Ez 34:2 - Kaqchiquel Bible

² Rat Ezequiel, kan ke'ach'olij ri aj-raqen ri ek'o pa ruwi' ri tinamit Israel roma rije' nikiben ri man utz ta. Y kere' tabij chike: Toq'ex k'a iwech rix ri ix aj-raqen pa ruwi' ri nutinamit Israel roma xa ja rix nichajij-qa-iwi', pa ruk'exel ye'ichajij ri iwinaq, achi'el ri yuq'unela' ri man yekichajij ta ri kikarne'l.

Ez 34:2 ပူးပေါင်းရင်းမြစ်များ

Wuj Richin ri Jeremías 23:1

Y ri Jehová xubij: Toq'ex k'a iwech rix ri xixok aj-raqen pa kiwi' ri nuwinaq, roma ix achi'el yuq'unela' ri yekik'is y yekitaluj-el ri karne'l.

Wuj Richin ri Jeremías 3:15

Xkenya' k'a q'atoy taq tzij pan iwi' ri kan yeqa' chinuwech yin y ja rije' ri xkeq'aton-tzij pan iwi' rix rik'in na'oj y nojibel.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

2 Pedro 2:3

Ri tijonela' ri' roma ri rayinik chirij méro, xtikibij k'a chi kan richin ri Dios ri tijonik ri nikiya'. Y ri yebanon kere', kan ek'o chik k'a chi yek'is, roma kan ojer ri' rubin kan ri Dios chi xtuya' ruk'ayewal pa kiwi'. Rija' man niwer ta richin rumestan ta ri rubin.

Wuj Richin ri Jeremías 10:21

Ri aj-raqen ri ek'o pa qawi' kan maneq na'oj kik'in y man nikikanoj ta ri Jehová. Roma ri' xebe pa xulan y qonojel roj xa xqataluj-el-qi'.

Romanos 16:18

Roma rije' man ja ta ri rusamaj ri qajaw Jesucristo ri nikiben, xa ja ri nikajo' rije' ri nikiben. Rije' jebel taq ch'abel k'a ri yekibila' y roma ri' yalan utz nikak'axaj ri qach'alal ri man nikich'ob ta rij jebel, y chi'anin yeq'olotej-el pa kiq'a'.

Hechos 20:29

Roma kan wetaman chi kan xaxe toq man xkipe ta chik yin, kan jari' k'a xke'oqaqa kan winaqi' ri achi'el kibanik utiwa'. Roma ri utiwa', kan xaxe ri ye'ok chikikojol ri karne'l, yekitej y yekik'is.

Wuj Richin ri Zacarías 11:17

Toq'ex k'a ruwech ri itzel yuq'unel toq numalij kan ri tzobaj karne'l. Kan xtiqaqa ta k'a ri espada chirij ri ruq'a', y xtel ta el jun runaq'-ruwech ri k'o pa rijkiq'a', richin keri' xtichaqi'j-qa ri ruq'a' y xtimoyir kan jumul, xcha' ri Dios.

Ez 13:19

Ri ixoqi' ri' xkiben kere' xaxe richin xkich'ek jun moq' cebada o xa jun k'ap kaxlan-wey. Rik'in ri kitz'ukun taq tzij kan xekikamisaj ri winaqi' ri xa man ruk'amon ta richin xeken y xekik'asba' kan winaqi' ri xa man ruk'amon ta richin yek'ase'.

Hechos 20:26

Roma ri' kan ninbij kan chiwe, chi man numak ta yin wi ek'o ri xkebeqaqa k'a chupan ri ruk'ayewal.

Wuj Richin ri Jeremías 12:10

E k'iy k'a chike ri e etzelanel wichin ri xkiwulaj kan ri ruwach'ulew, achi'el jun yuq'unel kan nuxeq' kan akuchi tikon-wi uva. Y ri ulew ri' kan janila jebel nutz'eton yin, jak'a kan xtikixolq'otij richin xtok kan tz'iran ruwach'ulew.

Wuj Richin ri Jeremías 2:8

Ri e sacerdote man xkibij ta: ¿Akuchi k'o-wi ri Jehová? Ri yeya'on pixabanik richin ri tinamit man xkiya' ta chik wejqalen. Ri aj-raqen xa xeyakatej chuwij, ri e q'alajirisey nuch'abel xa xech'on pa rubi' ri Baal y kan xekitzeqelibej dios ri xa man jun kejqalen.

Ez 33:24

Ri awinaq ri k'a ek'o na chiri' pa Judá, ri ek'o pa taq tinamit ri e wulatejineq chik kan, nikich'ob chi ri Abraham xa ruyon-ok y man rik'in ri' xok rajaw ri ruwach'ulew. Roma ri' rije' nikich'ob chi roma rije' e janila e k'iy kan xketikir chuqa' xtikichinaj ri ruwach'ulew ri'.

2 Sam 5:2

Y kan qitzij na wi chi ja ri Saúl ri xq'aton-tzij pa qawi'. Jak'a xa kan ja rat ri at uk'uayon ri bey chikiwech ri aj-labal. Chuqa' ri Jehová rubin chawe chi rat xkatok yuq'unel y tata'al qichin roj tinamit Israel, xecha'.

San Juan 10:8

Konojel ri xek'oje' yan nabey chinuwech yin y xkibij chi e taqon-pe roma ri Dios. Xa e junan kik'in ri eleq'ey taq karne'l. Y man xetzeqelibex ta koma ri taq karne'l ri e wichin yin.

2 Corintios 12:14

Y re wakami, kan ink'o chik richin chi yinapon pa rox mul iwik'in. Y man k'a tich'ob chi k'o ejqa'n ninbenya' chiwij. Yin xa man ja ta k'a ri k'o iwik'in ri ninwajo', yin ja rix ri yixinwajo'. Roma achi'el nubij ri tzij: Ja ri tata'aj nimolo ri beyomel richin nuya' kan chike ri ralk'ual, y man ja ta ri alk'ualaxela' ri yemolo beyomel richin nikiya' chire ri kitata'.

Judas 1:12

Ri winaqi' ri' xa nikik'en-pe ruk'ixbilal toq rix nimol-iwi' rik'in ajowabel y junan niben jun wa'in. Xa kan e achi'el ri yuq'unela' ri xaxe rije' nikitzuq-qa-ki' y man yekich'ob ta ri kawej. E achi'el ri sutz' ri man richin ta job ri e uk'uan roma kaq'iq'. Xa e achi'el chaqi'j taq che' ri man nikiya' ta kiwech, achi'el kaminaqi' taq che' ri e k'uqutajineq chik el.

Ez 22:25

Ri yeq'aton-tzij chiri' e achi'el xa ta ri koj ri yewuyin chikij ri winaqi' y kan yekiwech' ri e kichapon. Rije' yekikamisaj ri winaqi' achi'el ri koj yekik'ux ch'aqa' chik chikopi'. Re q'atoy taq tzij re' kan yekik'en k'a kan ronojel ri k'o kik'in. Chuqa' e k'iy k'a ixoqi' ri xemalkanej kan koma rije'.

Ez 34:1

Ri Jehová xch'on chik wik'in y xubij chuwe:

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Ez 34:15

Kan ja yin k'a xkinok kiyuq'unel y ja yin xkinuk'uan kichin richin xke'uxlan. Yin Jehová ri ink'o pa ruwi' ronojel ri yibin.

Am 6:4

Rix yixwer pa taq jebelej ch'at ri e banon rik'in key tix. Kan jebel yixkotz'e' pa taq ch'aket ri e buyul y nima'q kaqen. Kan jebel yixnimaq'ijun rik'in alaji' karne'l ri jebel e tiojirisan. Kan jebel ye'itijla' ri nima'q taq wákix.

Wuj Richin ri Isaías 56:11

Rix ix achi'el tz'i' ri janila e mum, ri kan man jun bey ninoj ri ipan. Rix ix achi'el yuq'unela' ri kan man jun niq'ax chiwech. Iwonojel rix xa nich'er-el-iwi', y xa chi'ijujunal nikanoj ri janipe' nich'ek.