Ez 37:12 - Kaqchiquel Bible

¹² Roma ri' pa nubi' k'a yin kach'on kik'in y tabij re jun rutzijol re' chike: Yin xtinben chiwe chi xkixinwelesaj-pe akuchi ix muqun-wi y xtinben chiwe richin xkixtzolej chik pan iruwach'ulew.

Ez 37:12 ပူးပေါင်းရင်းမြစ်များ

Wuj Richin ri Isaías 26:19

Jak'a ri qakaminaq kan xkebek'ase' chik pe jun bey. Tabana' utzil chi xkebeyakatej ta chik pe jun bey. Ke'ak'asoj chik pe richin xkebixan rik'in kikoten. Ri raxq'ab ri naya-pe, nuya' ruk'aslen ri ulew, y keri' chuqa' xtaben kik'in ri kaminaqi' xtaya' k'ak'a' kik'aslen.

Os 13:14

Yin kan man xkenkol ta k'a chuwech ri jul muqbel kamineq, xa kan xkenjech k'a pa kamik. Rat kamik, ¿akuchi k'a k'o-wi ri awuchuq'a' ri kan nuk'is ronojel? Rat jul muqbel kamineq, ¿akuchi k'o-wi ri ruk'ayewal ri naya'? Roma yin xa kan man xtinjoyowaj ta chik kiwech re winaqi' re'.

1 Tesalonicenses 4:16

Roma ri ajaw xtipe chila' chikaj y xtich'on-pe kow. Chuqa' xtisik'in-pe ri nimalej ángel, y xtiq'ajan-pe ri trompeta richin ri Dios. Y jari' toq xkek'astej-el ri kaminaqi' ri xkikuquba' kik'u'x rik'in ri Jesucristo.

Wuj Richin ri Isaías 66:14

Toq rix xtitz'et ronojel re', ri iwánima kan janila xtikikot. Ri iwuchuq'a' kan xtik'iy achi'el nijotayin chi'anin ri q'ayis. Yin kan xkixinwurtisaj rix, jak'a pa kiwi' ri e etzelanel wichin kan ja ri woyowalen ri xtiqaqa pa kiwi'.

Apocalipsis 20:13

Ri palou xerujech k'a apo konojel winaqi' ri xeken chupan. Ri kamik y ri akuchi yemuq-wi ri kaminaqi' xekijech apo ri kaminaqi' chire ri Dios. Y kan achi'el ri kibanobal ri xek'ase-el ri kaminaqi' ri', keri' ri q'atoj-tzij ri xban pa kiwi'.

Os 6:2

Chirij ri tijoj-poqonal kan xtuya' chik qak'aslen. Kan xqojruyek chik richin xqojk'ase' jantape' chuwech rija'.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 36:24

Yin kan xkixinwelesaj k'a pe chikikojol ri tzobaj taq winaqi' ri e richin ri ch'aqa' chik ruwach'ulew y kan xkixinmol k'a y xkixink'uaj chik pan iruwach'ulew.

Ez 37:21

y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.

Ez 28:25

Roma toq xtapon ri q'ij chi yin xkenmol ri nuwinaq israelita ri e talutajineq pa taq ch'aqa' chik ruwach'ulew; jari' toq xtiq'alajin chikiwech ri ch'aqa' chik ruwach'ulew chi kan in ch'ajch'oj-wi. Y roma ri' ri nuwinaq israelita kan xkebek'oje' k'a pa ruwach'ulew, ri xinya' chire ri nusamajel Jacob.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

1 Sam 2:6

Ri Jehová nrelesaj y nuya' k'aslen, y rija' nuben chi niken ri wineq y nuben chire chi nik'astej-el ri akuchi nimuq-wi.

Ez 37:4

K'ari' ri Jehová xubij chuwe: Kach'on kik'in re baq re' y taya' re jun rutzijol re' chike: Rix ri ix chaqi'j taq baq, tiwak'axaj ri nuch'abel yin Jehová.

Ez 37:13

Y toq xkixinwelesaj-pe ri chiri', k'ari' xtiwetamaj chi ja yin Jehová ri ink'o pa ruwi' ronojel.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin ri Sofonías 3:20

Chupan ri q'ij ri' kan xkixinwelesaj k'a pe akuchi xixuk'uex-wi-el. Kan xtinben chiwe chi xtik'oje' chik iq'ij, y kan xtik'oje' utzilej itzijol chikiwech konojel tinamit ri ek'o chuwech re ruwach'ulew. Re' kan xtibanatej k'a toq yin xkixinwurtisaj chik jun bey. Ja yin Jehová ri yibin.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Joel 3:5

Roma rix kan xiweleq'aj-el ri nusaqipuaq, ri nuq'anapuaq y ronojel ruwech beyomel ri kan e jebejoj ok richin xe'ik'uaj pa kachoch ri i-dios.