Ez 34:6 - Kaqchiquel Bible

⁶ Xkitaluj k'a el ki' pa taq ruwi' juyu' y xesach k'a el chupan chijun ri ruwach'ulew. Kan man xich'ob ta juba' kij richin xe'ikanoj.

Ez 34:6 ပူးပေါင်းရင်းမြစ်များ

1 Pedro 2:25

Rix ri rubanon kan, xa italun-iwi' achi'el taq karne'l ri e sachineq kan. Jak'a re wakami tzolejineq chik pe ik'u'x rik'in ri Yuq'unel iwichin y ri nichajin ri iwánima.

Wuj Richin Bix Chire ri Dios 142:4

Yitzu'un ri pa wijkiq'a', y man jun k'o richin yiruto'. Man jun akuchi ta ninto-wi-wi', ni kan man jun nichajin wichin.

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

Ez 7:16

Y ri winaqi' ri ek'o kan chupan ri tinamit, xa xke'animej-el pa taq juyu'. Y toq ye'oq' roma ri kimak, xa xkeq'ajan achi'el nikiben ri taq paloma.

Wuj Richin ri Jeremías 13:16

Tiya' ruq'ij ri Jehová ri qa-Dios, roma wi man niben ta keri', nuteq-pe jun q'equ'm pan iwi' richin nipajk'ij iwaqen y ri saqil ri iwoyoben rix, rija' xa xtuben q'equ'm chire.

Wuj Richin ri Jeremías 5:1

Ri Jehová nubij: Kixbiyin pa taq bey richin ri tinamit Jerusalem y titz'eta' jebel. Ke'ikanoj pa taq nima'q ruwech bey y titz'eta' wi k'o jun nuben ronojel pa ruchojmilal, jun ri nrajo' nuben xaxe ri qitzij. Wi rix niwil jun, yin xtinkuy rumak ri itinamit Jerusalem.

Wuj Richin ri Jeremías 50:6

Rix nutinamit xa ix achi'el karne'l ri ix sachineq, roma ri aj-raqen xa xixkitaluj kan achi'el nuben jun yuq'unel ri yerutaluj kan ri rukarne'l. Rije' xkiya' q'ij chiwe chi xixsach kan pa taq juyu'. Xixel-el pa juyu' y kan ximestaj kan ri iqejoj.

Ez 34:7

Roma ri' rix aj-raqen, ri ix achi'el itzel taq yuq'unela', tiwak'axaj jebel ri nuch'abel.

Os 7:13

Kan toq'ex k'a kiwech ri aj-Israel roma xa xkich'er kan ki' chuwe yin. Kan xtipe k'a ri wululen pa kiwi'. Kere' xtikik'uluwachij roma xa xkipaba-ki' chinuwech. Xenkol y rije' xa xkitz'uk-tzij chuwij.

Joel 3:2

Ri chiri' pa taq'aj kojol juyu' richin kan ri Josafat, yin xkenmol k'a konojel tzobaj winaqi' richin ri ruwach'ulew. Y chiri' xtinq'et-wi tzij pa kiwi' rije', roma janila itzel xkiben chire ri nutinamit; kan xekik'uaj-el ri israelita, xekitaluj chikikojol winaqi' richin ch'aqa' chik ruwach'ulew, y ri kulew kan xkitaluj chikiwech rije'.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Wuj Richin ri Isaías 51:18

Man jun chike ri iwalk'ual ri k'o ta chiri' richin yixruyuqej. Y chikikojol konojel ri iwijatzul ri xe'ik'iytisaj, man jun ri achike ri yixyuqen chi'iq'a'.

Wuj Richin ri Jeremías 10:21

Ri aj-raqen ri ek'o pa qawi' kan maneq na'oj kik'in y man nikikanoj ta ri Jehová. Roma ri' xebe pa xulan y qonojel roj xa xqataluj-el-qi'.