Ez 34:28 - Kaqchiquel Bible

²⁸ Rije' man jun bey chik xkek'oje' chuxe' kitzij ri ch'aqa' chik ruwach'ulew. Y ni ta ri k'uxunela' taq chikopi' man xkekitej ta chik. Kan xkek'ase' k'a rik'in ch'uch'ujil y man jun xtinaqo kichin.

Ez 34:28 ပူးပေါင်းရင်းမြစ်များ

Wuj Richin ri Jeremías 46:27

Jak'a rix ri ix rijatzul kan ri Jacob ri nusamajel, man tixibij-iwi'. Man kixmayamo-qa rix israelita, roma rix y ri iwalk'ual kan xkixinkol ri k'a akuchi ix talutajineq-wi. Stape' k'a nej ixk'o-wi, rix xkixtzolin chik pe y xkixk'ase' rik'in uxlanen jun bey chik. Kan xkixch'uch'u' y man jun chik xtixibin iwichin.

Wuj Richin ri Jeremías 30:10

Roma ri' man tixibij-iwi' rix ri ix rijatzul kan ri Jacob, ri nusamajel yin. Chuqa' man timayamo-qa ri iwánima roma kan xkixinkol rix y ri iwalk'ual chupan ri ruwach'ulew xabakuchi ixk'o-wi. Xkixtzolin k'a rik'in uxlanibel-k'u'x y kan xkixk'ase' k'a chi utzil y kan man jun achike roma xtixibij-iwi'.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Ez 36:15

Yin man xtinya' ta q'ij richin nak'axatej chik ri itzel ch'abel kichin ch'aqa' chik winaqi' richin ri ch'aqa' chik ruwach'ulew y chuqa' man xtinya' ta q'ij chi maneq chik winaqi' chupan ri kiruwach'ulew, xcha'.

Ez 34:29

Kan xtinya' jebelej ulew richin tiko'n chike richin chi man jun bey chik xtikitej wayjal. Chuqa' man xkeya'ox ta chik pa tijoj-poqonal koma ri ch'aqa' chik ruwach'ulew.

Ez 34:8

Yin Jehová ninbij chi xepe yan jalajoj kiwech e etzelanel wichin richin xekik'is yan ri nuwinaq, achi'el ri k'uxunela' taq chikopi' ri ye'uk'uan-el ri karne'l. Chuqa' xa iyon rix ichajin-qa-iwi' y man e ichajin ta rije'.

Ez 36:4

Roma ri' tak'axatej k'a ri nuch'abel pa ruwi' taq juyu', ri kokoj taq juyu', ri siwan, ri taq'aj kojol taq juyu', ri akuchi e wulatejineq kan y ri tinamit ri xe'ok kan tz'iran, chiri' ri akuchi xe'uk'uex-el ronojel ri ek'o chupan. Re ruwach'ulew re' xa kan xyojobex y roma ri' yin Jehová ninya' k'a nutzij chi

Ez 34:25

Chupan ri q'ij ri' xtinben k'a jun tununri'il kik'in ri iwinaq richin chi xtinjikiba' chike jun k'aslen richin uxlanenri'il, achi'el jun yuq'unel yeruk'is ri k'uxunela' taq chikopi' richin chi rije' yek'ase' rik'in ch'uch'ujil y xkewer k'a pa taq juyu' y pa taq k'echelaj.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Ez 34:5

Ri iwinaq xa xkitaluj-ki' achi'el ri karne'l ri xa man jun chik niyuq'un kichin y roma ri' xek'is k'a achi'el ri karne'l ri xetij koma k'uxunela' taq chikopi'.

Os 11:11

Kan achi'el k'a aj-xik' chikopi' xtikiben richin xke'el-pe pan Egipto. Achi'el k'a nuben ri paloma, keri' xtikiben richin xke'el-pe pan Asiria. Kan xtuben k'a chike chi xkek'oje' chik pa kachoch.

Am 9:15

Kan jebel xkixinya' chik chupan ri iruwach'ulew achi'el jun che' ri jebel tikil. Y man jun chik xtelesan-el iwichin, akuchi xkixinya-wi. Yin Jehová ri i-Dios ri yibin.

Wuj Richin ri Achin Job 11:19

Xkakotz'e-qa y man jun xtaxibij ta awi' stape' ek'o ye'etzelan awichin. Y re' xtuben chike ri winaqi' chi xkatkikanoj y xtikik'utuj utzil chawe.

Wuj Richin ri Isaías 32:18

Y ri winaqi' ri e richin ri Dios kan xkek'oje' chupan jay akuchi k'o uxlanibel-k'u'x, ri kan man jun xtinaqo kichin, y xketikir xke'uxlan rik'in ch'uch'ujil.

Wuj Richin ri Sofonías 3:13

Ri ti juba' ri xkekolotej kan chiwe man xtikiben ta chik ri man utz ta. Man xtikitz'uk ta chik tzij. Kan man jun chik itzel ch'obonik xtikimey. Kan xkewa-xke'uk'ya' chi utzil, xke'uxlan k'a y kan man jun chik xtinaqo kichin.

Wuj Richin ri Zacarías 8:12

Chupan ri q'ij ri' ri ija'tz kan jebel xkebos-pe, y ri juwi-uva xa kan xtik'oje' ruwech. Ri qasanbel-ulew kan xtik'ase' ri tiko'n chuwech, y xtinben k'a chi xtiqaqa raxq'ab pa ruwi' ri iruwach'ulew. Chuqa' xtinben chi ri iwinaq ri xek'oje' kan, kan xtok kichin ronojel re'.