Ez 36:9 - Kaqchiquel Bible

⁹ Ja yin ri xkichajin ri ruwach'ulew ri', richin xtisamajix y k'o xtitik chuwech ri ruwi' taq juyu'.

Ez 36:9 ပူးပေါင်းရင်းမြစ်များ

Wuj Richin Bix Chire ri Dios 46:11

Ri Jehová k'iytisanel richin ronojel, jari' ri k'o qik'in roj. Ri nito'on qichin roj, kan ja ri ru-Dios kan ri Jacob.

Ez 36:34

Ri ojer kan ri winaqi' xeq'ax y xkitz'et chi ri ruwach'ulew xok kan tz'iran. Jak'a re wakami, xa xtiwachin chik jun bey.

Romanos 8:31

Y wi ronojel k'a re' nuk'ut chiqawech chi ri Dios kan k'o qik'in roj, ¿achike k'a xtitikir chiqij? Kan man jun.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.

Wuj Richin ri Hageo 2:19

Stape' man jun chik k'o chupan ri ik'ujay, y man jani yewachin-pe ri juwi-uva, ri wíkix, ri granado y ri olivo, jak'a re wakami rija' nutikeriba' nuya' chik urtisanik pan iwi', xcha' ri Hageo.

Joel 3:18

Chupan apo ri q'ij ri', ri uva kan xtiwachin kojol q'ayis, y ri kokoj y nima'q taq awej xkeyuq'ux kojol taq juyu', y xtikiya' jebelej leche. Ri taq siwan ri ek'o pa Judá kan xke'ok ch'uti'n raqen ya'. Y chuchi' ri wachoch xtalex-el jun raqen-ya' ri napon k'a pa taq'aj richin Sitim.

Wuj Richin Bix Chire ri Dios 99:8

Jehová ri at qa-Dios roj, rat kan xak'uluba' k'a pe ri kich'abel. Rat kan xatok k'a chike rije', jun Dios ri kan kuyunel, stape' xaya' tijoj-poqonal pa kiwi' rije' roma ri kimak.

Wuj Richin ri Chojmirisabelri'il 26:9

Yin kan xkixinwajo' k'a y kan xkixink'iyerisaj, y ri nujikiban richin xtinbenya' chiwe kan xtinbenya' k'a.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.