.

Wuj Richin ri Jeremías 30:21

Y chi'ikojol k'a rix xtel-pe jun tata'al y jari' ri xtiq'aton-tzij pan iwi'. Y toq xkijel-apo rik'in, jari' toq rija' xtijel-pe wik'in yin, roma k'a man jun nitikir nijel-pe wik'in choj keri'. Yin Jehová ri yibin.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 21:27

Y keri' xtibanatej, k'a toq xtipe na ri qitzij q'atoy-tzij k'a chire rija' xtinjech-wi.

Ez 45:7

Chuqa' xtich'er kan juba' ulew kichin ri e tata'al y re ulew re' xtusutij-rij ri ulew ri wichin yin Jehová, y ri ulew ri richin ri tinamit. Nuchop-pe ri pa ruxikin, ri k'o pa qajbel-q'ij, niq'ax chuchi' ri ulew ri richin ri tinamit, k'ari' niq'ax pa ruxikin ri ulew ri k'o pa relebel-q'ij; kan chi oxi' k'a ruxikin xtiq'ax-wi.

Deut 6:1

Ja ronojel pixa' re' ri xuya' ri Jehová ri qa-Dios chuwe, richin xixintijoj, richin jari' ri nitaqej chupan ri ruwach'ulew ri xkixapon-wi ri kan xtok iwichin.