Ez 35:11 - Kaqchiquel Bible

¹¹ Rix kan xe'iwetzelaj, kan xiwajo' xk'oje' iwik'in ri xk'oje' kik'in rije'. Roma ri', yin Jehová kan ninya' k'a nutzij chi kan xtinya' ruk'exel chiwe. Toq yin xtinya' ri rutojbalil pan iwi', k'ari' xtretamaj ri nutinamit chi ja yin ri' ri in Jehová.

Ez 35:11 ပူးပေါင်းရင်းမြစ်များ

San Mateo 7:2

Kan achi'el wi k'a rubanik ri niben rix chike ri winaqi', keri' chuqa' xtiban chiwe rix. Janipe' chi ch'owen ri xtiben chikij, ja chuqa' ri' ri xtiban chiwij rix.

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Am 1:11

Kere' nubij ri Jehová pa kiwi' ri aj-Edom: Ri kimak kan xik'o yan ruwi' ri yekiben. Roma ri' kan xtinya' k'a jun nimalej ruk'ayewal pa kiwi'. Rije' xekitzeqelibej ri kiwinaq israelita richin xekikamisaj. Y kan man xkijoyowaj ta kiwech. Ri ch'upun-k'u'x ri xk'oje' kik'in kan janila nim. Kan man xkiq'et ta ruwi' ri koyowal.

Wuj Richin Bix Chire ri Dios 137:7

Nimalej Jehová, ke'oqaqa chi'ak'u'x ri winaqi' aj-Edom, ri janila xekikot toq xch'akatej ri Jerusalem, toq xkibij: ¡Tiwulaj kan jumul, tiwulaj kan jumul ri ruxe' ri chapayon richin!, xecha'.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Ez 25:14

Kan xtinya' k'a rajel-ruk'exel chike, y ja ri nuwinaq israelita ri xkebanon. Keri' xtiketamaj achike ri' ri rutojbalil ri xtinya' pa kiwi', yin Jehová ri yibin, xcha'.

Wuj Richin ri Abdías 1:15

Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.