Ez 36:26 - Kaqchiquel Bible

²⁶ Kan xtinwelesaj-el ri kow iwánima ri achi'el abej rubanon y xtinya' jun iwánima ri kan k'es, richin nimey-tzij. Kan keri' k'a xtinya' jun k'ak'a' iwánima ri más ch'uch'uj.

Ez 36:26 ပူးပေါင်းရင်းမြစ်များ

Wuj Richin Bix Chire ri Dios 51:10

Nu-Dios yin, tabana' chi ri wánima kan ta ch'ajch'oj. Taya' ri rayibel wik'in, richin man yatinmalij ta kan.

2 Corintios 5:17

Kan xabachike k'a wineq ri rukuquban chik ruk'u'x rik'in ri Cristo, kan xok yan jun k'ak'a' wineq. Ronojel ri richin ojer xa xekanej yan kan, y wakami ronojel chik k'ak'a'.

Deut 30:6

Ri Jehová ri qa-Dios xtuya' ri retal ri rujikibel-tzij pa taq iwánima y keri' chuqa' xtuben rik'in ri kánima ri iwijatzul, richin kan xtiwajo' rija' rik'in ronojel iwánima y chijun ik'aslen, richin keri' kan xkixk'ase'.

2 Corintios 3:3

Ri qawuj roj ri nibin chi kan qojk'ul, kan ja wi rix, y ja ri Cristo ri banayon-pe rik'in ri Loq'olej Espíritu richin ri k'aslik Dios. Jak'a man rik'in ta tz'ibabel banon-wi, ni man chuwech ta chuqa' tz'alem taq abej; xa kan chuwech k'a ri iwánima.

Efesios 2:10

Ja ri Dios xbanon qichin roj, y xuben chiqe chi junan qawech rik'in ri Cristo, richin niqaben banobel ri kan e utz, roma jari' ri runaban-pe chiqe ojer yan ri' richin niqaben.

Wuj Richin ri Jeremías 32:39

Xtinben k'a chike richin xtinjel ri kánima y ri kich'obonik richin nikiya' nuq'ij richin jantape' y keri' xkek'ase' k'a el chi utzil; rije' y ri kalk'ual chik rije'.

Apocalipsis 21:5

K'ari' ri jun ri tz'uyul pa tz'uyubel richin q'atbel-tzij xubij chuwe: Yin kan ronojel k'ak'a' ri yenben. Kan ke'atz'ibaj k'a re ch'abel re', roma kan qitzij y utz chi nakuquba' ak'u'x rik'in.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

Gálatas 6:15

Y roj ri jun qabanon rik'in ri Cristo Jesús, man jun k'a nuben wi oj qupin richin jun retal o man oj qupin ta. Ri nik'atzin y kan k'o-wi rejqalen, jak'a ri k'ak'a' qak'aslen.

Wuj Richin ri Zacarías 7:12

Xa xikowirisaj ri iwánima richin man xiya' ta iwak'axabal chire ri pixa', ni chuqa' chire ri nuch'abel ri xinteq-pe ri ojer kan koma ri e q'alajirisey nuch'abel. Y roma ri' yin xyakatej janila woyowal.

San Mateo 13:5

Juba' chik k'a chire ri ija'tz kojol abej xqaqa-wi, y chiri' xa man k'iy ta ulew k'o. Y kan chi'anin k'a xe'el-pe.

Wuj Richin ri Jeremías 24:7

Xtinya' k'a kina'oj richin chi xtiketamaj nuwech yin Jehová. Rije' xke'ok nutinamit y yin xkinok ki-Dios, roma kan xketzolin k'a pe wik'in rik'in ronojel kánima.

Ez 18:31

Kan tijech'ej k'a iwi' chire ronojel etzelal ri ibanon chinuwech yin, kan rik'in k'a ronojel iwánima tijala' ri ik'aslen. ¿Achike ta k'a roma niwajo' yixken rix ri ix rijatzul kan ri Israel?

1 Sam 10:9

Ri Saúl kan xaxe toq xujech kan ri' rik'in ri Samuel, jari' toq ri Dios xujel ri ránima y chupan k'a ri q'ij ri' xbanatej rik'in rija' ronojel ri nima'q taq banobel richin retal ri bin-pe chire.

Ez 39:29

Kan man jun bey chik k'a xkenmalij kan, roma xtinya' k'a ri loq'olej nu-Espíritu pa kiwi' richin nik'oje' kik'in. Yin Jehová ri ink'o pa ruwi' ronojel ri yibin, xcha'.

San Lucas 5:38

Jak'a chupan jun k'ak'a' k'ojelibel, utz niyake' k'ak'a' vino, keri' ri vino kan niyake' jebel chupan.