Ez 35:13 - Kaqchiquel Bible

¹³ Rik'in k'a ri ich'abel kan xinimirisaj k'a iwi' y kan janila k'a itzel xixch'on chuwij. Y yin kan xinwak'axaj ronojel.

Ez 35:13 ပူးပေါင်းရင်းမြစ်များ

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Ez 35:12

K'ari' k'a xtiwetamaj rix aj-Edom chi yin Jehová xinwak'axaj chi xixch'on itzel chikij rije', roma xich'ob chi ri kiruwach'ulew rije' jachon chik chiwe richin niwichinaj.

Wuj Richin ri Jeremías 29:23

Kere' ri xtikik'uluwachij roma man utz ta xekiben chiri' pan Israel. Kan xemakun kik'in ri kixjayilal ri kachpochel. Y roma pa nubi' yin, xkibij ch'abel ri man e qitzij ta, ri xa man nubin ta chike richin nikiben. Yin Jehová kan wetaman ronojel re' y kan nutz'eton, xcha' ri Dios chupan ri wuj.

Wuj Richin ri Isaías 36:20

¿Achike kami chike konojel re dios re' kichin ronojel ri ruwach'ulew ri' ri xtikir xukol kan ri ruwinaq pa ruq'a' rija'? ¿Y nich'ob kami rix chi ri Jehová xtitikir chuqa' xkixrukol kan?, xcha'.

1 Sam 2:3

Man ke'ibij k'a ch'abel rik'in nimirisanen, ni man tel pa taq ichi' ch'abel rik'in nimirisanen, roma ri Dios, ja rija' ri Jehová ri retaman ronojel, y nutz'et ri achike niqaben.

Judas 1:15

richin xtuq'et-tzij pa kiwi' konojel, y richin xtuya' ruk'ayewal pa kiwi' ri winaqi' ri man kik'uan ta ri k'aslen ri niqa' chuwech rija', xa ja ri itzel k'aslen kik'uan, y yekibila' poqon taq ch'abel chirij, xcha'.

2 Pedro 2:18

Kan nikibananej chi k'o k'iy etamabel kik'in, jak'a xa ch'abel ri man jun kejqalen ri yekibila'. Y rik'in itzel taq rayinik yekiq'ol ri xa k'a juba' kekolotej-pe chikikojol ri e uk'uayon itzel k'aslen.

Wuj Richin ri Malaquías 3:13

Rix kan ibilon poqon taq ch'abel chuwij yin, y k'ari' nibij chi man jun itzel ibin chuwij.

Wuj Richin ri Isaías 37:29

Roma xayakatej chuwij, y xanimirisaj-awi', roma ri' re wakami kan xtinya' k'a jun ch'ich' pan atza'n y jun chik ch'ich' pan achi' richin yaruq'et. Rik'in ri' kan xtinben chawe richin yatzolin ri akuchi at peteneq-wi, xcha' ri Dios chire ri Senaquerib.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Isaías 37:10

Kere' k'a tibij chire ri Ezequías ri rey richin Judá: Man karuq'ol ri a-Dios ri achoq ik'in akuquban-wi ak'u'x, toq nubij chawe chi ri Jerusalem man xtujech ta pa nuq'a' yin.

Wuj Richin ri Molojri'il 10:14

Ri maneq runa'oj kan nik'o ruwi' ri rutzij ri nuben, y ri peteneq chiqawech-apo xa man jun etamayon. ¿Kan k'o ta kami jun ri nitikir nibin chire ri achike ri peteneq toq rija' xa maneq chik?

Wuj Richin ri Achin Job 35:16

Rik'in re' niq'alajin chi rat Job, yach'on xaxe richin nabananej, janila k'iy ch'abel ye'abila' y xa man awetaman ta ri achike ye'abila'.

Wuj Richin ri Achin Job 34:37

Roma rija' man xaxe ta k'a jun aj-mak, pa ruwi' ri', rija' kan yakatajineq chirij ri Dios, kan chiqawech k'a roj nretzelaj y nitze'en chirij ri Dios, kan janila nich'on y nich'ojin chire rija'.

2 Crón 32:19

Kan janila k'a yech'on chirij ri Dios richin ri Jerusalem, achi'el xech'on chikij ri ch'aqa' chik dios kichin ch'aqa' chik tinamit richin ch'aqa' chik ruwach'ulew, ri dios ri xa e banon koma achi'a'.

2 Crón 32:15

Roma ri' man kixq'olotej pa ruq'a' ri Ezequías. Man tinimaj rutzij, roma man jun dios chuwech re ruwach'ulew ri xtikir xukol ri rutinamit pa kiq'a' ri wati't-numama'. ¡K'a ta la' chik k'a ri i-Dios rix xkixrukol kan pa nuq'a'! nubij ri Senaquerib, xecha'.

2 Rey 19:28

Y roma ri awoyowal y ri animirisanen; roma ri' kan xtinbenya' k'a jun ch'ich' pan atza'n, chuqa' jun pan achi' richin xkaqaqa pa nuq'a'. Y keri' xtinben chawe Senaquerib chi xkatzolin chik ri akuchi at peteneq-wi, xcha' ri Jehová.

Wuj Richin ri Q'axanri'il 14:27

¿K'a jampe' k'a xketane' re itzel taq winaqi' re', ri e rijatzul kan ri Israel chi itzel yech'on chuwij? Yin xenwak'axaj toq rije' yech'ojin.

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Wuj Richin ri Jeremías 7:11

¿Man kami ta jun jay kichin eleq'oma' ri ibanon chire ri wachoch, ri akuchi ninataj-wi ri nubi' yin? Roma yin keri' chuqa' nutz'eton. Yin Jehová ri yibin.

Wuj Richin ri Jeremías 48:26

Rix kan xkixbiyin achi'el q'abarela' roma xixyakatej chuwij yin Jehová. Rix kan xtikich-iwi' chupan ri ixa'oj y konojel winaqi' xkeyojoben chiwij,

Wuj Richin ri Jeremías 48:42

Ri iwajawaren kan xtich'akatej, roma kan xixyakatej chuwij yin Jehová.

Ez 36:3

Xabakuchi k'a yixchap chi oyowal y yixkik'is, konojel tinamit richin ch'aqa' chik ruwach'ulew kan xkiben chi xok-qa kichin ri ruwach'ulew ri'. Y rije' kan yixkitze'ej k'a y yixketzelaj.

Wuj Richin Bix Chire ri Dios 74:18

Toqaqa k'a chi'ak'u'x chi ri e etzelanel kan kiya'on ak'ix rat Jehová. Chuqa' ri e nakaneq taq winaqi' xa yatkiyoq' k'a rat.

Wuj Richin Bix Chire ri Dios 94:9

Ri xbanon ri ak'axabel, ¿kan man nak'ex ta kami rija'? Ri xbanon ri wachaj, ¿kan man nitzu'un ta kami rija'?

Wuj Richin ri Isaías 37:27

Y ri winaqi' aj chiri' kan man jun xetikir xkiben, janila xkixibij-ki' y xek'ixbitej. Xa xemayamo-qa achi'el ri q'ayis ri k'o pa juyu', achi'el ri q'os rex-rex, chuqa' achi'el ri q'ayis ri yek'iy-pe pa ruwi' ri jay ri xa yek'at, roma ri k'aten kaq'iq' ri nipe kere' pa relebel-q'ij.