Ez 36:1 - Kaqchiquel Bible

¹ Rat Ezequiel, taya' re jun rutzijol re' pa ruwi' ri juyu' richin ri ruwach'ulew Israel.

Ez 36:1 ပူးပေါင်းရင်းမြစ်များ

Ez 37:22

Chuqa' xtinben k'a chike chi xa jun ajawaren xtikiben y chi xkek'ase' junan chijun ri ruwach'ulew y ri pa taq juyu'. Xaxe k'a jun ki-rey ri xtik'oje' y man xtikich'er ta chik ki' pa taq ka'i' tzobaj, ni man jun bey chik xtikich'er ri kajawaren.

Ez 37:4

K'ari' ri Jehová xubij chuwe: Kach'on kik'in re baq re' y taya' re jun rutzijol re' chike: Rix ri ix chaqi'j taq baq, tiwak'axaj ri nuch'abel yin Jehová.

Ez 36:8

Jak'a ri juyu' richin ri ruwach'ulew Israel kan xkenoj chi che' ri yewachin. Y ri winaqi' israelita kan xtikitej ri ruwech toq xketzolin-pe pa ximonri'il.

Ez 36:4

Roma ri' tak'axatej k'a ri nuch'abel pa ruwi' taq juyu', ri kokoj taq juyu', ri siwan, ri taq'aj kojol taq juyu', ri akuchi e wulatejineq kan y ri tinamit ri xe'ok kan tz'iran, chiri' ri akuchi xe'uk'uex-el ronojel ri ek'o chupan. Re ruwach'ulew re' xa kan xyojobex y roma ri' yin Jehová ninya' k'a nutzij chi

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 20:47

Taya' rutzijol chi yin xtinteq-pe q'aq' ri kan xkeruk'is ronojel che'; rex o chaqi'j. Re q'aq' re' kan man xtichup ta k'a, jak'a kan xkek'at chuqa' konojel ri winaqi' ri ek'o chiri', nitiker-el rik'in jun ruk'ulba't y napon k'a rik'in chik ri jun.

Wuj Richin ri Jeremías 22:29

Iwonojel rix aj-Judá, kan tiwak'axaj k'a chi utzil ri nuch'abel, yin Jehová.

Ez 35:15

Achi'el xixkikot rix chikij ri nuwinaq israelita toq xwulatej ronojel kichin rije', keri' chuqa' xtinben chiwe rix chi xtitole' kan ri juyu' richin Seir y chijun chuqa' ri ruwach'ulew Edom. K'ari' xtiketamaj konojel winaqi' chi ja yin Jehová, xcha'.

Ez 36:2

Y jare' k'a ri rutzijol ri xuya': Ri e etzelanel qichin kan nikina-qa-ki' chi kan ja rije' e rajaw ri ruwach'ulew y ri ruwi' taq juyu'.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.