Ez 36:11 - Kaqchiquel Bible

¹¹ Chuqa' xtinben chi xkek'iyer chik q'anej ri winaqi' y ri chikopi', chuwech chijun ri ruwach'ulew achi'el rubanon ojer. Y kan xtinben k'a chi xtik'oje' más kibeyomel chuwech ri ojer kan. K'ari' xtiketamaj chi ja yin Jehová.

Ez 36:11 ပူးပေါင်းရင်းမြစ်များ

Wuj Richin ri Jeremías 33:12

Yin Jehová ri k'iytisanel richin ronojel, ninbij: Chupan re ruwach'ulew re', man jun chik wineq ni chikop k'o. Jak'a ri q'ij ri' xtik'oje' chik kiway ri chikopi' ri akuchi ri yuq'unela' yetikir nikiyuq'uj chik ri taq kikarne'l.

Wuj Richin ri Miqueas 7:14

Jehová, tabana' utzil ke'ayuq'uj ri awinaq rik'in ri awutzil. Tayuq'uj re tzobaj karne'l re' re kan e awichin rat. Roma xa kiyon-ok ek'o pa k'echelaj ri e sutin-rij rik'in qasanbel taq ulew. Tabana' utzil ke'ayuqej chik ri awinaq, achi'el xaben ri ojer kan, toq xe'ayuq'uj chupan ri soq'olbel richin ri Basán y ri Galaad.

Ez 37:13

Y toq xkixinwelesaj-pe ri chiri', k'ari' xtiwetamaj chi ja yin Jehová ri ink'o pa ruwi' ronojel.

Wuj Richin ri Jeremías 31:27

Chuqa' ri Jehová xubij: Xtapon k'a jun q'ij toq yin xtinchajij ri ruwach'ulew Israel, ri Judá, ri winaqi' y ri chikopi', achi'el nuben jun tikonel.

Os 2:20

Xkatok chik k'a wixjayil y kan utz xtinben awik'in. Keri' rat kan xtawetamaj chik nuwech yin Jehová.

Ez 16:55

Chupan ri q'ij ri', rat, ri Sodoma y ri Samaria kan jebel chik xtel chiwech ronojel achi'el rubanon-pe ojer.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Achin Job 42:12

Y ri Jehová kan más k'a xrurtisaj ri Job chupan ri ruk'isibel taq rujuna' chire ri ruk'aslen, kan más k'a k'iy ri beyomel ri xuya' chire ke chuwech ri pa nabey; kan xek'oje' e 14,000 rukarne'l, e 6,000 ru-camello, e 1,000 k'ulaj rubóyix y e 1,000 taq rubur.

Hebreos 11:40

Roma ri Dios ruch'obon chi nuya' ri utzil ri más utz, chupan re qaq'ijul roj. Y keri' junan xtiqak'ul ri utzil ri' kik'in rije' ri kan xkikuquba' kik'u'x rik'in ri Dios.

Am 9:15

Kan jebel xkixinya' chik chupan ri iruwach'ulew achi'el jun che' ri jebel tikil. Y man jun chik xtelesan-el iwichin, akuchi xkixinya-wi. Yin Jehová ri i-Dios ri yibin.

Ez 36:35

Y xtibitej k'a: Re ruwach'ulew re tolan-tolan rubanon kan, re wakami kan xok k'a achi'el ri qejoj ri kan nik'ases rupan. Ri tinamit ri e wulatejineq y e maneq winaqi' chupan ri rubanon kan, re wakami ek'o chik jay, sutin chik kij chi tz'aq y ek'o chik winaqi' chuqa'.

Wuj Richin ri Isaías 30:26

Y ri rusaqil ri ik' kan achi'el rusaqil ri q'ij, y ri rusaqil ri q'ij kan wuqu' mul más seq chuwech ri kan rubanon-pe. Ja q'ij ri' ri Jehová kan xtraq'omaj y xtupis ri isokotajik rix.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

Ez 35:9

Yin xtinben k'a chire ri iruwach'ulew richin xtitole' kan richin jantape' y kan man jun bey chik xkeyakatej-q'anej ri nima'q taq itinamit. K'ari' xtiwetamaj k'a chi ja yin Jehová.

Ez 37:6

Kan xtinya' k'a paten-iboch' chiwe y xtinben k'a chi xtik'oje' chik ich'akul y ri itz'umal. K'ari' xtinya' chik jun bey ik'aslen richin xkixk'ase'. K'ari' k'a xtiwetamaj chi ja yin Jehová, xcha'.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Wuj Richin ri Zacarías 10:8

Toq yin Jehová xkenwoyoj rik'in xubanik, rije' kan xtikimol-ki'. Toq xkenkol, kan janila k'a xkewinaqir achi'el kibanon-pe ojer.

Deut 30:5

Xkixrumol chik k'a chupan ri ruwach'ulew ri akuchi xek'oje-wi ri qati't-qamama', richin keri', rix chuqa' xtiwichinaj ri ruwach'ulew ri' y kan utz xkixk'oje' y kan xkixwinaqir más chikiwech ri qati't-qamama'.

Wuj Richin ri Jeremías 23:3

Stape' yin xkentaluj-el pa taq ch'aqa' chik ruwach'ulew, jak'a kan xtapon chik jun q'ij ri xtinmol chik kichi'. Xkentzolij k'a pe ri akuchi xeyuq'ux-wi pa nabey. Y wawe' xkek'iy-wi y kan xkek'iyer.

Wuj Richin ri Jeremías 23:4

Yin kan xtinya' k'a pa kiwi' rije', yuq'unela' ri xkechajin kichin, richin man jun bey chik k'a xtikixibij-ki' y man jun chik k'a ri xtisach-el chike. Yin Jehová ri yibin.

Os 2:1

Chupan k'a ri q'ij ri' xtibij k'a chike ri iwach'alal: Rutinamit ri Dios,*f3* y chike ri iwana' xtibij: Ri Kan Xjoyowex Kiwech,*f4* xcha' ri Jehová.

Am 9:11

Chupan ri q'ij ri' yin xtinyek chik q'anej jun bey ri rajawaren ri David, achi'el niyak-q'anej jun jay wulatejineq. achi'el toq ninojisex chik ruwech ri tz'aq; achi'el toq niyak chik q'anej ri wulatejineq kan. Y kan xtinben chik chire achi'el ri rubanon ojer kan.

Wuj Richin ri Zacarías 2:8

Ri Jehová k'iytisanel richin ronojel in rutaqon-pe richin ninbij chike ri tinamit ri xe'eleq' chupan ri tinamit Sión y xubij: Xabachike k'a xtinaqo ri tinamit Sión, kan achi'el xa ta chuwe yin nuben-wi.