Ez 37:22 - Kaqchiquel Bible

²² Chuqa' xtinben k'a chike chi xa jun ajawaren xtikiben y chi xkek'ase' junan chijun ri ruwach'ulew y ri pa taq juyu'. Xaxe k'a jun ki-rey ri xtik'oje' y man xtikich'er ta chik ki' pa taq ka'i' tzobaj, ni man jun bey chik xtikich'er ri kajawaren.

Ez 37:22 ပူးပေါင်းရင်းမြစ်များ

Ez 37:24

Xtipe k'a jun rey achi'el ri q'asen David, ri nusamajel ri xtiq'aton-tzij pa kiwi' y rija' xtichajin kichin achi'el nuben jun yuq'unel. Y rije' kan jebel xtikinimaj ri nupixa'.

Wuj Richin ri Jeremías 50:4

Yin Jehová ri yibin. Chupan ri q'ij ri', rix winaqi' richin ri ruwach'ulew Israel y ri Judá kan rik'in k'a oq'ej xkinikanoj.

Wuj Richin ri Jeremías 3:18

Toq xtapon ri q'ij ri', rix ri tinamit Judá xtijunamatej-iwech rik'in ri tinamit Israel. Xkixel-pe chiri' chupan ri ruwach'ulew ri k'o pa xaman y junan xkixtzolin-pe chupan ri ruwach'ulew ri xinya' chike ri iwati't-imama' richin q'asen.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

Wuj Richin ri Jeremías 33:26

keri' yin xkenwetzelaj ri rijatzul kan ri Abraham, ri Isaac y ri Jacob y chuqa' xtinben ta chi man jun chike ri e rijatzul kan ri David ri xtiq'aton-tzij. Jak'a yin kan xkenwelesaj-pe ri nuwinaq ri akuchi xentaluj-wi y kan xtinjoyowaj kiwech, xcha' ri Dios chuwe.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Wuj Richin Bix Chire ri Dios 72:8

Ri rajawaren xtitikir k'a el chuchi' ri palou y napon k'a ri juk'an chik ruchi', xtitiker-el chuchi' ri raqen-ya' Éufrates y xtapon k'a chuchi' chijun ri ruwach'ulew.

Wuj Richin Bix Chire ri Dios 72:1

Nimalej Dios, tak'utu' ri apixa' chuwech ri rey. Kan tabana' chire chi xtuben ri ruchojmilal ri nawajo' rat,

Wuj Richin Bix Chire ri Dios 2:12

Tiqasaj-iwi' chuwech ri k'ajolaxel richin man nipe ta royowal, roma man xa xkixruk'is kan pa bey, ri royowal rija' xa kan pa jun ti ramaj nuk'is ronojel. ¡Jebel ruwa-kiq'ij ri janipe' kikuquban kik'u'x rik'in, xcha' ri Dios.

Wuj Richin Bix Chire ri Dios 2:6

Y xtubij: Yin kan nucha'on chik ri rey pa ruwi' ri tinamit Sión, ri nujuyu' ri k'o janila rejqalen, xticha'.

Wuj Richin ri Rutikeribel 49:10

Ri q'atbel-tzij*f32* kan man jun k'a xtitikir xtelesan pa ruq'a' ri Judá, ri cetro richin ri q'atbel-tzij kan man jun xtelesan chire, k'a ja toq xtoqaqa na ri rajaw, k'ari' xtujech chire, y konojel ri winaqi' chuwech ri ruwach'ulew xtikinimaj rutzij.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Wuj Richin ri Jeremías 50:5

Rix xtik'utuj ri akuchi k'o-wi ri bey ri nibe pa tinamit Sión. Y keri' k'a xkixbe y xtibij chi nijunamatej-iwech wik'in. Xtiben k'a jun jikibel-tzij richin q'asen, richin chi man jun bey xkinimestaj.

Ez 17:22

Roma ri' kere' k'a ninbij yin: Ja yin ri xkinuk'uan-el jun rutum ri tiox-che' y xtintik chik k'a pa ruwi' jun juyu' ri nej jotol.

Ez 20:40

Roma yin Jehová ri ink'o pa ruwi' ronojel ninjikiba' nutzij chi chiri' pa ruwi' ri juyu' ri nucha'on yin, chiri' rix ri aj pa rachoch kan ri Israel xkinisamajij y chiri' xtiya-wi nuq'ij y yin rik'in ronojel wánima xtink'ul ri isipanik, ri nabey ruwech taq itiko'n. Y ronojel ri xtisuj chuwe xtink'ul rik'in kikoten.

Ez 36:10

Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 37:17

Xeri' tatunu' ri ka'i' tz'alem ri', richin xa jun nikiben.

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 40:2

Y chupan ri achi'el achik' ri' ri Jehová k'o k'a xuk'ut chinuwech. Xiruya' chiri' pa ruwi' jun nimalej juyu' y xintz'et chi kela' pa xokon k'o ka'i-oxi' jay y achi'el jun tinamit niq'alajin.

Wuj Richin ri Miqueas 5:2

Jak'a xtipe pe jun q'atoy-tzij pa tinamit Belén ri chuqa' nibix Efrata chire. Stape' ri tinamit ri' maneq rejqalen chikiwech konojel ri tinamit richin Judá, kan kik'in rije' xtel-wi-pe re q'atoy-tzij re'. Y rija' kan samajineq-wi-pe pa nabey.

Wuj Richin ri Zacarías 11:14

K'ari' xinq'ej ri jun chik ch'ame'y rubini'an Junan Kiwech, y re' retal chi nibek'is ri ach'alalri'il chikikojol ri ruwach'ulew Judá y ri ruwach'ulew Israel.

Marcos 3:24

Wi ta jun ajawaren nuch'er-ri', ri ajawaren ri' man xtiyaloj ta.