Ez 36:38 - Kaqchiquel Bible

³⁸ ri e ch'aron richin ri nimaq'ij pa Jerusalem richin ninatex toq xenkol-pe chiri' pan Egipto. Keri' ri tinamit ri e wulatejineq kan ojer kan xkenoj chik chi winaqi'. Y k'ari' k'a xtiketamaj chi ja yin Jehová, xcha'.

Ez 36:38 ပူးပေါင်းရင်းမြစ်များ

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

1 Rey 8:63

Y ri rey Salomón xusuj k'a sipanik ri niq'alajirisan chi junan ruwech rik'in ri Jehová: Xerukamisaj k'a e 22,000 nima'q taq awej y 120,000 kokoj taq awej. Keri' ri rey y ri winaqi' xkijech k'a ri k'ak'a' rachoch ri Jehová pa rusamaj.

Ez 34:31

Yin ri i-Dios xkixinchajij k'a achi'el nuben jun yuq'unel kik'in ri rukarne'l. Yin Jehová ri ink'o pa ruwi' ronojel ri yibin, xcha'.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

2 Crón 7:8

Y ri Salomón xunimaq'ijuj k'a ri nimaq'ij richin ri taq jay banon rik'in ruq'a-che'. Y kan konojel k'a ri winaqi' israelita ek'o-apo chiri'; ri winaqi' ri' e peteneq k'a pa ronojel tinamit, nitiker-pe pa xaman chiri' pa tinamit Hamat y napon-qa pa xokon k'a chuchi' ri raqen-ya' richin ri ruwach'ulew Egipto. Wuqu' k'a q'ij xenimaq'ijun chuwech ri Jehová Dios.

Deut 16:16

Konojel ri achi'a' k'o chi ye'apon oxi' mul pa jun juna', chuwech ri Jehová chiri' akuchi rucha'on-wi rija'; chupan ri nimaq'ij richin ri kaxlan-wey ri maneq ch'amilej-q'or rik'in, ri nimaq'ij richin ri Pentecostés y ri nimaq'ij richin ri taq jay banon rik'in ruq'a' taq che', y man jun tapon chuwech ri Jehová ri qa-Dios ri man jun ruk'uan-el.

Ex 34:23

Kan konojel k'a achi'a' ri e awinaq rat, nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri ajaw, ri Dios richin ri Israel.

Ex 23:17

Kan konojel k'a achi'a' nik'atzin chi ye'oqaqa chupan re oxi' nimaq'ij re', chupan jun juna', richin ye'oqaqa chinuwech yin Jehová ri iwajaw.

San Juan 2:14

Ri chiri' chuwa-rachoch ri Dios, ri Jesús xeberila' k'a k'ayil taq wákix, k'ayil taq karne'l, y k'ayil taq paloma. Y xeberila' chuqa' jaloy-ruwech méro.

San Juan 10:7

K'ari' ri Jesús xch'on chik jun bey y xubij chike ri fariseo: Kan qitzij k'a ninbij chiwe chi ja yin ri achi'el ruchi' ri qejoj ri akuchi ye'ok-apo ri taq karne'l.

San Juan 10:9

Ja yin k'a ri achi'el ruchi' ri qejoj. Ri xtok k'a wik'in yin, kan xtikolotej. Ri wineq ri' achi'el jun karne'l nok y nel-pe chupan ri qejoj y nril ronojel ri nik'atzin chire.

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

Wuj Richin Bix Chire ri Dios 100:3

Tiwetamaj chi ri Jehová ja rija' ri Dios. Ja rija' xbanon qichin y man ja ta roj. Roj kan oj rutinamit rija', kan oj achi'el rukarne'l richin ri ruqejoj.

Wuj Richin ri Jeremías 23:1

Y ri Jehová xubij: Toq'ex k'a iwech rix ri xixok aj-raqen pa kiwi' ri nuwinaq, roma ix achi'el yuq'unela' ri yekik'is y yekitaluj-el ri karne'l.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Ez 46:9

Y ri pa taq nimaq'ij toq konojel winaqi' ye'ok-apo richin nikiya' nuq'ij, k'o chi kere' nikiben: Ri xke'ok-apo pan okibel ri k'o pa xokon, k'o chi ye'el-el pa xaman. Y ri xke'ok-apo pan okibel ri k'o pa xaman, k'o chi ye'el-el pa xokon. Man xke'el ta el chupan ri okibel ri akuchi ye'ok-wi.