Ez 36:37 - Kaqchiquel Bible

³⁷ Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Ez 36:37 ပူးပေါင်းရင်းမြစ်များ

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.

1 Juan 5:14

Y roma ri' roj kan man jun k'a xibinri'il qik'in richin chi yojapon-apo chuwech ri Dios, roma qetaman chi toq k'o niqak'utuj chire, y wi ja ri rurayibel rija' ri niqak'utuj, rija' kan yojrak'axaj.

Wuj Richin ri Zacarías 10:9

Stape' yin kan xentaluj k'a el pa taq tinamit, pa taq ruwach'ulew ri ek'o nej, jak'a chiri' xkinoqaqa chikik'u'x y k'o k'a jun q'ij xketzolej chik pe junan kik'in ri kalk'ual.

Wuj Richin ri Zacarías 10:6

Roma yin Jehová kan xtinya' k'a kuchuq'a' ri aj-Judá, y kan xkenkol ri aj-Israel. Kan xtinben chike richin xketzolej chik chupan ri kiruwach'ulew, roma kan ninjoyowaj kiwech. Kan xtinben chike chi achi'el xa ta man jun bey xkijech'ej kan ki' wik'in, roma ja yin Jehová ri ki-Dios, y ninwak'axaj ri kich'owen ri nikiben wik'in.

Ez 20:3

Rat Ezequiel, kach'on kik'in ri achi'a' ri xepe awik'in y tak'utuj chike wi e peteneq richin yinkik'ulubej. Roma yin kan ninjikiba-nutzij pa nubi-qa yin chi man xtinya' ta q'ij chi yech'on wik'in.

Hebreos 4:16

Roma ri' kan kuqul k'a qak'u'x qojjel-apo rik'in ri Dios ri niya'on ronojel utzil. Richin chi xtujoyowaj qawech y xtuya-pe ri rutzil pa qawi'. Y toq k'o jun xtiqak'uluwachij, kan jari' k'o-pe qik'in richin yojruto'.

Filipenses 4:6

Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Ez 20:31

Toq ye'isuj-apo ri ik'ajol richin yeporox richin jun kamelabel, rix kan yixok man ix ch'ajch'oj ta roma niya' kiq'ij ri wachibel, k'ari' niwajo' yinik'ulubej toq xa man utz ta ri ye'ibanala'. Roma ri' yin kan ninya' nutzij richin chi man xtink'uluba' ta pe ri ich'abel.

Wuj Richin Bix Chire ri Dios 102:17

Xtawak'axaj ri ruch'owen ri asamajel. Kan xtawak'axaj k'a ri kich'abel ri kan man jun nito'on kichin.

Wuj Richin Bix Chire ri Dios 10:17

Ri kirayibel ri kiqasan-ki' chawech, kan jantape' nawak'axaj; kan naya' ruchuq'a' ri kánima y ye'ato'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Ez 36:36

K'ari' ri juba' winaqi' ri xkek'oje' kan chi'inaqaj xtiketamaj chi ja yin Jehová ri xipaban chik q'anej ri wulatejineq kan y xintik chik qa ri ulew ri malin kan. Yin Jehová ri yibin.

Ez 36:38

ri e ch'aron richin ri nimaq'ij pa Jerusalem richin ninatex toq xenkol-pe chiri' pan Egipto. Keri' ri tinamit ri e wulatejineq kan ojer kan xkenoj chik chi winaqi'. Y k'ari' k'a xtiketamaj chi ja yin Jehová, xcha'.

Dn 2:18

richin nikik'utuj utzil chire ri Dios ri niq'aton-tzij ri chila' chikaj, chi xtujoyowaj ta kiwech y nuq'alajirisaj ta ri jun achik' ri' richin keri' man yekamisex ta rije', junan kik'in ri ch'aqa' chik pixabanela'.

Deut 30:5

Xkixrumol chik k'a chupan ri ruwach'ulew ri akuchi xek'oje-wi ri qati't-qamama', richin keri', rix chuqa' xtiwichinaj ri ruwach'ulew ri' y kan utz xkixk'oje' y kan xkixwinaqir más chikiwech ri qati't-qamama'.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

Wuj Richin ri Miqueas 2:12

Ri Jehová xubij: Xkenmol chik konojel ri winaqi' israelita; xkenmol k'a ri xek'oje' kan chire ri rijatzul kan ri Jacob. Xkenya' akuchi man jun xtinaqo kichin, achi'el nuben ri yuq'unel kik'in ri karne'l pa ki-coral. Chupan ri ruwach'ulew ri' xkek'oje' pa ruk'iyal winaqi', achi'el jun soq'olbel nojineq rik'in karne'l, xcha' ri Dios.