Ez 36:2 - Kaqchiquel Bible

² Y jare' k'a ri rutzijol ri xuya': Ri e etzelanel qichin kan nikina-qa-ki' chi kan ja rije' e rajaw ri ruwach'ulew y ri ruwi' taq juyu'.

Ez 36:2 ပူးပေါင်းရင်းမြစ်များ

Deut 32:13

Rija' xixruto' richin xe'ich'ek ri winaqi' ri ek'o chuwech ri taq'aj, y xixwa' jebel chuwech ri ulew ri ek'o chiri'. Chuqa' xe'itz'ub ri kab ri nikiya' ri taq chikopi' ri chuwa taq abej, y kojol wajweq taq abej xek'iy-pe che' olivo.

Ez 35:10

Rix kan xich'ob k'a chi ri ruwach'ulew Israel y ri ruwach'ulew Judá, xke'ok iwichin ri chi e ka'i' ajawaren ri'. Y stape' yin kan ink'o ri chiri', kan man xiya' ta wejqalen.

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Wuj Richin ri Habacuc 3:19

Ri Jehová ri wajaw nuya' wuchuq'a'. Rija' kan nuben k'a chire ri waqen chi kan achi'el kaqen ri masat ri man yekos ta. Y rija' kan yiruto' richin yipa'e' pa kiwi' ri juyu'.

Ez 26:2

Rat Ezequiel, ninbij k'a chawe chi ri winaqi' aj-Tiro xa xetze'en k'a chirij ri Jerusalem. Kan xesik'in k'a y xkibij chi xetzaq ri ruchi' ri Jerusalem y wuluwik rubanon. Y roma ri' wakami nikich'ob chi xkebeyomer-q'anej rije'.

Wuj Richin ri Jeremías 49:1

Ri Jehová xuya' k'a re rutzijol re' chuwe pa kiwi' ri aj-Amón y xubij: Janila e k'iy ri e rijatzul kan ri Israel ri ek'o pa ruwach'ulew Gad. ¿Achike roma wakami rix ri itzeqeliben ri dios Milcom xixok chupan ri kiruwach'ulew rije' y kan ixk'o chupan ri kitinamit?

Wuj Richin ri Isaías 58:14

Wi keri' xtiben, kan xtiwil kikoten wik'in yin, y kan xtinben chiwe richin chi'anin xkixbe pa jotol chupan ri iruwach'ulew, y rix kan xkixkikot chupan ri iruwach'ulew ri xiwichinaj kan, ri ix rijatzul kan ri Jacob. Yin Jehová ri yibin, xcha'.

Wuj Richin Bix Chire ri Dios 78:69

Chiri' k'a xupaba' chik q'anej ri rachoch, achi'el ri k'o chila' chikaj; kan xujikiba' k'a richin q'asen, achi'el jikil ri ruwach'ulew.

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.

Ez 35:12

K'ari' k'a xtiwetamaj rix aj-Edom chi yin Jehová xinwak'axaj chi xixch'on itzel chikij rije', roma xich'ob chi ri kiruwach'ulew rije' jachon chik chiwe richin niwichinaj.

Ez 36:1

Rat Ezequiel, taya' re jun rutzijol re' pa ruwi' ri juyu' richin ri ruwach'ulew Israel.

Wuj Richin ri Abdías 1:13

Man ruk'amon ta richin xixeleq'an chupan ri kachoch chupan ri q'ij richin ri ruk'ayewal. Man ruk'amon ta chi xe'iwetzelaj chupan ri q'ij toq xech'akatej. Man ruk'amon ta chi xik'en-pe ri k'o rejqalen chuwi-kiq'a' chupan ri q'ij richin ri kitzaqik.

Wuj Richin Bix Chire ri Dios 83:13

Qa-Dios roj, tabana' chike rije' chi xketalutej-el, achi'el nuben ri surkum chire ri ruxaq taq che'. achi'el ri solot ri xa nuk'uaj-el ri kaq'iq'.