Ez 36:8 - Kaqchiquel Bible

⁸ Jak'a ri juyu' richin ri ruwach'ulew Israel kan xkenoj chi che' ri yewachin. Y ri winaqi' israelita kan xtikitej ri ruwech toq xketzolin-pe pa ximonri'il.

Ez 36:8 ပူးပေါင်းရင်းမြစ်များ

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Hebreos 10:37

Roma chupan ri ruch'abel ri Dios nubij:*f25* Ri jun ri xtipe, chi'anin xtoqaqa. Naqaj chik ri rupetebal.

Filipenses 4:5

Ri utzil ri niben kan niq'alajin ta k'a chikiwech konojel, roma ri ajaw naqaj chik k'o-wi ri rupetebal.

Ez 17:23

Pa ruwi' ri juyu' ri más nej jotol ri k'o pa ruwach'ulew Israel, chiri' k'a xtintik-wi kan. Xtik'oje' ruq'a' y xtiwachin k'a y xtok chuqa' jun jebelej tiox-che'. Y jalajoj kiwech aj-xik' taq chikopi' ri xtibekibana' kisok pa taq ruq'a' y chiri' xkebek'ase-wi.

Ez 12:25

Roma ri', ja yin Jehová ri xkich'on y ri xtinbij kan xtinben y kan man xtinya' ta chik kan k'iy q'ij. Y kan xtinben k'a richin xtikitz'et ri awinaq ri e yakatajineq chuwij. Yin Jehová ri yibin, xcha'.

Wuj Richin ri Isaías 30:23

Chupan ri q'ij ri', ri Jehová kan xtuya-pe job pa ruwi' ri qasanbel-ulew, y ri ulew ri' kan xtuya' pa ruk'iyal ronojel. Chuqa' ri iwawej kan k'o jebel akuchi xkeyuq'ux-wi.

Wuj Richin ri Isaías 4:2

Chirij re' xtapon k'a jun q'ij toq ri Jehová xtuben chik chire ri ruwach'ulew Israel kan janila jebel y kan xtibeya'ox janila rejqalen. Y ri winaqi' ri xkek'oje' kan chiri' kan xtinimirisex kiq'ij roma ri tiko'n ri xtibewachin chuwech ri kiruwach'ulew.

Wuj Richin Bix Chire ri Dios 85:12

Ri Jehová kan xtuya' k'a ri urtisanik pa qawi', y ri qaruwach'ulew kan xtiwachin k'a.

Wuj Richin Bix Chire ri Dios 67:6

Re ruwach'ulew kan xtiwachin k'a; roma rat xqojawurtisaj, rat ri at qa-Dios.

Ez 36:7

Roma ri' yin Jehová ninya' k'a nutzij chi rije' kan xkek'ixbitej k'a.

Wuj Richin ri Isaías 65:9

Jak'a kan xtinben chi xkek'oje' kan rijatzul ri Jacob, y kan xtinben chi xkek'oje' kan winaqi' chiri' pa Judá, ri xkek'ase' chiri' pa taq nujuyu'. Ri xencha' kan yin, kan xtikichinaj kan ri ruwach'ulew ri', y ri nusamajela' kan chiri' xkek'oje-wi kan.

Joel 2:22

Chuqa' man tixibij-iwi' rix chikopi' ri ixk'o pa k'echelaj, roma ri q'os ri k'o pa taq'aj xkeberaxer chik pe jun bey. Chuqa' ri che' xkewachin chik, achi'el ri wíkix; y kan pa ruk'iyal k'a xtik'oje' ruwech ri uva.

Joel 2:24

Ri akuchi nich'ay-wi ri trigo, kan xtinoj chik jun bey, y ri kik'ojelibal ri vino y ri aceite kan xtipulin chik.