Ez 36:24 - Kaqchiquel Bible

²⁴ Yin kan xkixinwelesaj k'a pe chikikojol ri tzobaj taq winaqi' ri e richin ri ch'aqa' chik ruwach'ulew y kan xkixinmol k'a y xkixink'uaj chik pan iruwach'ulew.

Ez 36:24 ပူးပေါင်းရင်းမြစ်များ

Ez 37:21

y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 11:17

Jak'a ri ek'o pa ximonri'il ninbij chike: Yin xtinben chiwe richin xkixel-pe pa taq ruwach'ulew ri akuchi ixintalun-wi-el y kan xkixinmol chik. Y k'ari' xtinya' chik chiwe ri iruwach'ulew Israel.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 31:8

Yin kan xkenk'en k'a pe kere' pa xaman chire ri ruwach'ulew y kan xkenmol k'a pe konojel, stape' k'a pa ruk'ulba't ri ruwach'ulew ek'o-wi. Y xkepe k'a konojel, chuqa' ri moyi', ri e jetz', ri ixoqi' ri koyoben taq kal y ri xek'oje' yan taq kal; kan janila k'a e k'iy ri xketzolin-pe.

Ez 20:42

Rix kan xtiwetamaj k'a in achike yin Jehová, ri rubanik ri nuna'oj, toq kan xkixink'en-pe chupan re ruwach'ulew richin Israel, ri ruwach'ulew ri kan nubin chi kan ninya-wi chike ri iwati't-imama'.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Ez 37:12

Roma ri' pa nubi' k'a yin kach'on kik'in y tabij re jun rutzijol re' chike: Yin xtinben chiwe chi xkixinwelesaj-pe akuchi ix muqun-wi y xtinben chiwe richin xkixtzolej chik pan iruwach'ulew.