Ez 36:28 - Kaqchiquel Bible

²⁸ Kan xkixk'ase' k'a chupan ri ruwach'ulew ri xinya' chike ri ite-itata' y rix kan xkixok k'a nutinamit y yin xkinok k'a i-Dios.

Ez 36:28 ပူးပေါင်းရင်းမြစ်များ

Ez 37:27

richin kan xkik'ase' k'a chikikojol. Yin xkinok k'a ki-Dios y rije' xke'ok nutinamit.

Wuj Richin ri Jeremías 32:38

Rije' xke'ok nutinamit y yin xkinok ki-Dios.

Wuj Richin ri Jeremías 31:33

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri' y kan xtinben richin xtibek'oje' ri nupixa' pa taq kánima. Chupan ri q'ij ri' yin xkinok ki-Dios y rije' xke'ok nutinamit.

Ez 37:23

Y chuqa' man xke'ok ta chik man ch'ajch'oj ta richin nikiya' kiq'ij wachibel ri kan yenwixowaj yin, ni man xkeyakatej ta chik chuwij. Yin kan xkenkol k'a pe ri akuchi ek'o-wi y xtinch'ajch'ojirisaj ri kimak. Y keri' rije' xke'ok nutinamit y yin xkinok ki-Dios.

Ez 11:20

Kere' xtinben chiwe richin chi yixtikir nitzeqelibej ri ruchojmilal y ri nupixa'. Rix kan xkixok chik k'a nutinamit y yin xkinok chik i-Dios.

Apocalipsis 21:7

Ri xtich'akon xtrichinaj re urtisanik re'. Ja yin k'a xkinok ru-Dios, y rija' walk'ual.

San Mateo 22:32

Roma nubij: Jak'a yin ri in Dios ri xkiya' ruq'ij ri Abraham, ri Isaac y ri Jacob, nicha'. Y kan qetaman chuqa' chi ri Dios xaxe ki-Dios ri k'o kik'aslen, y xa man kichin ta ri kaminaqi', xcha' ri Jesús.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 14:11

Richin keri' ri awinaq israelita kan man xtikich'er ta kan ki' wik'in y xke'ok e ch'ajch'oj. Y keri' rije' kan xke'ok chik nutinamit y yin xkinok chik ki-Dios, xcha'.

Wuj Richin ri Nimalej Bix 6:3

Yin kan irichin rija', y rija' kan wichin yin, rokik yerumol kotz'i'j lirio.

Apocalipsis 21:3

Jari' k'a toq xinwak'axaj chi k'o jun ri kan rik'in uchuq'a' nich'on-pe akuchi k'o-wi ri tz'uyubel ri chila' chikaj y nubij: Wakami ri Dios kan chikikojol ri winaqi' k'o-wi, kan xtik'ase' chikikojol jantape' y rije' xke'ok rutinamit y rija' xtok ki-Dios.

Hebreos 11:16

Jak'a koyoben jun ruwach'ulew ri más utz, ri' ja ri chila' chikaj, y roma ri' ri Dios man nik'ix ta nubij chi ja rija' ri ki-Dios; y kan runaban chik ri kitinamit.

Hebreos 8:10

Roma kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Yin xkinok ki-Dios y rije' xke'ok nutinamit.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Wuj Richin ri Zacarías 13:9

Y ri xkek'ase' kan, xkenq'axaj pa q'aq', achi'el toq niya'erisex ri saqipueq. Xkentejtobej k'a achi'el nitejtobex ri q'anapueq. K'ari' rije' xtikik'utuj to'onik chuwe, y yin kan xkenwak'axaj. Y chupan ri q'ij ri', xtinbij chike: Nutinamit yin, y rije' xtikibij chuwe: Qa-Dios roj.

Os 1:10

K'o k'a jun q'ij ri israelita xkebek'iyer janila, kan xtibekibana' k'a achi'el ri sanayi' ri k'o chuchi' ri palou ri kan man jun nitikir netan ni najlan richin. Pa ruk'exel xtinbij chike chi man e nutinamit ta chik, kan xtinbenbij k'a chike: Rix kan ix walk'ual yin ri in k'aslik Dios, xkicha' chike.

Ez 39:28

K'ari' k'a xtiketamaj chi ja yin Jehová ri ki-Dios, stape' yin xenteq-el pa taq ch'aqa' chik ruwach'ulew. Jak'a chupan ri q'ij ri' xkenk'en chik pe y kan man jun xtinya' kan ri juk'an chik ruwach'ulew.

Ez 36:10

Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 28:25

Roma toq xtapon ri q'ij chi yin xkenmol ri nuwinaq israelita ri e talutajineq pa taq ch'aqa' chik ruwach'ulew; jari' toq xtiq'alajin chikiwech ri ch'aqa' chik ruwach'ulew chi kan in ch'ajch'oj-wi. Y roma ri' ri nuwinaq israelita kan xkebek'oje' k'a pa ruwach'ulew, ri xinya' chire ri nusamajel Jacob.

Ez 34:30

K'ari' k'a xtiketamaj chi ja yin Jehová ri ki-Dios y chi rije' e nutinamit yin. Chuqa' kan jantape' xkik'oje' kik'in. Yin Jehová ri yibin.

Wuj Richin ri Zacarías 8:8

Y xkenk'en-pe, y kan xkek'oje' k'a pa Jerusalem. Xke'ok chik k'a nutinamit, y yin xkinok ki-Dios. Y kan xtinben pa ruchojmilal kik'in, y man xkenmalij ta kan. Yin Jehová ri yibin.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Wuj Richin ri Jeremías 31:1

Chupan ri q'ij ri' ja yin ri xkinok Dios kichin konojel tzobaj winaqi' israelita y rije' xke'ok nutinamit yin.