Ez 37:10 - Kaqchiquel Bible

¹⁰ Yin xich'on k'a pa rubi' rija' achi'el xubij chuwe. Xpe k'a ri kaq'iq' y ri k'aslen xok kik'in ri kaminaqi' ri'. Y rije' kan xek'ase' chik jun bey y xepa'e-q'anej. Kan janila k'a e k'iy y xa kan xkiben k'a jun tzobaj, achi'el jun tzobaj aj-labal.

Ez 37:10 ပူးပေါင်းရင်းမြစ်များ

Wuj Richin Bix Chire ri Dios 104:30

Rat naya' k'a pe ri uxla' richin k'aslen, y ek'o ch'aqa' chik yetz'ukutej-q'anej. Keri' kan k'ak'a' naben chire ri ruwech ri ruwach'ulew.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

Wuj Richin ri Jeremías 33:22

Kik'in ri e rijatzul kan ri David y ri e rijatzul kan ri Leví, kan xtinben chike richin xkek'iyer y ri kajlabal achi'el kajlabal ri ch'umila' ri ek'o chuwech ri kaj y achi'el ri kajlabal ri sanayi' ri ek'o chuchi' ri palou. Keri' xtinben kik'in rije', xcha' ri Dios chuwe.

Ez 12:7

Yin kan xinben k'a ronojel ri xubij ri Jehová chuwe. Ja ri tiqaq'ij xinben-qa ri rutzil ri xtink'uaj-el, kan achi'el nuben jun wineq ri nuk'uex-el k'a juk'an chik. Y ri chi'aq'a' xinteq'uj ri tz'aq akuchi yinel-wi-el y xink'uaj-el chuwi-nutele'n ri nik'atzin chuwe. Y xinben ronojel re' chikiwech konojel ri nuwinaq.

Ez 37:5

Xtinben k'a chiwe richin xtik'oje' chik ik'aslen richin chi xkixk'ase' chik q'anej.

Apocalipsis 11:11

Jak'a toq q'axineq chik ri oxi' q'ij rik'in nik'aj, xintz'et chi ri Dios xuben chi xk'oje' chik kik'aslen. Roma ri' rije' kan xepa'e' chik k'a el jun bey. Y ri winaqi' ri xetz'eton kichin, kan janila xkik'en rukiy.