Ez 34:18 - Kaqchiquel Bible

¹⁸ Rix ri kan k'o iwuchuq'a', ronojel ri nik'atzin chiwe kan k'o iwik'in. Man rik'in ri' rix nik'is ri man nikusaj ta, achi'el nikiben ri karne'l toq nikitej jebel taq q'os, y k'ari' nikixeq' kan chi'aqen ri q'os ri k'a nitotej na kan. Y ri ya' nikiqum chay-chay y k'ari' rik'in kaqen nikitukukej ri nik'oje' kan.

Ez 34:18 ပူးပေါင်းရင်းမြစ်များ

San Lucas 11:52

¡Toq'ex iwech rix etamanela' chirij ri pixa' roma rix iwetaman achike rubanikil richin chi jun wineq nok richin ri Dios, jak'a rix man ix okineq ta richin ri Dios y chuqa' ye'iq'et ri winaqi' ri nikajo' ye'ok richin ri Dios, xcha'.

San Mateo 23:13

¡Toq'ex iwech rix etamanela' chirij ri pixa' y rix fariseo ri xa ka'i' ipalej! Roma xa kan iq'aton kibey ri winaqi' richin man ye'ok ta chupan ri aj-chikajil ajawaren. Kan man utz ta k'a ri ibanon, roma man niya' ta q'ij chike ri winaqi' richin ye'ok, y ni chuqa' rix man yixok ta.

Wuj Richin ri Isaías 7:13

K'ari' ri Isaías xubij: Tiwak'axaj k'a rix ri ix rijatzul kan ri rey David: ¿Kan achi'el niben chike ri winaqi' toq niyek koyowal y kan keri' chuqa' niwajo' niben chire ri qa-Dios?

2 Sam 7:19

Y re' xa kan ti juba' ok chawech rat Nimalej Jehová, roma stape' yin xa in jun asamajel, man rik'in ri' rat kan xach'on yan apo chirij ri wijatzul ri chinuwech-apo. ¿Kan kere' kami naben kik'in konojel winaqi', rat nimalej Jehová?

Wuj Richin ri Q'axanri'il 16:13

Roma man xaxe ta xojawelesaj-pe ri pa ruwach'ulew ri akuchi jebel xojwa' y wakami nawajo' yojakamisaj kan chi wayjal chupan re tz'iran ruwach'ulew re'. Y man xaxe ta ri', roma kan nawajo' chi yak'oje' pa qawi', richin yapa'e' chiqij rik'in ri aq'atbel-tzij.

Wuj Richin ri Q'axanri'il 16:9

Ri Jehová kan ix rucha'on k'a pe rix chikikojol ri qawinaq, y kan chunaqaj rija' ix ruya'on-wi richin yixsamej chupan ri rachoch, y kan ix rucha'on richin nisamajij ri tinamit. ¿Kan man jun k'a rejqalen chiwech rix re samaj re ruya'on ri Jehová chiwe?

Wuj Richin ri Miqueas 2:2

Nikirayila' k'a rulew ri jun chik y nikiben kan kichin chire. Nikirayila' ruwech jay kichin ch'aqa' chik y nikimej kan. Rik'in tz'ukun-tzij nikeleq'aj kan ri rachoch ri jun chik wineq. Ronojel ri kichinan kan ri kiwinaq nikelesaj kan chike.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 16:47

Y kan xatzeqelibej ri itzel kibanobal y xaben ri man niqa' ta chinuwech yin. Y pa ruwi' ri', kan más itzel xaben chikiwech rije'.

Ez 16:20

Y man xaxe ta ri', xaben achi'el jun ixoq itzel ruk'aslen. Chuqa' xe'asuj ri alk'ualaxela', chi alaboni' chi xtani', xe'asuj chikiwech ri wachibel ri' richin chi jari' ri xok kiway.

Wuj Richin ri Rutikeribel 30:15

Jak'a ri Lea xa xubij: Man xaxe ta xamej ri wachijil. Wakami kan nawajo' chuqa' namej ri mandrágora ri ruk'amon-pe ri wal chuwe, xcha' ri Lea. Y ri Raquel xubij chire: Wakami k'a chupan re aq'a' re', ri Jacob awik'in k'a rat xtiwer-wi kan y taya' ri mandrágora chuwe, xcha' ri Raquel.

Wuj Richin Etamabel-Tzij 25:26

Kan achi'el chuqa' jun ralaxbal-ya', ri nitukuk ruwech o ralaxbal-ya', ri xa ya' chuw ri k'o chupan; keri' k'a ri chojmilej wineq, ri xa man kow ta k'o ri ruk'aslen chikiwech ri aj-maki'.

Ez 34:19

Y wakami ri ch'aqa' chik nuwinaq k'o chi nikitej y nikikusaj ri xiya' kan rix, achi'el ri karne'l ri k'o chi nikitej ri q'os ri kixeq'on kan chi'aqen y chuqa' k'o chi nikiqum ri ya' ri kitukuken kan rupan.

Wuj Richin ri Isaías 32:6

Ri wineq ri bilon man bilon yerubij, xa man jun najowan, y xa ruyon itzel yeruch'ob. Kan nukanoj k'a richin nuben itzel taq banobel, y chuqa' kan nutz'uk k'a tzij chirij ri Jehová. Jun wineq ri janila ninum nipe rik'in, jak'a rija' kan man jun nuya' chire, y kan man nuya' ta ruya' ri chaqi'j ruchi'.