Ez 35:2 - Kaqchiquel Bible

² Rat Ezequiel, katzu'un kela' pa ruwach'ulew Seir,*f12* y tabij chike ri achike ri xtiqaqa pa kiwi'.

Ez 35:2 ပူးပေါင်းရင်းမြစ်များ

Ez 25:8

Ri Jehová xubij: Ri ruwach'ulew Moab y chuqa' ri tinamit Seir nikibij chi ri ruwach'ulew Judá junan rubanik kik'in ri ch'aqa' chik ruwach'ulew.

Ez 6:2

Rat Ezequiel, ke'atzu' la nima'q taq juyu' ri ek'o pa ruwach'ulew Israel y kere' tabij pa kiwi':

Wuj Richin ri Rutikeribel 32:3

Y ri Jacob jari' toq xuben chi yeruteq k'a el uk'uey rutzijol pa Seir, ri k'o pa ruwach'ulew Edom richin tibekiya' rutzijol chire ri Esaú.

Efesios 6:19

Kixch'on rik'in ri Dios pa nuwi' yin, richin k'o ta utzilej taq ch'abel richin kolotajik ninbij, y man ta ninxibij-wi' toq nintzijoj.

Wuj Richin ri Abdías 1:1

Yin Abdías xink'ul k'a jun rutzijol rik'in ri Jehová Dios pa ruwi' ri ruwach'ulew Edom. Kere' nubij: Xak'axatej jun rutzijol richin ri Dios; jun uk'uey rutzijol xtaq-el kik'in ri ajawaren, y nubij: Qojyakatej chikij ri aj-Edom richin niqaben labal kik'in, nicha'.

Ez 32:29

Chiri' chuqa' ek'o-wi ri aj-labal aj-Edom, junan kik'in ri e ru-rey y ri e ruq'atoy taq tzij. Stape' xk'oje' janila kuchuq'a', jak'a re wakami xa ek'o chikikojol ri winaqi' ri man xk'oje' ta Dios chikiwech, ri ek'o chiri' pa jul ri akuchi ek'o-wi ri xeken yan el.

Ez 25:2

tinya' k'a ri nutzubal chupan ri ruwach'ulew Amón y tinq'alajirisaj-el pa rubi' rija' ri achike xtipe chikiwech-apo.

Ez 21:2

Rat Ezequiel, katzu'un kela' pa Jerusalem y kach'on chikij ri akuchi nikiya' kiq'ij ri ki-dios y chirij chijun ruwach'ulew.

Ez 20:46

Rat Ezequiel, katzu'un kela' pa xokon chire re ruwach'ulew, richin naq'alajirisaj ri nuch'abel ri achike xtuk'uluwachij ri k'echelaj chiri'.

Wuj Richin ri Isaías 50:7

Roma kan ja ri ajaw Jehová ri xito'on, kan man xsach ta nuk'u'x. Roma ri' kan kow xik'oje' achi'el jun abej y wetaman chi kan man xkik'ixbitej ta.

2 Crón 20:10

Jak'a re wakami jare' e peteneq richin nokibana' oyowal qik'in ri e rijatzul kan ri Amón, ri Moab y ri winaqi' ri aj chuwi' taq juyu' richin ri Seir. Ri ojer kan toq ri qati't-qamama' xeq'ax-pe chupan ri kiruwach'ulew ri winaqi' ri' toq e eleneq-pe pan Egipto, rat kan man xawajo' ta chi xok-apo ri atinamit Israel chiri'; xa xabij k'a chike chi tikich'ara-ki' kik'in, y man jun itzel tikiben kan chike.

Wuj Richin ri Josúe 24:4

Y ri Isaac xinya' k'a ka'i' ruk'ajol; ri jun xubini'aj Jacob y ri jun chik xubini'aj Esaú. Ri Esaú xinya' chire ri juyu' rubini'an Seír richin xrichinaj, jak'a ri Jacob y ri e ralk'ual xebe pa ruwach'ulew Egipto.

Deut 2:5

Man jun tiben chike re winaqi' re' richin niyek koyowal, roma re ulew re' kan man xtinya' ta chiwe, y man jun iq'a' chire re ruwach'ulew re'. Jare' ri kichinan ri e rijatzul kan ri Esaú y ja yin ri in yoyon chike.

Wuj Richin Bix Chire ri Dios 137:7

Nimalej Jehová, ke'oqaqa chi'ak'u'x ri winaqi' aj-Edom, ri janila xekikot toq xch'akatej ri Jerusalem, toq xkibij: ¡Tiwulaj kan jumul, tiwulaj kan jumul ri ruxe' ri chapayon richin!, xecha'.

Ez 35:1

Ri Jehová xch'on chik wik'in y xubij chuwe:

Ez 36:5

yakatajineq janila ruq'aq'arinen ri woyowal chikij rije' y chikij ri aj-Edom, roma rik'in janila kikoten xk'oje' kan pa kiq'a' ri ruwach'ulew ri' y rik'in janila ixowanik xekik'uaj-el ronojel ri ek'o kan pa taq juyu'.