Ez 37:21 - Kaqchiquel Bible

²¹ y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.

Ez 37:21 ပူးပေါင်းရင်းမြစ်များ

Ez 36:24

Yin kan xkixinwelesaj k'a pe chikikojol ri tzobaj taq winaqi' ri e richin ri ch'aqa' chik ruwach'ulew y kan xkixinmol k'a y xkixink'uaj chik pan iruwach'ulew.

Wuj Richin ri Jeremías 29:14

Kan qitzij na wi chi xkiniwil. Y kan xtinmol ichi' ri akuchi ixintalun-wi wakami chupan ri ch'aqa' chik ruwach'ulew. Y k'ari' xkixintzolij-pe chupan re itinamit ri akuchi ixintalun-wi-el.

Wuj Richin ri Jeremías 23:8

Xa kan xtikibij k'a: Utz ruwa-ruq'ij ri Jehová chi xerelesaj-pe ri qawinaq israelita chiri' chupan ri ruwach'ulew ri k'o pa xaman y ri pa taq ch'aqa' chik ruwach'ulew ri akuchi e rutalun-wi-el, xkecha'. Y keri' xkek'oje' jun bey chik chupan ri kiruwach'ulew, xcha' ri Dios.

Wuj Richin ri Jeremías 16:15

Xa kan xtikibij: Utz ruwa-ruq'ij ri Jehová chi xerelesaj-pe ri qawinaq israelita chiri' chupan ri ruwach'ulew ri k'o pa xaman y ri pa taq ch'aqa' chik ruwach'ulew ri akuchi e rutalun-wi-el, xkecha'. Roma kan xkentzolij chupan ri ruwach'ulew ri xinya' chike ri kati't-kimama'.

Ez 39:27

Y toq xkenwelesaj-pe chikikojol ri ch'aqa' chik tinamit ri akuchi ek'o-wi ri e etzelanel kichin, chikiwech ri winaqi' ri' kan xtink'ut k'a wi' chi yin kan in loq'olej-wi roma ri utzilej taq kibanobal ri awinaq israelita.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Wuj Richin ri Jeremías 50:19

Xtinben chi rix xkixtzolin pan iruwach'ulew. Y chiri' kan jebel xkixwa' achi'el jun karne'l ri nik'oje' k'iy ruq'os chiri' pa juyu' Carmelo, pa ruwach'ulew Basán, pa k'echelaj richin Efraín y chiri' pa Galaad.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Wuj Richin ri Jeremías 23:3

Stape' yin xkentaluj-el pa taq ch'aqa' chik ruwach'ulew, jak'a kan xtapon chik jun q'ij ri xtinmol chik kichi'. Xkentzolij k'a pe ri akuchi xeyuq'ux-wi pa nabey. Y wawe' xkek'iy-wi y kan xkek'iyer.

Wuj Richin ri Isaías 49:12

Konojel k'a rije' xkepe nej. Jujun chike rije' xkepe pa xaman, y ch'aqa' chik xkepe pa xokon. Chuqa' ch'aqa' chik xkepe k'a pa qajbel-q'ij, y ch'aqa' chik xkepe pa ruwach'ulew Sinim.

Wuj Richin ri Jeremías 33:11

Jak'a xtapon jun q'ij chi ri chiri' xtak'axatej chik bix richin kikoten, bix richin k'ulubik y bix kichin ri yek'amon-pe sipanik richin matioxinik chuwe. Y kere' ri nikibixaj: Tiya' matioxinik chire ri Jehová ri k'o ronojel uchuq'a' pa ruq'a', roma rija' kan janila utz, y ri rajowabal kan richin q'asen, xkecha' rije'. Roma kan xtinben chi ri kulew xtiwachin chik jun bey achi'el ri pa nabey.

Wuj Richin ri Jeremías 33:7

Kan xkenk'en-pe ri aj-Judá y ri aj-Israel ri e nutalun-el y kan xtinya' uchuq'a' kik'in achi'el ri pa rutikeribel.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 36:10

Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 37:20

Y chikiwech k'a ri awinaq xtachop ri ka'i' taq tz'alem ri achoq chuwech xatz'iban-wi,

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Wuj Richin ri Miqueas 4:6

Toq xtapon ri q'ij ri' ri Jehová kan xkerumol chik ri xekajtej kan, y xtuben k'a chike ri e kajtajineq chi xke'ok jun tinamit. Xkerumol chuqa' ri kitalun-ki' richin xke'ok jun nimalej ruwach'ulew ri kan k'o ruchuq'a'. Y stape' xuben chike chi xkik'owisaj tijoj-poqonal, ri Jehová xtiq'aton-tzij pa kiwi' ri chiri' pa ruwi' ri juyu' Sión. Y keri' k'a xtuben tibe-q'ij tibe-seq.

Wuj Richin ri Nahum 2:2

Roma ri Jehová nuya' chik ri ruwaq'ijaj y ri uchuq'a' chire ri ruwach'ulew Israel y ri Judá, richin chi yek'oje' chik jun bey achi'el rubanon-pe, toq ri e etzelanel kichin man jani tikelesaj chuwi-kiq'a' ronojel ri k'o rejqalen.

Wuj Richin ri Sofonías 3:20

Chupan ri q'ij ri' kan xkixinwelesaj k'a pe akuchi xixuk'uex-wi-el. Kan xtinben chiwe chi xtik'oje' chik iq'ij, y kan xtik'oje' utzilej itzijol chikiwech konojel tinamit ri ek'o chuwech re ruwach'ulew. Re' kan xtibanatej k'a toq yin xkixinwurtisaj chik jun bey. Ja yin Jehová ri yibin.

Wuj Richin ri Jeremías 31:16

Jak'a yin Jehová ninbij chike ri teja': Man chik yixoq' y man chik tibiyin ruya'al runaq'-iwech, roma ri iq'axo'n kan k'o rajel ruk'exel. Ri iwal xa xkiya' yan kan ri kiruwach'ulew ri e etzelanel iwichin.

Wuj Richin ri Jeremías 31:17

K'o k'a jun oyobenri'il richin ri chiwech-apo. Ri iwal xketzolin-pe pan iruwach'ulew. Yin Jehová ri yibin.

Ez 39:28

K'ari' k'a xtiketamaj chi ja yin Jehová ri ki-Dios, stape' yin xenteq-el pa taq ch'aqa' chik ruwach'ulew. Jak'a chupan ri q'ij ri' xkenk'en chik pe y kan man jun xtinya' kan ri juk'an chik ruwach'ulew.