Ez 35:7 - Kaqchiquel Bible

⁷ Kan xtinwulaj k'a ri iruwach'ulew y xtinben k'a tz'iran chire. Y man xtinya' ta q'ij chi ek'o ta chik winaqi' xkeq'ax chiri'.

Ez 35:7 ပူးပေါင်းရင်းမြစ်များ

Ez 35:3

Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

Ez 29:11

Kan man jun xtiq'ax chiri', ni ta wineq, ni ta ri chikopi'. Xa kan kawineq k'a juna' xtuben keri'.

Ez 35:9

Yin xtinben k'a chire ri iruwach'ulew richin xtitole' kan richin jantape' y kan man jun bey chik xkeyakatej-q'anej ri nima'q taq itinamit. K'ari' xtiwetamaj k'a chi ja yin Jehová.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Wuj Richin ri Jeremías 49:17

Ri wululen ri xtipe chirij ri iruwach'ulew Edom kan janila nim y roma ri' konojel k'a winaqi' ri xkeq'ax-el chiri' kan xtikik'en rukiy toq xtikitz'et ri rutojbalil ri qajineq pan iwi'. Y xketze'en chiwij.

Ez 35:6

Jak'a yin Jehová, kan ninya' nutzij chi kan xkixinjech pa ruq'a' ri kamik y ri kamik kan xkixrutzeqelibej. Roma rix kan xe'iwetzelaj ri iwach'alal, ri kamik kan xkixrutzeqelibej.

Ez 35:8

Xke'ilitej k'a kaminaqi' xabakuchi, roma xtintaluj ri ich'akul pa ruwi' juyu', kojol taq juyu' y pa taq siwan.

Wuj Richin ri Malaquías 1:3

Man xincha' ta ri Esaú, roma ri' xinben chire ri rulew chi man xwachin ta chik; y ri rujuyu' xok tz'iran ruwach'ulew richin xok kan kichin ri k'uxunela' taq chikopi'.