Ez 37:14 - Kaqchiquel Bible

¹⁴ Chuqa' kan xtinya' k'a ri ik'aslen richin kan xkixk'ase' chik jun bey y toq xkixink'uaj chik pan iruwach'ulew k'ari' xtiwetamaj chi ja yin Jehová ri xibin y kan xinben, xcha'.

Ez 37:14 ပူးပေါင်းရင်းမြစ်များ

Ez 36:36

K'ari' ri juba' winaqi' ri xkek'oje' kan chi'inaqaj xtiketamaj chi ja yin Jehová ri xipaban chik q'anej ri wulatejineq kan y xintik chik qa ri ulew ri malin kan. Yin Jehová ri yibin.

Ez 36:27

Y kan xtik'oje' k'a ri nu-espíritu iwik'in richin niwajo' xtitaqej ronojel ri nupixa'.

Ez 11:19

Y chupan ri q'ij ri', xtinjel k'a ri ibanik y kan xtinya' k'a jun k'ak'a' iwánima. Ri iwánima ri kan achi'el abej rubanon-pe, xtinwelesaj k'a el y xtinya' chik jun chiwe ri kan jebel ch'uch'uj.

Ez 39:29

Kan man jun bey chik k'a xkenmalij kan, roma xtinya' k'a ri loq'olej nu-Espíritu pa kiwi' richin nik'oje' kik'in. Yin Jehová ri ink'o pa ruwi' ronojel ri yibin, xcha'.

Ez 17:24

Y kan konojel k'a che' ri ek'o pa taq juyu' xtiketamaj chi ja yin Jehová. Yin xtintorij xabachike che' ri runimirisan-ri' y ri ko'ol che' xtinben-q'anej nim chire. Yin ninchaqirisaj ri che' ri rex-rex rubanon y ninben rex chire ri che' chaqi'j. Yin Jehová ri yibin y kan ninben k'a ri ninbij, xcha'.

1 Corintios 15:45

Keri' niq'alajin chupan ri ruch'abel ri Dios,*f17* chi ri nabey Adán xban y xuk'ul ruk'aslen. Jak'a ri Cristo, ri jun chik Adán, kan aj-chikajil-wi, y kan nuya' k'aslen.

Ez 37:9

Xeri' ri Jehová xubij chuwe chi yich'on rik'in ri kaq'iq' pa rubi' rija'. Y jare' k'a ri xubij chuwe: Yin Jehová ri yibin. Tipe kaq'iq' richin k'aslen chi e kaji' kajtz'uk richin nuya' kik'aslen re kaminaqi' re', richin xkek'ase' chik jun bey, xcha'.

Romanos 8:11

Ri Dios xuben chire ri Cristo Jesús chi xk'astej-pe chikikojol ri kaminaqi', y keri' chuqa' xtuben chiqe roj ri k'o ri Loq'olej Espíritu pa taq qánima chi xqojruk'asoj chuqa' el chikikojol ri kaminaqi'.

Romanos 8:2

Xa kan ja toq xojok chuxe' ri rupixa' ri Loq'olej Espíritu ri niya'on k'aslen roma ri Cristo Jesús, jari' toq xojkolotej chuwech ri rupixa' ri mak y ri kamik.

Ez 22:14

¿Xkixtikir kami xtipaba-iwi' chinuwech toq yin xkiyakatej chiwij? Yin Jehová ri yibin y kan xtinben k'a ri ninbij.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Wuj Richin ri Isaías 32:15

Jak'a toq ri ru-Espíritu ri Dios xtipe chila' chikaj pa kiwi' ri winaqi', jari' toq ri tz'iran ruwach'ulew kan xtok ulew richin tiko'n, y ri ulew richin tiko'n kan más k'a ri xtiwachin.

Ez 37:6

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.

Ez 37:13

Y toq xkixinwelesaj-pe ri chiri', k'ari' xtiwetamaj chi ja yin Jehová ri ink'o pa ruwi' ronojel.

Ez 37:15

Ri Jehová xch'on chik wik'in y xubij chuwe: