Ez 36:35 - Kaqchiquel Bible

³⁵ Y xtibitej k'a: Re ruwach'ulew re tolan-tolan rubanon kan, re wakami kan xok k'a achi'el ri qejoj ri kan nik'ases rupan. Ri tinamit ri e wulatejineq y e maneq winaqi' chupan ri rubanon kan, re wakami ek'o chik jay, sutin chik kij chi tz'aq y ek'o chik winaqi' chuqa'.

Ez 36:35 ပူးပေါင်းရင်းမြစ်များ

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Joel 2:3

Rije' nikik'is ronojel ri k'o chikiwech, achi'el nuben ri q'aq' nuk'is ronojel ri q'ayis. Pa nabey, ri tiko'n kan achi'el ri qejoj ri kan nik'ases, jak'a chirij re' xa xok kan jun tz'iran ruwach'ulew, y kan man jun xtikolotej kan.

Wuj Richin ri Jeremías 33:9

Kan jantape' k'a xkikikot kik'in re tinamit re'. Kan xtik'oje' k'a nim nuq'ij-nuk'ojlen chikiwech konojel tzobaj winaqi' richin re ruwach'ulew roma xtikak'axaj ronojel utzil ri xtinben kik'in ri nuwinaq. Y ri ch'aqa' chik winaqi' richin ri ruwach'ulew xtikimey y xtik'is ri kuchuq'a' roma ronojel ri utzil y ri uxlanen ri xtinya' chike ri nuwinaq.

Wuj Richin Bix Chire ri Dios 58:11

K'ari' xtikibij ri choj kik'aslen: Qitzij na wi kan k'o nuch'ek ri jun ri kan choj ruk'aslen; kan qitzij na wi chi k'o jun Dios ri niq'aton-tzij pa ruwi' ri ruwach'ulew, xkecha'.

Ez 37:13

Y toq xkixinwelesaj-pe ri chiri', k'ari' xtiwetamaj chi ja yin Jehová ri ink'o pa ruwi' ronojel.

Wuj Richin Bix Chire ri Dios 126:2

Kan xojtze'en k'a, y xojsik'in roma kikoten. Kan xqabixaj bix richin xojkikot. Jari' toq ri man nikitzeqelibej ta ri Dios xkibij; Ri Jehová kan xuben nima'q taq banobel kik'in re winaqi' re', xecha'.

Wuj Richin Bix Chire ri Dios 64:9

K'ari' xtik'oje' rukiy ri Dios chikiwech, kan xtikich'ob k'a rij ri rusamaj ri rubanon ri Dios, y k'ari' xtikitzijoj ronojel re banobel re'.

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Ez 31:9

Ja yin Jehová ri xibanon jebel ok chiwe, chuqa' ja yin ri xibanon chiwe chi janila xnimer ri iwajawaren. Ri ch'aqa' chik che' ri ek'o pa qejoj ri kan nik'ases kan nikajo' nikijunamaj-ki' iwik'in.

Ez 36:34

Ri ojer kan ri winaqi' xeq'ax y xkitz'et chi ri ruwach'ulew xok kan tz'iran. Jak'a re wakami, xa xtiwachin chik jun bey.

Wuj Richin ri Isaías 62:4

Man xtibix ta chik chire, jun tinamit ri xtole' kan. Ni chuqa' man xtikibij ta chik chi kan xk'is. Jak'a kan xtibix chire chi kan jebel ok, y kan achi'el rixjayil, roma ri Jehová kan xtujoyowaj ruwech, y ri ruwach'ulew kan xtok achi'el jun rixjayil.

Wuj Richin ri Jeremías 23:8

Xa kan xtikibij k'a: Utz ruwa-ruq'ij ri Jehová chi xerelesaj-pe ri qawinaq israelita chiri' chupan ri ruwach'ulew ri k'o pa xaman y ri pa taq ch'aqa' chik ruwach'ulew ri akuchi e rutalun-wi-el, xkecha'. Y keri' xkek'oje' jun bey chik chupan ri kiruwach'ulew, xcha' ri Dios.

Wuj Richin ri Jeremías 33:12

Yin Jehová ri k'iytisanel richin ronojel, ninbij: Chupan re ruwach'ulew re', man jun chik wineq ni chikop k'o. Jak'a ri q'ij ri' xtik'oje' chik kiway ri chikopi' ri akuchi ri yuq'unela' yetikir nikiyuq'uj chik ri taq kikarne'l.