Ez 36:29 - Kaqchiquel Bible

²⁹ Kan xkixinkol k'a chuwech banobel ri nibanon chiwe chi yixok man ch'ajch'oj ta. Y chuqa' xtinya' pa ruk'iyal ri jalajoj ruwech ixin chiwe richin man jun bey chik xtitej wayjal.

Ez 36:29 ပူးပေါင်းရင်းမြစ်များ

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Tito 2:14

Rija' kan man xupoqonaj ta xuya-ri' pa kamik pa qak'exel, richin chi xojrukol chuwech ronojel ruwech mak, y richin chuqa' xuch'ajch'ojirisaj ri qak'aslen. Keri' xuben qik'in roj ri xojok richin rija', richin nibe qánima chubanik ri utz.

Romanos 11:26

K'ari' toq ri nuwinaq judío kan xkekolotej chik, achi'el nubij ri ruch'abel ri Dios:*f44* Ri kolonel xtel-pe chiri' pa Sión, y xtrelesaj-el ri etzelal chikikojol ri e rijatzul kan ri Jacob.

Romanos 6:14

Ruk'amon chi ri mak kan man jun ta chik ruq'a' chiqe. Pa ruk'exel re' ja ta ri rutzil ri Dios nitz'eton ri niqaben, y man ja ta ri pixa'.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Wuj Richin ri Miqueas 7:19

Tabana' utzil tajoyowaj chik k'a qawech, y tamestaj ronojel ri qamak. Ronojel ri itzel taq qabanobal tak'aqa-el chupan ri palou.

Os 14:8

Ri tinamit Israel kan xtubij chik k'a: Wakami xa kan man yek'atzin ta chik chuwe ronojel ri wachibel, xticha'. Yin Jehová kan xkenwak'axaj k'a y xtinchajij chik ri nutinamit. Yin kan xkinok k'a chike rije' achi'el jun che' chej ri kan rex-rex rubanon, ri nutinamit kan jantape' k'a xtikil ri kiway wik'in yin, nicha' ri Jehová.

Os 14:4

Ri Dios nubij k'a: Yin kan xtinkuy k'a ronojel ri kimak ri aj-Israel. Kan xkenwajo' chik k'a, stape' man ruk'amon ta roma ri itzel kibanobal. Roma xa kan xk'is yan qa ri woyowal pa kiwi'.

Os 14:2

Titzolej-pe ak'u'x y kach'on rik'in, tak'utuj utzil chire y kere' k'a tabij: Tabana' utzil Jehová takuyu' ronojel ri qamak. Tak'ulu' k'a chi utzil ri bix ri niqasuj chawe.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Wuj Richin ri Jeremías 33:8

Kan xkench'ajch'ojirisaj rik'in ronojel kimak ri xkiben chinuwech; kan xtinkuy k'a ri kimak ri xkiben roma ri kiyakatajinenri'il chuwij.

Wuj Richin Bix Chire ri Dios 105:6

Tibana' keri' rix ri ix rijatzul kan ri Abraham ri rusamajel, rix ri ix ralk'ual kan ri Jacob, y kan ix rucha'on.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Ez 37:23

Y chuqa' man xke'ok ta chik man ch'ajch'oj ta richin nikiya' kiq'ij wachibel ri kan yenwixowaj yin, ni man xkeyakatej ta chik chuwij. Yin kan xkenkol k'a pe ri akuchi ek'o-wi y xtinch'ajch'ojirisaj ri kimak. Y keri' rije' xke'ok nutinamit y yin xkinok ki-Dios.

Wuj Richin ri Zacarías 13:2

Xtinwelesaj ri wachibel ri ek'o chiri', y kan man jun bey chik xkenatex. Chuqa' xkenwelesaj-el ri nikiq'alajirisaj ri kich'abel ri wachibel ri', y keri' chuqa' xkenwelesaj-el ri itzel taq espíritu.

Wuj Richin ri Isaías 65:23

Man xkesamej ta chaq keri'. Chuqa' ri ak'uala' ri xke'alex, man xtipe ta ruk'ayewal pa kiwi', roma rije' y ri e kijatzul kan nuya'on urtisanik pa kiwi'.

Joel 2:19

Y xtubij k'a: Xtinya' k'a pe i-trigo, i-vino y ri aceite. Rik'in re' jebel xkixwa' y xkixbeyomer. Kan man jun bey chik xtinya' q'ij richin ri ch'aqa' chik winaqi' richin ri ruwach'ulew xkixkiyojobej ta.