Ez 36:19 - Kaqchiquel Bible

¹⁹ Y richin xinya' rutojbalil-mak pa kiwi', xentaluj chikiwech tzobaj taq winaqi' richin ch'aqa' chik ruwach'ulew. Y keri' xinq'et-tzij pa kiwi' achi'el ri kibanobal.

Ez 36:19 ပူးပေါင်းရင်းမြစ်များ

Ez 39:24

Yin xinya' k'a pa kiwi' ri israelita ri rutojbalil ri kimak achi'el ri ruk'amon richin nikik'ul, roma xe'ok man e ch'ajch'oj ta y xeyakatej chuwij. Roma ri' yin xenmalij k'a kan.

Deut 28:64

Y ri Jehová kan xkixrutaluj-el pa taq tinamit chuwech chijun ruwach'ulew, y yixapon k'a pa taq ruk'isibel chire ri ruwach'ulew; y chiri' rix xa xtiya' kiq'ij ri ch'aqa' chik dios ri e banon rik'in che' y abej ri man jun bey xiwetamaj ta kiwech y ni ta ri qati't-qamama' man xketamaj ta kiwech.

Romanos 2:6

Roma rija' kan achi'el ri qabanobal chiqajujunal,*f2* kan keri' ri rutojbalil ri xtuya' chiqe.

Am 9:9

Yin kan xtinben chiwe rix israelita achi'el xa ta xkixinchayuj kan, achi'el toq nichayux ri trigo. Rix ri yixtzeqeliben wichin kan xkixtalutej k'a el pa taq ruwach'ulew. Jak'a ri man xkinkitzeqelibej ta xa xke'ok achi'el q'ayis ri nichayutej kan.

Ez 22:15

Kan xkixintaluj k'a el pa taq ruwach'ulew y kan xkixkiratej k'a el chikikojol ri winaqi' richin chijun ruwach'ulew. Y chirij ri' xtinben chi xtik'is ri itzel taq ibanobal.

Ez 18:30

Roma ri' yin kan ninq'et-tzij pan iwi' chi'ijujunal rix ri aj-Israel achi'el ri rubanik ri ibanobal. Yin Jehová ri ink'o pa ruwi' ronojel ninjikiba' nutzij. Titzolej k'a pe ik'u'x y tiya' k'a kan ri rubanik ri itzel taq banobel, richin keri' man xtiqaqa ta rutojbalil ri imak pan iwi'.

Ez 5:12

Jun chire ri oxi' tzobaj chiwe rix xkeken roma yabil y roma wayjal. Y ri jun chik tzobaj xkekamisex chi espada y ri jun ruk'isibel tzobaj ri k'a xkek'oje' na kan, kan xkentaluj k'a el chuwech ri ruwach'ulew. Y rik'in ri espada ri eleneq pa ruk'ojelibal xkenwoqotaj-el.

Ez 22:31

Roma ri' kan xtinwelesaj k'a woyowal chikij y kan xkenk'is roma ri ruq'aq'arinen ri woyowal, richin keri' niqaqa pa kiwi' rije' ri kimak. Yin Jehová ri yibin, xcha'.

Ez 7:8

Kan ja yan re wakami xtinwelesaj woyowal chiwij. Kan k'a xkitane' na chire ri q'atoj-tzij pan iwi', k'ari' xtich'uch'u' ri wánima chiwij. Kan xtinben k'a keri' chiwe, roma ri itzel taq banobel ri ye'iben, kan man niqa' ta chinuwech y kan man utz ta nintz'et yin.

Ez 7:3

Kan xtinwelesaj k'a woyowal chiwij y kan xtinch'ojij k'a chiwe ronojel ri itzel taq ibanobal, roma kan man niqa' ta chinuwech yin.

Wuj Richin ri Chojmirisabelri'il 26:38

Xkek'is k'a chikikojol ri winaqi' ri e richin ch'aqa' chik ruwach'ulew. Kan xkek'is k'a chupan ri kiruwach'ulew ri e etzelanel kichin.

Ez 24:14

Ja yin Jehová ri yibin y kan xtinbenbana' ri xinbij. Kan xapon yan ri q'ij richin ninben. Kan man jun k'a xtinjoyowaj ruwech y man xtintzolij ta wi' chuwij roma ri itzel rubanobal. Yin xtinbenya' ri rutojbalil-mak pa ruwi', yin Jehová ri yibin, xcha'.

Ez 39:23

Y ri winaqi' e richin ch'aqa' chik ruwach'ulew xtiketamaj chi ri israelita xe'uk'uex-el pa kiruwach'ulew roma ri kimak y roma man xkijech ta ki' pa nuq'a'. Chuqa' xtiketamaj chi roma ri' yin xkenmalij kan y xinya' q'ij chike ri e etzelanel kichin richin xekich'ek y xekikamisaj kan konojel pa labal.

Wuj Richin ri Miqueas 2:10

Kixyakatej k'a y tichapa' bey roma rix man xtiwil ta chik uxlanibel-k'u'x chuwech re ruwach'ulew. Iwoma rix re ruwach'ulew re' man ch'ajch'oj ta chik, y roma ri' xtiwulex kan.