Ez 36:10 - Kaqchiquel Bible

¹⁰ Ri winaqi' israelita xkepe richin nikipaba' chik q'anej ri wulatejineq kan richin ye'ok'ase' chiri'. Y keri' kan xtikinojisaj chik ri tinamit.

Ez 36:10 ပူးပေါင်းရင်းမြစ်များ

Ez 36:33

Jari' toq yin xkixinch'ajch'ojirisaj chire ronojel ri imak, kan xtinben k'a chiwe richin xkixk'oje' chik pa taq itinamit y xtipaba' chik q'anej ronojel ri e wulatejineq.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Wuj Richin ri Jeremías 33:12

Yin Jehová ri k'iytisanel richin ronojel, ninbij: Chupan re ruwach'ulew re', man jun chik wineq ni chikop k'o. Jak'a ri q'ij ri' xtik'oje' chik kiway ri chikopi' ri akuchi ri yuq'unela' yetikir nikiyuq'uj chik ri taq kikarne'l.

Wuj Richin ri Jeremías 30:19

Iwik'in k'a rix xtel-pe bix richin matioxinik y tze'en richin kikoten. Man xkixk'is ta qa roma yin kan xtinben chiwe richin yixk'iyer. Chuqa' yin xtinya' iq'ij y roma ri' kan man jun bey chik xtiqasex iq'ij.

Wuj Richin ri Isaías 27:6

Chiqawech-apo ri qawinaq israelita xkejike' chik qa jun bey, achi'el jun che' ri yeruya-qa jebel ri ruxe' pan ulew. Ri qawinaq achi'el xkebejotayin-pe y xkek'oje' kisi'j, y kan xtikinojisaj ruwech ri ruwach'ulew, y kan xtikiya' kiwech.

Am 9:14

Kan keri' k'a xtibanatej chi xkixinwelesaj-pe pa ximonri'il rix israelita. Xtipabex chik q'anej jun bey ri itinamit ri e wulatejineq kan, richin xkixk'oje' chik jun bey chiri'. Rix xtitik chik qa i-uva y xtiqum chik ri vino. Chuqa' xtitik qa jalajoj ruwech che' y kan ja rix xkixtijo.

Wuj Richin ri Isaías 61:4

Kan xkepabex chik ri tz'aq ri e banon rik'in abej; kan xtiyak chik el ri kan wulatejineq kan. Ri tinamit ri wuluwik kibanon, xa kan xkepabex chik.

Wuj Richin ri Isaías 58:12

Ri iwinaq xtikiyek chik el jun bey ri tinamit ri e wulatejineq kan. Xtiben-qa ri ruxe' ri kan e wulatejineq kan ojer. Y kan xtubini'aj: Tinamit ri Chojmirisey Richin ri Wulatejineq.

Wuj Richin ri Isaías 52:9

Kan xkixsik'in roma ch'akonik rix aj-Jerusalem, stape' ri tinamit wuluwik rubanon kan, roma ri Jehová kan xtujoyowaj ruwech; kan xtukol ri itinamit.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Wuj Richin ri Jeremías 31:24

Ri winaqi' xkek'oje' k'a pa taq kitinamit chupan ri ruwach'ulew Judá. Jujun chike rije' xtikiben-qa kitiko'n y jujun chik xke'ok yuq'unela' kichin tzobaj taq awej.

Ez 37:11

K'ari' ri Jehová xubij chuwe: Ri tinamit Israel xa achi'el k'a re baq re', roma rije' nikibila' chi ri kibaqil xa e chaqi'j chik, xa kan man jun chik oyobenri'il ri k'o kik'in y xa konojel rije' yek'is yan.

Ez 37:21

y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.

Ez 37:22

Chuqa' xtinben k'a chike chi xa jun ajawaren xtikiben y chi xkek'ase' junan chijun ri ruwach'ulew y ri pa taq juyu'. Xaxe k'a jun ki-rey ri xtik'oje' y man xtikich'er ta chik ki' pa taq ka'i' tzobaj, ni man jun bey chik xtikich'er ri kajawaren.

Ez 37:26

Kan xtinben k'a kik'in rije' jun tununri'il richin uxlanibel-k'u'x richin jantape'. Chuqa' xtinben k'a chi xkejike' richin q'asen y xkewinaqir. Ri wachoch kan xtik'oje' k'a chikikojol rije',

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.