Ez 36:12 - Kaqchiquel Bible

¹² Xtinben k'a chi ri nutinamit Israel xtok chik kichin re ruwach'ulew re', richin chi xkek'oje' kan chiri' y xtikichinaj kan. Y man jun bey chik xtinya' q'ij chi xkeken ta roma wayjal ri kalk'ual.

Ez 36:12 ပူးပေါင်းရင်းမြစ်များ

Wuj Richin ri Jeremías 15:7

Xkixintaluj k'a el achi'el nutaluj ri' ri páxa y xkixink'uaj-el chupan ri ch'aqa' chik ruwach'ulew. Kan iwonojel xkixk'is roma kan man xiwajo' ta xiya' kan ri itzel k'aslen.

Ez 47:14

Yin xinya' nutzij richin xinya' re ruwach'ulew re' chike ri iwati't-imama' y roma ri' kan xtich'er k'a junan chiwech richin xtiwichinaj.

Ez 36:13

Ri ch'aqa' chik winaqi' nikibij chi re ruwach'ulew re' man niwachin ta, y roma ri' ri k'ulan taq winaqi' yeken y man ye'alex ta chik ak'uala'. Y roma ri' yin Jehová ninbij chi

Wuj Richin ri Jeremías 32:44

Kan xkeloq' k'a ulew, xtiban kiwujil y xtiya'ox ketal chikiwech ri winaqi' ri xetz'iban kibi'. Re' xtibanatej chupan chijun ruwach'ulew Benjamín, chuqa' chunaqaj ri Jerusalem, pa taq tinamit richin Judá, ri keri' pa taq k'echelaj y pa taq tinamit ri ek'o pa taq'aj y ri ek'o pa xokon, roma kan xtinya' chik jun bey utzil pa kiwi' konojel. Yin Jehová ri yibin, xcha' chuwe.

Wuj Richin ri Jeremías 32:15

Roma rija' nubij chi k'o jun q'ij xkeloq' chik jay, qasanbel-ulew, y ulew ri akuchi e tikon-wi uva chuwech, xicha' chire.

Wuj Richin ri Q'axanri'il 13:32

Y rije' kan xkitaluj k'a rutzijol chikikojol ri winaqi' chirij ri xbekitz'eta' kan ri pa ruwach'ulew y xkibila' k'a chike: Ri ruwach'ulew ri xbeqanik'oj kan roj, jun ruwach'ulew ri akuchi xa kan xaxe qakamik xtibeqila'; y konojel ri winaqi' ri xeqatz'et kan chiri' kan janila nima'q kipalen.

Ez 22:12

Chuqa' jujun chiwe rix yixtoj richin niben jun kamik. Niya' méro pa qajik chike ri iwinaq y kan nik'utuj ral. Y jujun chiwe rix janila k'iy ral ri méro nik'utuj chike ri man e iwinaq ta. Janila k'iy nik'utuj chike ri iwachpochel toq rije' ek'o pa ruk'ayewal. Y pa ruwi' ronojel re' kan xinimestaj kan yin Jehová ri ink'o pa ruwi' ronojel.

Ez 22:27

Y ri e aj-raqen xa e achi'el utiwa' ri kan yekiwech' ri yekichop. Yekikamisaj k'a ri winaqi' richin chi ja rije' ri yebeyomer-q'anej.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Wuj Richin ri Isaías 65:9

Jak'a kan xtinben chi xkek'oje' kan rijatzul ri Jacob, y kan xtinben chi xkek'oje' kan winaqi' chiri' pa Judá, ri xkek'ase' chiri' pa taq nujuyu'. Ri xencha' kan yin, kan xtikichinaj kan ri ruwach'ulew ri', y ri nusamajela' kan chiri' xkek'oje-wi kan.